மார்பக வலி என்பது பல பெண்களுக்கு ஏற்படும் பொதுவான பிரச்சனையாகும். இது மாதவிடாய் சுழற்சி தொடர்பானதாகவோ அல்லது சுழற்சி அல்லாததாகவோ இருக்கலாம். வலியின் காரணத்தைப் புரிந்துகொள்வதன் மூலம் அதை திறம்பட நிர்வகிக்க முடியும். ஹார்மோன் மாற்றங்கள், மார்பக அறுவை சிகிச்சை, பொருத்தமற்ற ப்ரா மற்றும் சில மருந்துகள் போன்றவை மார்பக வலிக்கு முக்கிய காரணங்களாக இருக்கலாம். இந்த கட்டுரையில், மார்பக வலியைப் போக்க உதவும் சில எளிய மற்றும் பயனுள்ள இயற்கை வீட்டு வைத்தியங்களை விரிவாகப் பார்ப்போம்.
மார்பக வலி வருவதற்கான காரணங்கள்
மார்பக வலிக்கு பல காரணங்கள் இருக்கலாம். இவை இரண்டு வகைகளாக வகைபடுத்தப்படுகிறது. மாதவிடாய் சுழற்சி தொடங்குவதற்கு முன்பு தீவிரமாக இருக்கும். சுழற்சி அல்லாத காலங்களில் மார்பக வலி இருக்கும். இது மாதவிடாய் உடன் தொடர்புடையது அல்ல, இது கணிக்க முடியாததாக இருக்கலாம். இது மார்பகத்தின் ஒரு பகுதியில் மட்டுமே இருக்கும். அல்லது அவ்வப்போது ஏற்படலாம். அதனால் மார்பு வலி எப்போது வருகிறது என்பதை புரிந்துகொள்வது வலியை நிர்வகிக்க உதவும்.
- ஹார்மோன் மாற்றங்கள்: மாதவிடாய் சுழற்சி, மெனோபாஸ், ஹார்மோன் கருத்தடை மாத்திரைகள் மார்பக வலியை ஏற்படுத்தலாம்.
- மார்பக அறுவை சிகிச்சை: அறுவை சிகிச்சைக்கு பிறகு ஏற்படும் வலி காரணமாக இருக்கலாம். இது மருத்துவம் அல்லது அழகு காரணங்களால் செய்யப்படலாம்.
- பொருத்தமற்ற ப்ரா: உள்ளாடை பொருத்தமற்று இருக்கும் போது போதுமான ஆதரவு கிடைக்காத போது மார்பக திசுக்களில் உண்டாகும் அழுத்தம் காரணமாக வலி உண்டாகலாம்.
- மருந்துகள்: உயர் இரத்த அழுத்தம், மன அழுத்த எதிர்ப்பு மருந்துகள் போன்ற சில மருந்துகள் மார்பக வலிக்கு பங்களிக்கும்.
- மார்பக அமைப்பு: ஃபைப்ரோசிஸ்டிக் மார்பகங்கள் போன்ற நிலைகள் அசௌகரியம் உண்டு செய்யலாம், வலியை ஏற்படுத்தலாம்.
மார்பக வலியை நிர்வகிக்க இயற்கை வைத்தியங்கள்
மாலை ப்ரிம்ரோஸ் எண்ணெய் (Evening Primrose Oil)
மாஸ்டால்ஜியா என்று அழைக்கப்படும் மார்பு வலிக்கு இந்த ஈவ்னிங் ப்ரிம்ரோஸ் எண்ணெய் அதன் செயல்திறனுக்காக பெயர் பெற்றது. இது ஒமேகா 3 கொழுப்பு அமிலமான காமா-லினோலெனிக் அமிலம் நிறைந்தது. இது ஹார்மோன்களை சமநிலைப்படுத்தும், அழற்சியை குறைக்க உதவும். செல்களில் உள்ள கொழுப்பு அமிலங்களின் சமநிலையை மாற்றக்கூடும். இதனால் மார்பு வலி குறைக்க கூடும். மருத்துவரின் ஆலோசனைப்படி ஈவ்னிங் ப்ரிம்ரோஸ் எண்ணெய் சப்ளிமெண்ட் எடுத்துகொள்ளலாம். எனினும் இதை எடுப்பதற்கு முன்பு மருத்துவரின் ஆலோசனை செய்வது அவசியம்.
மார்பகத்துக்கு மசாஜ் செய்வது வலி குறைக்கும்
மார்பகங்களுக்கு நல்ல மசாஜ் செய்வது விரைவான தீர்வாக இருக்கும். இது தமனி வழியாக இரத்த ஓட்டத்தை அதிகரிக்கும். இதனால் மார்பு வலி குறையும். மார்பக வலிக்கான ஆரம்ப சிகிச்சைகளில் ஒன்றாக இதை முயற்சிக்கலாம். வெதுவெதுப்பான நீரில் மசாஜ் செய்வது நல்லது. கைகளை மார்பின் நடுவில் இருந்து அக்குள் நோக்கி மீண்டும் மீண்டும் நகர்த்தவும். இது வலியை குறைக்கும். மார்பகத்துக்கு மசாஜ் செய்ய எண்ணெய்களும் உதவும்.
