கல்லீரல் செல்களில் அதிகப்படியான கொழுப்பு சேர்வதால் கொழுப்பு கல்லீரல் நோய் ஏற்படுகிறது. இது ஒரு பொதுவான உடல்நலப் பிரச்சினை. கொழுப்பு கல்லீரல் நோய், கல்லீரல் செயலிழப்புக்கு வழிவகுக்கும். வாழ்க்கை முறை மாற்றங்கள் மூலம், கொழுப்பு கல்லீரல் நோயின் ஆரம்ப கட்டத்தில் இதைக் குணப்படுத்தலாம். குறிப்பாக உங்களுக்கு கிரேடு 1 மற்றும் கிரேடு 2 கொழுப்பு கல்லீரல் நோய் இருந்தால் நீங்கள் என்ன செய்ய வேண்டும் என்பது குறித்து இங்கு விளக்குகிறார் Dr Prakash Murthy MBBS MD, Mannargudi. நமது தமிழ் கலாச்சாரத்தில் உடல் ஆரோக்கியத்திற்கு மிகுந்த முக்கியத்துவம் கொடுக்கப்படுகிறது. ஜோதிட ரீதியாகவும், ஆரோக்கிய ரீதியாகவும் நம் உடல்நலம் நல்ல நிலையில் இருக்க வேண்டியது அவசியம்.
கொழுப்பு கல்லீரல் நோய் என்றால் என்ன?
கல்லீரல் செல்களில் அதிகப்படியான கொழுப்பு சேர்வதால் கொழுப்பு கல்லீரல் நோய் ஏற்படுகிறது. இது ஒரு பொதுவான உடல்நலப் பிரச்சினை. கொழுப்பு கல்லீரல் நோய், கல்லீரல் செயலிழப்புக்கு வழிவகுக்கும். அடுத்த 10-20 ஆண்டுகளில், ஹெபடைடிஸ் சி மற்றும் அதிகப்படியான மது அருந்துதல் காரணமாக ஏற்படும் கல்லீரல் மாற்று அறுவை சிகிச்சைகளை விட, கொழுப்பு கல்லீரல் நோயால் ஏற்படும் கல்லீரல் மாற்று அறுவை சிகிச்சைகள் அதிகமாக இருக்கும் என்று ஆராய்ச்சியாளர்கள் கணிக்கின்றனர். வாழ்க்கை முறை மாற்றங்கள் மூலம், கொழுப்பு கல்லீரல் நோயின் ஆரம்ப கட்டத்தில் இதைக் குணப்படுத்தலாம்.
கொழுப்பு கல்லீரல் நோய் எப்படி கண்டறியப்படுகிறது?
ஃபேட்டி லிவர் பிரச்சனைக்கு தீர்வு காண்பதற்கு முன்பு அவை கண்டறியப்படும் விதம் குறித்து அறிவது அவசியம். ஏனெனில் இவை அறிகுறிகள் உண்டு செய்வதில்லை என்பதால் சிறுநீரக பிரச்சனை, கர்ப்பப்பை பிரச்சனைக்காக ஸ்கேன் செய்யும் போது தற்செயலாக இந்த ஃபேட்டி லிவர் பிரச்சனை கண்டறியப்படுகிறது. கிரேடு 1, கிரேடு 2 மற்றும் கிரேடு 3 என மூன்று நிலைகள் உண்டு. முதல் நிலையில் அறிகுறிகள் இருக்காது. இரண்டாவது நிலையில் வயிறு உப்புசம், செரிமானமின்மை போன்ற பிரச்சனைகள் இருக்கும். மூன்றாவது நிலையில் கல்லீரல் சிரோசிஸ் ஏற்படும். இதில் முதலாவது நிலையை வாழ்க்கை முறை மற்றும் வீட்டு வைத்தியம் மூலம் மூலம் சரிசெய்யலாம்.
கிரேடு 1 கொழுப்பு கல்லீரல் நோய்க்கான சிகிச்சைகள்
முதல் நிலைக்கு சில மருந்துகள் உண்டு. ஆங்கில மருத்துவத்தில் sillymarin, UDCA, வைட்டமின் ஈ மாத்திரைகள் உண்டு. ஆனால் முதல் நிலை வாழ்க்கை முறை மற்றும் உணவு முறை மூலம் சரிசெய்துவிட முடியும் என்பதால் இதை கண்டறிந்த உடன் மருத்துவரை அணுகி உணவு முறையை மாற்றி அமைக்க வேண்டும். வைட்டமின் ஈ சத்துக்கள் கொண்ட உணவுகளையும் சேர்த்து வர வேண்டும்.
