ஜோதிடம்360.in தளத்தில் ஆரோக்கியமான வாழ்விற்கான தகவல்களையும், பாரம்பரிய தமிழ் அறிவையும் வழங்குகிறோம். ஆயுர்வேத மருத்துவத்தில் பாரம்பரியமாகப் பயன்படுத்தப்படும் ஜின்செங் (Ginseng) உடலில் சக்தியை அதிகரிக்கும், நினைவாற்றலை மேம்படுத்தும், நோய் எதிர்ப்பு மண்டலத்தை வலுப்படுத்தும். அதேபோன்று, இந்த சக்திவாய்ந்த மூலிகை உடல் எடையைக் குறைப்பதில் எப்படி உதவுகிறது, அதை உள்ளுக்கு எப்படி எடுத்துக்கொள்ள வேண்டும், மற்றும் யாரெல்லாம் தவிர்க்க வேண்டும் என்பது குறித்தும் ஆய்வுகள் என்ன சொல்கிறது என்பதையும் இந்த விரிவான கட்டுரையில் பார்ப்போம்.
ஜின்செங் என்றால் என்ன? அதன் நன்மைகள் என்னென்ன?
ஜின் செங் என்பது ஆசியா மற்றும் வட அமெரிக்காவில் மெதுவாக வளரும் ஒரு வகையான வேர். இது உடலை மன அழுத்தத்திலிருந்து காத்து சமநிலையை மீட்டெடுக்க உதவுகிறது. அதனால் இது 'அடாப்டோஜன்' என்று அழைக்கப்படுகிறது. இந்த ஜின்செங் பல வகைகள் உள்ளன. ஒவ்வொன்றும் ஒவ்வொரு விதமான பலன்களைத் தருகின்றன:
- கொரியன் ஜின்செங்: சக்தியை அதிகரிக்கும், வளர்சிதை மாற்றத்தை ஊக்குவிக்கும்.
- அமெரிக்கன் ஜின்செங்: அமைதியை தரும், பசியைக் குறைக்கும்.
- சைபீரியன் ஜின்செங்: சகிப்புத்தன்மையை அதிகரிக்கும், உடல் வலிமையை கூட்டும்.
இந்த வெவ்வேறு வகையான ஜின்செங், அவற்றின் தனித்துவமான பண்புகளுக்காக அறியப்படுகின்றன.
ஜின்செங் உடல் எடையை குறைக்க உதவுமா?
ஆம், ஜின்செங்கில் 'ஜின்செனோசைடுகள்' (ginsenosides) என்ற வேதிப்பொருட்கள் உள்ளன. இந்த சக்திவாய்ந்த மூலக்கூறுகள் உங்கள் உடலின் வளர்சிதை மாற்றத்தையும், கொழுப்பை எரிக்கும் திறனையும் ஊக்குவிக்கின்றன. இந்த ஜின்செனோசைடுகள் எப்படி வேலை செய்கிறது என்பது குறித்து ஆய்வுகள் நடந்துவருகின்றன. எனினும், இது உடல் எடையைக் குறைக்க உதவும் என்று நம்பப்படுகிறது. உடல் எடையைக் குறைக்க ஜின்செங்கை முயற்சி செய்வதற்கு முன்பு மருத்துவரிடம் ஆலோசனை பெறுவது நல்லது.
வளர்சிதை மாற்றத்தை மேம்படுத்துகிறது
ஜின்செங் உடலின் ஆற்றலை அதிகரிப்பதால் ஓய்வில் இருக்கும்போதும் அதிக கலோரிகளை எரிக்க உதவுகிறது. இது உடலில் வளர்சிதை மாற்றத்தை அதிகரிக்கிறது. வளர்சிதை மாற்றம் என்பது உடல் உணவை சக்தியாக மாற்றும் செயல்முறை. ஜின்செங் இந்த செயல்முறையை வேகப்படுத்துகிறது. உடல் சுறுசுறுப்பாக வைத்திருக்க ஜின்செங் உதவும் என்பதோடு இது உடலுக்கு தீங்கும் விளைவிக்காது. எனினும் இதை மருத்துவரின் ஆலோசனை இல்லாமல் எடுத்துக்கொள்வது நல்லதல்ல.
ஜின்செங் பசியை கட்டுப்படுத்தும்
ஜின்செங் பசியைக் கட்டுப்படுத்தும் என்று சில ஆய்வுகள் கூறுகின்றன. இதன் மூலம், நாம் குறைவாக சாப்பிட முடியும். கலோரி அளவை கட்டுக்குள் வைக்க முடியும். இதனால் உடல் எடை குறைய வாய்ப்புள்ளது. மோசமான உணவுப் பழக்கம், அதிகமாக உணவு சாப்பிடுவது போன்ற காரணத்தினால் உடல் எடை அதிகரித்தவர்களுக்கு இது உதவியாக இருக்கும். மேலும் உடல் எடை இழப்பு பயணத்தில் அதீத பசியை கட்டுப்படுத்தவும் இந்த ஜின்செங் உதவும்.
