இந்தியர்களின் நிறம் மாநிறம் என்றாலும், ஆரோக்கியமான பளபளப்பான சருமத்தைப் பெற அனைவரும் விரும்புவார்கள். செயற்கைப் பொருட்களைத் தவிர்த்து, இயற்கையான முறையில் வீட்டிலேயே சருமத்தைப் பொலிவாக்கும் ஒரு அருமையான ஃபேஸ் பேக் பற்றி இங்கு காணலாம். பீட்ரூட் மற்றும் பன்னீர் ரோஜாவைப் பயன்படுத்தி உங்கள் சருமத்தை பிங்க் நிறத்தில் பளபளப்பாக்க ஒரு எளிய வழி!
பீட்ரூட் - ரோஜா ஃபேஸ் பேக் செய்முறை
சருமத்தை பிங்க் நிறத்தில் பளபளன்னு மாற்ற உதவும் இந்த சூப்பர் ஃபேஸ் பேக் பவுடரை வீட்டிலேயே தயார் செய்வது எப்படி என்று பார்ப்போம்.
ஃபேஸ் பேக் பவுடர் தயார் செய்ய தேவையான பொருள்கள்:
- பன்னீர் ரோஜா - கால் கிலோ
- பீட்ரூட் - அரை கிலோ
செய்முறை:
- பன்னீர் ரோஜாக்களை கடைகளிலிருந்து வாங்கி வந்ததும் அதன் இதழ்களை மட்டும் தனியே பிரித்து எடுத்து கழுவி நன்கு வெயிலில் உலர்த்தி சருகாக காய்ந்த பின்பு எடுத்து வைக்கவும்.
- அதேபோல பீட்ரூட்டை தோல் சீவி விட்டு துருவியோ அல்லது மெல்லிய துண்டுகளாகவோ நறுக்கி வெயிலில் உலர்த்தி நன்கு அப்பளம் போல் நொறுங்கும்படி காய வைக்க வேண்டும்.
- இந்த இரண்டு பொருள்களையும் மிக்ஸி ஜாரில் சேர்த்து நன்றாக கொஞ்சம் கொஞ்சமாக அரைத்து சலித்து நைசான பவுடராக சேகரித்து ஒரு கண்ணாடி பாட்டிலில் ஸ்டோர் செய்து வைத்துக் கொள்ளுங்கள்.
உங்கள் முகத்தை பிங்க் நிறமாக மாற்ற போகும் பீட்ரூட் ஃபேஸ் பேக் பவுடர் தயார்!
பீட்ரூட் பன்னீர் ரோஜா ஃபேஸ் பேக்: அப்ளை செய்யும் முறை
- ஒரு பவுலில் அரைத்து வைத்திருக்கும் பீட்ரூட் பன்னீர் ரோஜா பவுடர் மிக்ஸை ஒரு ஸ்பூன் அளவு எடுத்துக் கொள்ளுங்கள்.
- அதில் அரை ஸ்பூன் தேன் சேர்க்கவும்.
- பின்னர் அதோடு தேவையான அளவு காய்ச்சாத பச்சைப்பால் அல்லது தயிர் அல்லது ரோஸ் வாட்டர் மூன்றில் ஏதேனும் ஒன்றை சேர்த்து ஸ்மூத்தான பேஸ்ட் ஆக கலக்கி கொள்ளலாம்.
- இந்த ஃபேஸ் பேக்கை அப்ளை செய்வதற்கும் முன்பாக முகத்தை நன்கு சுத்தம் செய்து கொள்ளவும்.
- இந்த பேஸ்ட்டை முகம் மற்றும் கழுத்து பகுதிகளில் கீழிருந்து மேல் நோக்கி அப்ளை செய்யவும். வேண்டுமானால் கை கால்களுக்கும் பயன்படுத்தலாம்.
- 20 முதல் 30 நிமிடங்கள் வரை அப்படியே உலர விட்டு பின் கொஞ்சம் கொஞ்சமாக தண்ணீரை தெளித்து மென்மையாக விரல்களால் வட்ட வடிவில் ஸ்கிரப் செய்து கொள்ளுங்கள்.
- பின்னர் குளிர்ந்த நீரால் முகத்தை கழுவுங்கள்.
இரண்டு நாட்களுக்கு ஒரு முறை இந்த ஃபேஸ்பேக்கை அப்ளை செய்து வர நல்ல பலன் கிடைக்கும்.
இந்த ஃபேஸ்பேக் பயன்படுத்துவதன் நன்மைகள்
- பன்னீர் ரோஜா உங்கள் சருமத்தை டோன் செய்யும். அதோடு குழந்தையின் சருமத்தை போல மென்மையாக மாற்றும்.
- இதிலுள்ள ஆன்டி பாக்டீரியல் பண்புகள் பருக்கள் ஆகியவற்றை வராமல் தடுத்து முகத்தை பொலிவோடு வைத்துக் கொள்ள உதவும்.
- இந்த பீட்ரூட் ஃபேஸ்பேக்கில் சேர்க்கப்படும் பீட்ரூட்டில் உள்ள இரும்புச்சத்து ரத்த ஓட்டத்தை அதிகரிக்கச் செய்யும். சருமத்தில் ரத்த ஓட்டம் நன்றாக இருந்தாலே முகம் நன்கு பொலிவாக மாறும்.
- அதோடு பீட்ரூட்டில் உள்ள வைட்டமின் சி கொலாஜன் உற்பத்தியை அதிகரிக்கச் செய்வதால் சருமத்தில் சுருக்கங்கள் ஆகியவை விழுவதைத் தடுத்து இளமையான சருமத்தைப் பெற முடியும்.
மேற்கண்ட வழிமுறைகளைப் பயன்படுத்தி வெறும் ரெண்டே ரெண்டு பொருள்களை வைத்து இந்த ஃபேஸ்பேக் பவுடரை ரெடி செய்து வைத்துக் கொள்ளுங்கள். இது ஆயிரக்கணக்கில் செலவு செய்து பார்லரில் செய்து கொள்ளும் ஃபேஷியலை விட சூப்பரான பலன்களைத் தரும். அதேசமயம் வீட்டில் இருக்கும் பொருளாக இருந்தாலும் பயன்படுத்தும்முன் பேட்ச் டெஸ்ட் செய்து கொள்ளுங்கள்.
பொறுப்பு துறப்பு: இங்கு சொல்லப்பட்டவை தகவல் நோக்கங்களுக்காகவே. இதன் உண்மைத் தன்மை, துல்லியம் மற்றும் செயல்திறன் ஆகியவற்றுக்கு Jothidam360 பொறுப்பாகாது.