உடல் மற்றும் மன ஆரோக்கியம் ஒருவரின் தோற்றத்தை பிரதிபலிக்கிறது. ஜோதிடம் உங்கள் எதிர்காலத்தை கணிக்க உதவுவது போல, சில எளிய தினசரி பழக்கவழக்கங்கள் உங்களை இளமையாகவும், புத்துணர்ச்சியுடனும் வைத்திருக்க உதவும். முருகன் அருளால் நீங்கள் எப்போதும் இளமையாகவும் அழகாகவும் இருக்க இந்த ஆலோசனைகளைப் பின்பற்றுங்கள்!
இளமையான தோற்றத்திற்கான முக்கிய பழக்கவழக்கங்கள்
எல்லோருக்குமே பார்க்க இளமையாக இருக்க வேண்டும் என்ற ஆசை இருக்கத்தான் செய்யும். வயதான பிறகு சருமத்தின் வயது காட்டுவது சரி. அதிலும் வயதே ஆகாமல் வயதான தோற்றத்தை காட்டும் சருமம் இருந்தால் யாருக்கு பிடிக்கும்? சிலர் முகத்துக்கு மட்டும் சரியான கவனிப்பு கொடுப்பார்கள். ஆனாலும் வயதான தோற்றம் தனித்து தெரியும். கை, கால்கள், கழுத்து போன்ற பகுதிகளிலும் வயது தெரியும் என்பதால் அதற்கும் தனி கவனம் செலுத்த வேண்டும். சருமம் வயதான தோற்றத்தை கொடுப்பதை தவிர்க்க நீங்கள் செய்ய வேண்டியது என்னென்ன என்பதை பார்க்கலாம்.
1. சருமத்துக்கு தண்ணீர்
உடல் சரும வறட்சியைத் தடுக்க தினமும் 8 கிளாஸ் தண்ணீர் அவசியம். உடல் வறட்சி சருமத்தில் பிரதிபலிக்கும். இதனால் சருமம் பொலிவிழந்து வறண்டு இருக்கும். அதை தடுக்க தினமும் போதுமான தண்ணீர் குடிப்பது அவசியம். தண்ணீர் உடலுக்கு தேவையான அளவு இருந்தாலே சருமம் வறட்சி இல்லாமல் பளபளப்பாக இருக்கும். உடல் கழிவு நீங்கி இப்பதால் நச்சு இல்லாமல் முகப்பரு போன்ற சரும பிரச்சனை இல்லாமல் சருமம் ஆரோக்கியமாகவும் இருக்கும்.
2. சருமத்துக்கு தூக்க நேரம்
சருமத்துக்கு சரியான தூக்கம் அவசியம். தினமும் 7-8 மணி நேரம் தூங்க வேண்டும். தூங்கும் போதுதான் சருமம் தன்னைத்தானே சரி செய்து கொள்கிறது. தூக்கமின்மை, நள்ளிரவில் தூங்காமல் இருப்பது போன்றவை சருமத்தில் பாதிப்பை ஏற்படுத்தும். தினமும் சரியான நேரத்தில் தூங்குவதும், ஆழ்ந்த தூக்கத்தை பெறவும் திட்டமிடுவது உடல் ஆரோக்கியத்தை மேம்படுத்தும். சரும ஆரோக்கியத்தையும் மேம்படுத்தும்.
3. சருமம் வயதாவதை தடுக்க ஆன்டிஆக்சிடன்ட் நிறைந்த உணவு
சருமத்தை உள்ளிருந்து பராமரிக்க ஆரோக்கியமான உணவுகள் அவசியம். வெளிப்பராமரிப்பு போன்று உள் பராமரிப்பு உணவுகள் சருமத்துக்கு தேவையான ஊட்டச்சத்து அளிக்கும். உணவில் ஆன்டிஆக்சிடன்ட் அதிகமா இருக்கும் உணவுகளை எடுத்துக்கொள்வது சருமத்தை இளமையாக வைக்க உதவும். ஆன்டி ஆக்ஸிடன்ட் நிறைந்த பெர்ரிவகைகள், பழங்கள், காய்கறிகள், கீரைகள், நட்ஸ் போன்றவற்றை அதிகமாக சேர்க்க வேண்டும். இதில் இருக்கும் சத்துக்கள் சருமத்தை பாதிக்கும் ஃப்ரீ ரேடிகல்கள் உடன் போராடும். அதே நேரம் பதப்படுத்தப்பட்ட உணவுகள் சருமத்தில் கொலாஜனை உடைக்கிறது என்பதால் இதை தவிர்ப்பது நல்லது.