ஜின்செங் சர்க்கரை அளவை கட்டுப்படுத்துகிறது
இன்சுலின் என்பது நம் உடலில் உள்ள ஒரு ஹார்மோன். இது சர்க்கரையை ஆற்றலாக மாற்ற உதவுகிறது. இன்சுலின் சரியாக வேலை செய்யவில்லை என்றால், இரத்தத்தில் சர்க்கரை அளவு அதிகரிக்கும். ஜின்செங் இன்சுலின் உணர்திறனை மேம்படுத்துகிறது. சர்க்கரை நோய் உள்ளவர்களுக்கு இது மிகவும் முக்கியம். ஜின்செங் இனிப்பு சாப்பிட வேண்டும் என்ற எண்ணத்தையும் குறைக்கிறது. உதாரணத்துக்கு இனிப்பு சாப்பிட்ட உடன், உடனடியாக உங்கள் இரத்தத்தில் சர்க்கரை அளவு அதிகரிக்கும். ஆனால், இன்சுலின் சரியாக வேலை செய்தால், அந்த சர்க்கரை உடனடியாக ஆற்றலாக மாற்றப்படும். இதனால், சர்க்கரை அளவு கட்டுக்குள் இருக்கும்.
உடல் எடையை குறைக்க ஜின்செங் எப்படி பயன்படுத்தலாம்?
ஜின்செங் மாத்திரைகள், பொடிகள் அல்லது சாறுகளாக எடுத்துக்கொள்ளலாம். தினமும் 200–400 மிகி ஜின்செங் சாறு எடுக்கலாம்.
ஜின்செங் டீ
ஜின்செங் டீ ஒரு சூடான, புத்துணர்ச்சி தரும் பானம். இதை வீட்டில் எளிதாக தயாரிக்கலாம்.
- உலர்ந்த அல்லது வெட்டிய ஜின்செங் வேரை 1-2 டீஸ்பூன் எடுத்துக்கொள்ளவும்.
- அதை வெந்நீரில் 10-15 நிமிடங்கள் ஊற வைக்கவும்.
- சுவைக்கு தேன் அல்லது எலுமிச்சை சேர்க்கலாம். ஒரு நாளைக்கு 1-2 கப் குடிக்கலாம்.
ஜின்செங் வேறு எப்படி எடுக்கலாம்:
- ஜின்செங்கை கிரீன் டீயுடன் கலக்கும்போது, அது கொழுப்பை எரிக்க உதவுகிறது.
- எலுமிச்சையுடன் கலக்கும்போது, செரிமானத்தை மேம்படுத்துகிறது.
- இஞ்சியுடன் கலக்கும்போது, நோய் எதிர்ப்பு சக்தியை அதிகரிக்கிறது.
ஜின்செங் மட்டும் எடை இழப்புக்கு உதவுமா?
ஜின்செங் உங்கள் வளர்சிதை மாற்றத்தை ஊக்குவிக்கும் என்றாலும், இது ஒரு மாயாஜால தீர்வு அல்ல. ஒரு நல்ல உணவுப் பழக்கத்துடன் இதை சேர்ப்பது நன்மை தரும். நார்ச்சத்து நிறைந்த உணவுகளை உண்ணுதல், போதுமான தண்ணீர் குடித்தல், பதப்படுத்தப்பட்ட உணவுகளை குறைத்தல், உடல் உழைப்பில் கவனம் செலுத்துதல், ஆரோக்கியமான தூக்கம் ஆகியவை எடை இழப்புக்கு முக்கியம். உடல் எடையை குறைக்க ஜின்செங்குடன் சரியான உணவு முறையை பின்பற்றுவது அவசியம்.
ஜின்செங் உடல் எடை இழப்புக்கு ஆய்வு சொல்வது என்ன?
ஜின்செங் உடல் பருமனை குறைக்கும் என்று ஆய்வுகள் கூறுகின்றன. அதே நேரம் அது எப்படி வேலை செய்கிறது என்று இன்னும் முழுமையாக தெரியவில்லை என்றும் கூறுகிறது. ஜின்செங் மற்றும் ஜின்செனோசைடுகள் AMPK பாதையை தூண்டிவிட்டு, உடல் எடையை குறைக்க உதவுகின்றன. அதிக கொழுப்புள்ள உணவு சாப்பிடுபவர்களுக்கும், சர்க்கரை நோய் உள்ளவர்களுக்கும் ஜின்செங் ஒரு நல்ல தீர்வாக இருக்கும் என்று தெரிகிறது. ஆனால், இந்த ஆய்வுகள் பெரும்பாலும் விலங்குகளிடம் மட்டுமே நடத்தப்பட்டுள்ளன. மனிதர்களுக்கு ஜின்செங் உடல் பருமனை குறைக்குமா என்பது பற்றி இன்னும் நிறைய ஆராய்ச்சி செய்ய வேண்டியுள்ளது என்பது குறிப்பிடத்தக்கது. அதனால் ஜின்செங் சாப்பிடுவதற்கு முன் மருத்துவரிடம் ஆலோசனை பெறுவது நல்லது.
பொறுப்புத் துறப்பு:
இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. உங்களுக்கு பாதுகாப்பான ஒன்றை தேர்வு செய்ய மருத்துவரிடம் ஆலோசிக்கலாம். இங்கு வழங்கப்பட்ட தகவலின் துல்லியம், நம்பகத்தன்மைக்கு ஜோதிடம்360 பொறுப்பேற்காது.