முட்டையில் இருப்பதுபோலவே அதன் ஓட்டிலும்கூட அதிக அளவு கால்சியம், புரோட்டீன் மற்றும் பிற மினரல்கள் இருக்கின்றன. அவை உங்கள் முடியின் வளர்ச்சியை வேகமாகத் தூண்ட உதவி செய்யும். இது முடியின் வேர்க்கால்களுக்குள் ஆழம்வரை சென்று உறுதியாகவும் வலிமையாகவும் மாற்றும். முடி மெலிந்து போதல், உடைதல் போன்ற பிரச்சினைகள் குறையும்.
தலைமுடிக்கு முட்டை ஓட்டால் கிடைக்கும் நன்மைகள்
முட்டை ஓட்டை பயன்படுத்தும் போது கிடைக்கும் முக்கிய நன்மைகள்:
- முடியை வலிமையாக்கும்: முட்டை ஓட்டில் உள்ள அதிகப்படியான கால்சியம் முடியின் வேர்க்கால்களை வலிமையாக்கி, கெரட்டின் உற்பத்தியை அதிகரிக்க உதவி செய்யும்.
- முடி உதிர்தலை தடுக்கும்: கால்சியம் குறைபாடு முடி உதிர்வுக்கு ஒரு முக்கிய காரணம். முட்டை ஓடு முடி உதிர்தலைத் தடுக்க உதவுகிறது.
- வேர்க்கால்கள் ஆரோக்கியம்: முடியின் PH அளவை சரியாக பராமரித்து, பொடுகு மற்றும் உச்சந்தலையில் ஏற்படும் எரிச்சலைக் குறைக்கும்.
- நேச்சுரல் எக்ஸ்ஃபோலியேட்: உச்சந்தலையில் உள்ள இறந்த செல்களை நீக்கி, ரத்த ஓட்டத்தை அதிகரிக்கும்.
முடிக்கு பயன்படுத்த முட்டை ஓடுகளை எப்படி தயார் செய்வது?
தலைமுடிக்கு முட்டை ஓடுகளைப் பயன்படுத்துவதற்கு முன் அதை சரியாக தயார் செய்ய வேண்டும். இது ஆரோக்கியமான முடி வளர்ச்சிக்கு மிக முக்கியம்.
- சுத்தம் செய்தல்: முட்டையை உடைத்துவிட்டு, அதன் ஓடுகளைச் சுத்தம் செய்ய வேண்டும். உள் பக்கம் உள்ள ஈரப்பதம் பாக்டீரியா வளர்ச்சியைத் தூண்டும்.
- ஊறவைத்தல்: ஒரு பாத்திரத்தில் வெதுவெதுப்பான தண்ணீரை ஊற்றி, அதில் முட்டையின் ஓடுகளைப் போட்டு அரை மணி நேரம் வைத்திருங்கள். இதனால் வாசனையும் நீங்கிவிடும்.
- காய வைத்தல்: ஓடுகளை எடுத்து நன்கு சுத்தமான துணியை விரித்துப் போட்டு அதில் வைத்து நன்கு காய வைக்க வேண்டும்.
- பொடியாக்குதல்: நன்கு காய்ந்ததும் அதை எடுத்து மிக்ஸியில் சேர்த்து பிளண்ட் செய்து ஸ்மூத்தான பொடியாக மாற்றிக் கொள்ளுங்கள்.
- சேமிப்பு: இந்த பொடியை சலித்து ஒரு கண்ணாடி பாட்டிலில் போட்டு மூடி ஸ்டோர் செய்து வைத்துக் கொள்ளுங்கள். ஏர் டைட் பாக்ஸில் போடும்போது விரைவில் கெடாமலும் பாக்டீரியாக்கள் வளராமலும் தடுக்க முடியும். இந்த முட்டை ஓடு பொடி பல கூந்தல் பராமரிப்பு முறைகளுக்கு உதவிகரமானது.
தலைமுடி வளர்ச்சிக்கு முட்டை ஓடை பயன்படுத்தும் முறை
உங்கள் கூந்தலின் ஆரோக்கியத்தை மேம்படுத்த முட்டை ஓடு பொடியை பல வழிகளில் பயன்படுத்தலாம்:
1. முட்டை ஓடு - தேங்காய் எண்ணெய் ஹேர்மாஸ்க்
தேவையான பொருள்கள்: முட்டை ஓடு பொடி - 2 ஸ்பூன், தேங்காய் எண்ணெய் - 2 ஸ்பூன்.
