உங்கள் ராசி உணர்ச்சிவசப்படக்கூடியதா? ஜோதிட ரீதியாக பிறருக்காக அதிகம் சிந்திக்கும், தன்னலமற்ற பண்புகள் கொண்ட 5 முக்கிய ராசிகளைப் பற்றி இந்த கட்டுரையில் விரிவாகக் காணலாம். குழந்தை மனம் போல, இவர்கள் சுற்றத்தாரின் தாக்கத்தால் உருவாகும் அன்பு உள்ளம் கொண்டவர்கள்.
பிறருக்காக வாழும் உணர்ச்சிவசப்படும் ராசிகள்
பிறர் மீது அன்பு செலுத்துவதிலும், அவர்களின் துயரங்களைப் புரிந்துகொள்வதிலும் சில ராசிக்காரர்கள் தனித்துவமானவர்கள். இவர்களின் இயல்புகள் மற்றவர்களுக்கு முன்னுரிமை அளித்து, கருணையுடன் செயல்படுவதை நோக்கமாகக் கொண்டவை. அத்தகைய 5 ராசிகளை இப்போது பார்ப்போம்.
மேஷ ராசி
மேஷ ராசிக்காரர்கள் அதிகம் உணர்ச்சிவசப்படக்கூடியவர்கள். இவர்கள் அதிகமாக கோபப்படுபவர்களாக இருந்தாலும், யாரேனும் ஒருவர் அழுவதைக் கண்டால் கோபம் தணிந்து விடும். பிறரின் துக்கம், சோகத்தை மாற்றவும், மகிழ்ச்சிப்படுத்தவும் கூடிய எண்ணம் கொண்டவர்களாக இருப்பார்கள். மேஷ ராசி அன்பர்கள் பிறரின் துயர் உணர்ந்து செயல்படுவார்கள்.
கடக ராசி
கடக ராசிக்காரர்கள் எதன் மீதும் எளிதில் கோபப்பட மாட்டார்கள். அதே சமயம் இவர்களை யாரேனும் கோபப்படுத்தினால், எரிச்சலடைய செய்தால் அவர்களிடமிருந்து விலகி விடுவார்கள். யாருக்கேனும் பிரச்னை, கஷ்டம் என்றால் இவர்களின் உள்ளம் உருகிவிடும். தனக்கு மிகவும் பிடித்த நபரிடம் கருத்து வேறுபாடு பிரச்னை என்றால் மன்னிப்பு கேட்க தயங்கமாட்டார்கள். கடக ராசி அன்பர்கள் கருணை உள்ளம் கொண்டவர்கள்.
கன்னி ராசி
கன்னி ராசிக்காரர்கள் ஒரு குறுகிய வட்டத்திற்குள் இருப்பார்கள் என்றாலும், இவர்கள் சமூக சேவை செய்யும் எண்ணம் கொண்டவர்கள். இவர்கள் தனக்கும், தன் வீட்டில் உள்ள பிரச்னைகளை தீர்ப்பதிலும் அலட்சியமாக இருப்பார்கள். ஆனால் சமூக சேவை, நண்பர்களுக்கு ஏதேனும் ஒரு பிரச்னை எனில் அதை தீர்ப்பதிலும், அவர்களுக்கு உதவி செய்வதிலும் அதிக ஈடுபாட்டுடன் செயல்படுவார்கள். இதன் காரணமாக பல பிரச்சனைகளை அவர்களின் வாழ்க்கையில் சந்திக்க நேரிடும். கன்னி ராசி அன்பர்கள் பிறருக்கு உதவுவதையே முக்கியமாகக் கருதுவார்கள்.
துலாம் ராசி
துலாம் ராசியினர் ஒருவரின் முகத்தைப் பார்த்தாலே அவரது உணர்வுகளைப் புரிந்து கொள்ள முடியும். மற்றவர்கள் சொல்லி தான் புரிய வேண்டும், உதவ வேண்டும் என்பதில்லை. இவர்கள் மற்றவர்களுக்குத் தீர்வு கொடுப்பதிலும், மனதை வலுப்படுத்த நம்பிக்கை தரும் வார்த்தைகளைப் பேசுவார்கள். இவர்கள் எதிரியாக இருந்தாலும் அவர்களிடம் மென்மையாக நடந்து கொள்வதோடு, அவர்களையும் நண்பராக்கிக் கொள்ளும் சாமர்த்தியம் உண்டு. துலாம் ராசி அன்பர்கள் நல்லிணக்கத்தை விரும்புவார்கள்.
மீன ராசி
மீன ராசிக்காரர்கள் மனிதாபிமானப் பண்புகள் நிறைந்தவர்கள். மற்றவர்களுக்கு அன்பும், அரவணைப்பையும் தரக்கூடியவர்கள். மற்றவர்களின் சோக கதைகளை கேட்டவுடன் உணர்ச்சிவசப்படக்கூடிய நபர்கள். அனைவரிடமும் அன்பாக, நேர்மையுடன் இருக்க நினைப்பவர்கள். அதே சமயம் பிறர் பொய்யானவர்கள் எனில் அவர்களிடமிருந்து விலகி விடுவார்கள். மீன ராசி அன்பர்கள் கருணை மற்றும் அனுதாபத்தின் உருவம்.