மார்பக வலி குறைய சரியான ப்ரா பயன்படுத்தவும்
மார்பகங்கள் வலிக்கு ப்ராக்களும் காரணமாக இருக்கலாம். மார்பகத்தை ஆதரிக்கும் சப்போர்ட் ப்ரா-வை தேர்வு செய்யலாம். இது தூங்கும் போது அணிவது இரத்த ஓட்டத்தை மேம்படுத்த உதவும். எந்த ப்ரா அணிவதாக இருந்தாலும் மார்பகங்கள் வசதியாக பொருத்தமான அழுத்தம் இல்லாத ப்ராக்கள் இருப்பதை தேர்வு செய்யவும். அதிக இறுக்கம் அல்லது அதிக தளர்வு இரண்டுமே பொருத்தம் இல்லாதது. உடல் பயிற்சி செய்யும் போது மார்பகங்கள் உணர்திறன் உடன் இருந்தால் ஸ்போர்ட்ஸ் ப்ரா அணியலாம்.
மார்பு வலி குறைய சூடான / குளிர் ஒத்தடம்
மார்பு வலி இருக்கும் போது சூடான அமுக்கத்தை பயன்படுத்துவது வலி மற்றும் அசௌகரியத்தை குறைக்க உதவும். இது இரத்த ஓட்டத்தை மேம்படுத்தி தசைகளை தளர்த்தும். அதே போன்று குளிர் ஒத்தடங்கள் பயன்படுத்தலாம். சில நேரங்களில் மார்பகங்களில் பயன்படுத்தும் குளிர்ந்த ஒத்தடம் அல்லது ஐஸ்கட்டிகள் பயன்படுத்துவது அந்த இடத்தை மரத்து வீக்கத்தை குறைக்க உதவும்.
மார்பு வலி குறைய ஆளி விதைகள்
ஆளி விதைகள் ஒமேகா 3 கொழுப்பு அமிலங்கள் உள்ளிட்ட ஊட்டச்சத்துக்களின் ஆற்றலை வழங்குகிறது. இவை அழற்சி எதிர்ப்பு பண்புகளை கொண்டுள்ளது. இதில் உள்ள லிக்னான்கள் ஈஸ்ட்ரோஜன் அளவை கட்டுப்படுத்த உதவுவதாக அறியப்படுகிறது. இது மார்பக வலியை நேரடியாக பாதிக்கும். ஆளி விதைகளை சேர்த்து வருவது மார்பு வலியை கட்டுப்படுத்த செய்யும். ஆளி விதையை ஸ்மூத்தி அல்லது தயிர் உடன் சேர்த்து சாப்பிடலாம். இந்த எண்ணெயை சேர்த்து கொள்ளலாம்.
மார்பு வலிக்கு விளக்கெண்ணெய்
விளக்கெண்ணெய் மார்பக வலியை விரைவாக குணப்படுத்துகிறது. மென்மையான துணியில் விளக்கெண்ணெய் நனைத்து மார்பகத்தில் வலி மற்றும் புண் உள்ள இடங்களில் தடவவும். பிறகு சூடான ஒத்தடம் அந்த பகுதியில் கொடுக்கவும். பிறகு ஒரு துணியால் மூடி வைக்கவும். பிறகு 30 நிமிடங்கள் கழித்து துணியை எடுக்கவும். ஆமணக்கு எண்ணெய் சருமத்தில் ஊடுருவி ஆழமான திசுக்களை அடைய உதவுகிறது. மேலும் இதில் புரதம், கொழுப்பு அமிலங்கள், தாதுக்கள் மற்றும் வைட்டமின் ஈ ஆனது மார்பக வலியை போக்க சிறந்த ஒன்றாக இருக்கும். இதே போன்று கருஞ்சீரக எண்ணெய், ஆரஞ்சு தோல் எண்ணெய் போன்றவற்றையும் பயன்படுத்தலாம்.
மார்பக வலிக்கு உதவும் உணவுகள்
- மஞ்சள்: வைட்டமின் ஈ மற்றும் வைட்டமின் சி போல மஞ்சள் ஆக்ஸிஜனேற்ற விளைவு கொண்டுள்ளது. இதன் அழற்சி எதிர்ப்பு பண்புகள் மார்பக திசுக்களின் அழற்சியை குறைக்கும்.
- வைட்டமின் பி6 மற்றும் வைட்டமின் ஈ: இந்த இரண்டு வைட்டமின்களும் மார்பக வலியை போக்க உதவுவதாக சொல்லப்பட்டுள்ளது. மாதவிடாய் சுழற்சியின் போது ஏற்படும் மார்பக வலிக்கு முன்பு வைட்டமின் ஈ பயனளிக்கலாம்.
- நார்ச்சத்து: நார்ச்சத்து உடலில் ஈஸ்ட்ரோஜனை உற்பத்தி செய்கிறது. அதிக ஈஸ்ட்ரோஜன் மார்பக மென்மையை குறைக்க உதவும்.
முக்கிய குறிப்புகள்
- மார்பக வலியின் காரணத்தை கண்டறிவது சிகிச்சைக்கு முக்கியம்.
- சரியான உள்ளாடைகளை அணிவது அவசியம்.
- இயற்கை வைத்தியங்கள் மூலம் வலியை குறைக்கலாம்.
- வலி நீடித்தால் மருத்துவரை அணுகுவது மிக முக்கியம்.
அடிக்கடி கேட்கப்படும் கேள்விகள் (FAQ)
பொறுப்பு துறப்பு: இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு jothidam360.in பொறுப்பேற்காது.