4. சரும சுத்தம் அவசியம்
தினமும் இரண்டு முறை முகத்தை சுத்தம் செய்வது முக்கியம். ஏன் என்றால், அழுக்கு, மாசு, அதிகப்படியான எண்ணெய் போன்றவை சருமத்தில் தேக்கியிருக்கும். அதை அவ்வபோது நீக்கி முகத்தை சுத்தமாக வைத்துக்கொள்ள இது உதவும். முகத்தை சுத்தம் செய்வதன் மூலம் அதிகப்படியான எண்ணெய் வெளியேறுவதால் சரும அடைப்பு, முகப்பரு போன்றவை கட்டுப்படும். சருமம் தெளிவாக இருப்பதால் சுருக்கம் இருக்காது. காலையில் பிறகு படுக்கைக்கு செல்லும் போது முகத்தை சுத்தம் செய்வதை வழக்கத்தில் கொள்ளுங்கள்.
5. சருமத்துக்கு சன்ஸ்க்ரீன்
எந்த வயதாக இருந்தாலும் சன்ஸ்க்ரீன் அவசியம். இது சூரியனிடமிருந்து வரும் புற ஊதா கதிர்களிடமிருந்து சருமத்தை பாதுகாக்கின்றன. குறிப்பாக சீக்கிரமே வரக்கூடிய சுருக்கங்கள், கரும்புள்ளிகள் வராம காக்கும். தினமும் காலையில் சன்ஸ்க்ரீன் போடுவதை வழக்கமாக்கி கொள்ளுங்கள். வீட்டில் இருந்தாலும் சன்ஸ்க்ரீன் அவசியமே. வெளியே செல்லும் போது உரிய இடைவேளைக்கு பிறகு சன்ஸ்க்ரீன் பயன்படுத்துவது சருமத்தை சுருக்கமில்லாமல் அழகாக வைத்திருக்கும்.
6. சருமதுக்கு மாய்சுரைசர்
சருமத்துக்கு மாய்சுரைசர் அவசியம். குறிப்பாக ஆன்டி ஏஜிங் மாய்சுரைசர் பயன்படுத்தலாம். உங்கள் மாய்சுரைசர் ரெட்டினால் அல்லது பெப்டைடுகள் (அமினோ அமிலங்களின் குறுகிய சங்கிலி) கொண்டவற்றை பயன்படுத்தலாம். இது தோல் செல்கள், கொலாஜன் மற்றும் எலாஸ்டின் உற்பத்தி செய்வதால் வயதான தோற்றத்தை குறைக்க உதவும். அதனால் மாய்சுரைசர் வாங்கும் போது கவனித்து வாங்க வேண்டும்.
7. சருமத்துக்கு உடற்பயிற்சி
தினமும் உடற்பயிற்சி செய்வது இரத்த ஓட்டத்தை அதிகரிக்கிறது. சருமத்துக்கு இரத்த ஓட்டம் செல்வதால் சருமம் சுருக்கமின்றி வைத்திருக்க உதவுகிறது. இதனால் இளமையான தோற்றம் கிடைக்கும். மிதமான உடற்பயிற்சியேனும் செய்ய வேண்டும். நடைபயிற்சி, ஜாக்கிங், சைக்கிளிங், ஸ்விம்மிங் போன்றவற்றை செய்து பழகலாம். இது ஒட்டுமொத்த உடல் ஆரோக்கியத்துக்கும் நன்மை செய்யும்.
8. சருமத்துக்கு ஃபேஷியல் மசாஜ்
சருமம் தொய்வடையாமல் இருக்க ஃபேஷியல் மசாஜ் செய்வதை மறக்க வேண்டாம். இது கொலாஜன் உற்பத்தியை தூண்டலாம். கொலாஜன் என்பது சருமத்தை உறுதியாக வைத்திருக்க உதவும் ஒரு புரதம். கொலாஜன் உற்பத்தி அதிகரிப்பதால், சருமம் தொய்வடையாமல் இருக்கும். இதனால் சருமம் தளர்ச்சி அடையாமல் இளமையாக இருக்கும். அனுபவமிக்க நிபுணரிடம் இதை செய்து கொள்வதன் மூலம் சருமத்தில் நல்ல மாற்றத்தை காணலாம்.
9. சருமம் அழகாக ரிலாக்ஸ்
எப்போதும் மகிழ்ச்சியாக இருக்கும்படி மனதை அமைதியாக வைத்துகொள்வது முக்கியம். சந்தோஷமான மனமும், ரிலாக்ஸான முகமும் இளமையாக இருக்க உதவும். குறிப்பாக மன அழுத்தம் இல்லாமல் இருக்க வேண்டும். இது இளமையாக இருக்க உதவும்.
பொறுப்பு துறப்பு: இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. உங்களுக்கு பாதுகாப்பான ஒன்றை தேர்வு செய்ய துறை சார்ந்த நிபுணரிடம் ஆலோசிக்கலாம். இங்கு வழங்கப்பட்ட தகவலின் துல்லியம், நம்பகத்தன்மைக்கு சமயம் தமிழ் பொறுப்பேற்காது.
அடிக்கடி கேட்கப்படும் கேள்விகள் (FAQ)
இந்த ஆலோசனைகள் மூலம், முருகன் அருள் பெற்று நீங்கள் என்றும் இளமையுடன் வாழ ஜோதிடம்360.in விரும்புகிறது.