பிறப்புறுப்பு வறட்சி இருக்கும்போது பெண்கள் கொஞ்சம் அசௌகரியமாகத் தான் உணர்வார்கள். உடலில் ஹார்மோன் மாற்றங்கள், மன அழுத்தம், சில வகை மருந்துகள் எடுக்கும்போது, வயதாகும் போது இந்த பிரச்சினை வருவதுண்டு. அதை எளிதாகக் கடந்துபோகவும் கூடாது. பிறப்புறுப்பு பகுதியை ஹைட்ரேட்டிங்காக வைத்துக் கொள்வதன் மூலம் அதன் பிஎச் அளவை சீராகப் பராமரிக்க முடியும்.
பிறப்புறுப்பு வறட்சி என்றால் என்ன? காரணங்கள்
பிறப்புறுப்பு பகுதியில் வறட்சி ஏற்படுவது அதன் நெகிழ்வுத் தன்மையைக் குறைப்பதோடு, உடற்புறத்தையும் சேர்த்தே பாதிக்கிறது. இதனால் பிறப்புறுப்பு திசுக்களில் எரிச்சல், அரிப்பு மற்றும் வலி போன்ற அசௌகரியங்கள் உண்டாகின்றன. வறட்சிக்கு பல காரணங்கள் உள்ளன:
- ஹார்மோன் சமநிலையின்மை (மெனோபஸ், பாலூட்டுதல்)
- மன அழுத்தம்
- சில வகை மருந்துகள்
Science Direct ஆய்விதழில் (2008) வெளிவந்த கட்டுரை ஒன்று பிறப்புறுப்பு வறட்சி பாலியல் ஈர்ப்பையும் செயல்பாட்டையும் எப்படி பாதிக்கிறது என்பது குறித்து விவாதித்துள்ளது.
விளக்கெண்ணெய் பிறப்புறுப்பு வறட்சிக்கு உதவுமா?
ஆம், பிறப்புறுப்பு பகுதியில் அதிக வறட்சியை உணரும்போது அதை சரிசெய்ய விளக்கெண்ணெயை நம் முன்னோர்கள் பயன்படுத்தியுள்ளனர். இது இயற்கையான தீர்வு அளிக்கிறது.
விளக்கெண்ணெய் தரும் நன்மைகள்:
- இயற்கையான மாய்ஸ்ச்சரைஸர்: விளக்கெண்ணெய் அடர்த்தி அதிகம் கொண்டது என்பதால், அது நீண்ட நேரத்துக்கு பிறப்புறுப்பை ஹைட்ரேட்டிங்காக வைத்திருக்க உதவும். இது ஒரு சிறந்த இயற்கை மாய்ஸ்ச்சரைசர்.
- காயங்களை ஆற்றும் பண்பு: விளக்கெண்ணெயில் உள்ள ஆன்டி இன்ஃபிளமேட்டரி பண்புகள் மற்றும் குளிர்ச்சித் தன்மை வறட்சியால் ஏற்படும் எரிச்சல், அரிப்பு மற்றும் காயங்களை மிக வேகமாக ஆற்றும். இது உடலுறவின் போது ஏற்படும் வலியை குறைக்கும்.
- ஹார்மோன் சமநிலை: விளக்கெண்ணெய்க்கு டீடாக்ஸ் செய்யும் தன்மை உண்டு. இது லிம்பாட்டிக் சிஸ்டம் சரியாக வேலை செய்ய, ஹார்மோன் சமநிலையை பராமரிக்க மறைமுகமாக உதவும். பிறப்புறுப்பு பகுதியின் தோல்களில் உள்ள கழிவுகளை வெளியேற்றவும் இது உதவி செய்யும்.
- இரத்த ஓட்டத்தை அதிகரிக்கும்: ரிசினோலிக் அமிலம் என்னும் கொழுப்பு அமிலம் இரத்த ஓட்டத்தை அதிகரிக்கும். இதனால் பிறப்புறுப்பு திசுக்களுக்குத் தேவையான ஊட்டச்சத்துக்களும் ஆக்சிஜனும் கிடைத்து, வறட்சி குறைந்து ஹைட்ரேட்டிங்காக மாறும். இது பெண்கள் நலனுக்கு முக்கியம்.
பிறப்புறுப்பு வறட்சிக்கு விளக்கெண்ணெய் பயன்படுத்தும் வழிகள்:
- நேரடியாக: பாதிக்கப்பட்ட இடங்களில் விளக்கெண்ணெயை நேரடியாக அப்ளை செய்யலாம்.
- மாஸ்க்: சுத்தமான வெள்ளை காட்டன் துணி அல்லது பஞ்சில் விளக்கெண்ணையை நனைத்து அடிவயிற்றுப் பகுதி, பிறப்புறுப்பு தொடங்கும் பகுதி, பெல்விக் பகுதி ஆகிய இடங்களில் மாஸ்க் போல பயன்படுத்தலாம். இது ஆழமான ஈரப்பதத்தை அளிக்கும்.
- லூப்ரிகண்ட்: உடலுறவின் போது ஏற்படும் எரிச்சல் மற்றும் வலியைக் குறைக்க, அதற்கு முன்பாக பிறப்புறுப்பு பகுதியில் விளக்கெண்ணெய் அப்ளை செய்து மசாஜ் செய்யலாம். இது ஒரு இயற்கையான லூப்ரிகண்ட்.
கவனத்தில் கொள்ள வேண்டிய முக்கிய விஷயங்கள்:
- பேட்ச் டெஸ்ட்: சிலருக்கு அழற்சியை ஏற்படுத்தலாம். பயன்படுத்தும்முன் ஒரு சிறிய பகுதியில் பேட்ச் டெஸ்ட் செய்வது அவசியம்.
- மிதமான பயன்பாடு: பலன் தருகிறது என்பதற்காக நிறைய அப்ளை செய்வது அல்லது எல்லா நேரத்திலும் செய்வது கூடாது. மிதமான அளவில் பயன்படுத்தவும்.
- மருத்துவ ஆலோசனை: வேறு ஏதேனும் ஆபத்தான காரணங்களால் பிறப்புறுப்பு வறட்சி இருந்தால், விளக்கெண்ணெய் பயன்படுத்தலாமா என மருத்துவரிடம் ஆலோசனை பெறுவது மிகவும் முக்கியம். இது உடல்நல அக்கறை சார்ந்த தகவல்.
இறுதியாக, விளக்கெண்ணெய் நம் எல்லோருடைய வீடுகளிலும் இருக்கும் ஒரு பொருள். அதை பயன்படுத்தி பிறப்புறுப்பு வறட்சியை செலவில்லாமல் தவிர்க்கலாம். அதைத்தாண்டி சருமத்துக்கு நிறைய நன்மைகளையும் இது செய்யும்.
அடிக்கடி கேட்கப்படும் கேள்விகள் (FAQ)
பொறுப்பு துறப்பு: இந்த கட்டுரை தகவல் நோக்கத்திற்காக மட்டுமே. இது எந்தவித மருந்து மற்றும் மருத்துவரின் சிகிச்சைக்கு இணையானது அல்ல. இதன் துல்லியம், உண்மைத்தன்மை, செயல்திறன் ஆகியவற்றுக்கு தமிழ் சமயம் பொறுப்பேற்காது.