கொழுப்பு கல்லீரல் நோய்க்கு உதவும் வீட்டு வைத்தியம்
இந்த கொழுப்பு கல்லீரல் நோய்க்கு என்ன மாதிரியான வீட்டு வைத்தியம் உதவும் என்பதை பார்க்கலாம்.
மணத்தக்காளி சூப் குடிப்பது ஃபேட்டி லிவர் சரி செய்யும்
மணத்தக்காளி கீரையை உணவாக சேர்த்து வருவது உண்டு. இது வயிற்றுப்புண், வாய்ப்புண்ணுக்கு மருந்தாக இருக்கும் என்பதை அறிவோம். இந்த மணத்தக்காளி சூப் ஃபேட்டி லிவர் கிரேடு 1 பிர்ச்சனைக்கு நன்றாக உதவும். வாரத்தில் இரண்டு நாட்கள் இந்த கீரையை சூப் வைத்து குடிக்கலாம். கைப்பிடி மணத்தக்காளியை எடுத்து அலசி பொடியாக நறுக்கி, ஒரு பல் பூண்டு சேர்த்து வேகவிடவும். இவை வெந்த பிறகு நீரை வடிகட்ட வேண்டாம். அப்படியே மசித்து வாணலியில் வெங்காயம், தக்காளி தேவைக்கேற்ப சேர்த்து உப்பு மிளகுத்தூள் கலந்து குடிக்கலாம்.
மோருடன் கீழாநெல்லி பொடி கலந்து குடித்தால் ஃபேட்டி லிவர் சரியாகும்
மோர் புரோபயாடிக் நிறைந்த வயிற்றுக்கும் அற்புதமான பானம். எல்லா காலங்களிலும் மோர் குடித்து வரலாம். கீழாநெல்லி பொடியை வீட்டில் தயாரித்து அல்லது ஆயுர்வேத கடைகளில் வாங்கி வந்து இதை ஒரு டீஸ்பூன் அளவு எடுத்து மோரில் கலந்து குடிக்கலாம். வாரம் ஒருமுறை இதை செய்து வந்தால் ஃபேட்டி லிவர் பிரச்சனை சரி ஆகும் என்கிறார் மருத்துவர் டாக்டர் பிரகாஷ்மூர்த்தி. மேலும் ஃபேட்டில் லிவர் பிரச்சனையில் கிரேடு 1 மற்றும் கிரேடு 2 என்பது வாழ்க்கை முறை ஆரோக்கியத்திலும் உணவு முறையிலும் குணப்படுத்திவிடலாம் என்கிறார்.
கிரேடு 1 கொழுப்பு கல்லீரல் இருப்பவர்கள் உணவில் சேர்க்க வேண்டியவை? தவிர்க்க வேண்டியவை?
கொழுப்பு கல்லீரல் நோய் இருந்தால் எண்ணெய் பொருள்கள் தான் தவிர்க்க வேண்டும் என்று பலரும் நினைக்கிறார்க. ஆனால் இனிப்பு நிறைந்த உணவுகள் குறிப்பாக பதப்படுத்தப்பட்ட, செயற்கை இனிப்புகள் கொண்ட உணவுகளை கண்டிப்பாக தவிர்க்க வேண்டும். உங்களுக்கு காஃபி, டீ குடிக்கும் பழக்கம் இருந்தால் இனிமேல் க்ரீன் டீ மற்றும் ப்ளாக் காஃபி குடிக்கலாம். இது கொழுப்பு கல்லீரல் நோய் இருப்பவர்களுக்கு நல்லது.
இறுதியாக ஃபேட்டில் லிவர் பிரச்சனை எப்படி கண்டறியப்படுகிறது? இதற்கு ஆங்கில மருத்துவத்தில் சிகிச்சை உண்டா? வீட்டு வைத்திய முறையில் என்ன சேர்க்கலாம், என்ன தவிர்க்க வேண்டும் என்பதை தெரிந்துகொண்டோம். அறிகுறிகள் இல்லாத நிலையில் இதை கண்டறியும் முறை குறித்து உங்கள் குடும்ப நல மருத்துவரிடம் ஆலோசிப்பது கொழுப்பு கல்லீரல் நோய் தீவிரமாகாமல் தடுக்கப்படும்.