பயன்படுத்தும் முறை: ஒரு பௌலில் தேங்காய் எண்ணெய் மற்றும் முட்டை ஓடு பொடியைச் சேர்த்து பேஸ்ட்டாகக் குழைத்துக் கொள்ளுங்கள். இரண்டும் ஒன்றாகச் சேரும் வரை நன்கு பிளண்ட் செய்ய வேண்டும். அந்த பேஸ்ட்டை உச்சந்தலையில் வேர்க்கால் பகுதிகளில் மாஸ்க் போல அப்ளை செய்து ஸ்கால்ப்பை மசாஜ் செய்யுங்கள். பின்பு 30 நிமிடம் முதல் 45 நிமிடங்கள் வரை அப்படியே விட்டுவிடுங்கள். அதன்பிறகு மென்மையான ஷாம்பு கொண்டு முடியை அலசிக் கொள்ளுங்கள். இது முடி உதிர்வை கட்டுப்படுத்தும்.
2. முட்டை ஓடு பொடி ஷாம்பு
நீங்கள் வழக்கமாகப் பயன்படுத்தும் ஷாம்புவில் ஒரு ஸ்பூன் அளவு முட்டை ஓடு பொடியைக் கலந்து தலைமுடிக்கு அப்ளை செய்து பயன்படுத்தலாம். முடியை அலசிய பிறகு கன்டிஷ்னர் பயன்படுத்த மறக்கக் கூடாது.
3. முட்டை ஓடு - கற்றாழை ஹேர் ட்ரீட்மெண்ட்
பயன்படுத்தும் முறை: ஒரு பௌலில் ஒரு ஸ்பூன் முட்டை ஓடு பொடியை எடுத்துக் கொண்டு அதில் 2 ஸ்பூன் அளவு கற்றாழை ஜெல்லை கலந்து கொள்ளுங்கள். இந்த பேஸ்ட்டை தலையில் உச்சந்தலையில் அப்ளை செய்து மெதுவாக மசாஜ் செய்து கொடுங்கள். பிறகு அரை மணி நேரம் வரை ஊறவிட்டு பின்பு முடியை மென்மையான ஷாம்பு கொண்டு அலசிக் கொள்ளலாம். இதை வாரத்திற்கு இரண்டு முறை செய்துவர நல்ல பலன் கிடைக்கும். ஆரோக்கியமான முடி வளர்ச்சிக்கு கற்றாழை உதவுகிறது.
4. முட்டை ஓடு - ஆலிவ் ஆயில் ஸ்கால்ப் மசாஜ்
ஆலிவ் ஆயிலில் வைட்டமின்கள், மினரல்கள், ஆன்டி ஆக்சிடண்ட்டுகள், ஒமேகா 3 கொழுப்பு அமிலங்கள் ஆகியவை அதிகமாக இருக்கின்றன. ஆலிவ் ஆயிலில் உச்சந்தலையை ஸ்கால்ப் மசாஜ் செய்வதன் மூலம் உச்சந்தலையில் ரத்த ஓட்டத்தை அதிகரிக்கச் செய்ய முடியும். இது முடி வளர்ச்சிக்கு பெரிய அளவில் உதவி செய்யும்.
பயன்படுத்தும் முறை: ஒரு பௌலில் முட்டை ஓடு பொடியை எடுத்துக் கொள்ளுங்கள். அதோடு 2 ஸ்பூன் அளவு ஆலிவ் ஆயிலைச் சேர்த்து மிக்ஸ் செய்து கொள்ள வேண்டும். இந்த பேஸ்ட்டை உச்சந்தலை முதல் நுனி வரையிலும் அப்ளை செய்து லேசாக ஸ்கால்ப்பை மசாஜ் செய்து விடுங்கள். பிறகு அரை மணி நேரம் அப்படியே விட்டுவிட்டு வழக்கம்போல குளித்துக் கொள்ளலாம். இப்படி செய்வதன் மூலம் முடி வளர்ச்சியைத் தூண்டுவது மட்டுமின்றி உச்சந்தலையில் உள்ள இறந்த செல்களையும் நீக்கும்.