சரும பிரச்சனைகளை சரி செய்யும் இயற்கை வழிகளை தேடுபவர்களுக்கு நாவல் பழம் ஒரு சிறந்த தீர்வாகும். வைட்டமின் சி மற்றும் ஆக்ஸிஜனேற்றிகள் நிறைந்த இந்த பழம், எண்ணெய் பசை சருமம், முகப்பரு, கறைகள் மற்றும் தழும்புகளை நீக்கி சருமத்தை பளபளப்பாக்க உதவுகிறது. உடல் ஆரோக்கியத்திற்கு மட்டுமல்லாமல், உங்கள் சருமத்தின் அழகை மேம்படுத்தவும் நாவல் பழத்தின் பலன்களை இங்கு விரிவாக காண்போம். இது ஒரு இயற்கையான சரும பராமரிப்பு பொருளாகும்.
நாவல் பழம் தரும் சரும நன்மைகள்
நாவல் பழங்கள் பலவிதமான சருமப் பிரச்சனைகளுக்கு தீர்வளித்து, உங்கள் சருமத்தை ஆரோக்கியமாக வைத்திருக்க உதவுகிறது. இதன் முக்கிய நன்மைகள்:
- சரும மென்மைக்கு: நாவல் பழத்தில் உள்ள வைட்டமின் சி மற்றும் ஆக்ஸிஜனேற்ற பண்புகள் சருமத்தை ஆரோக்கியமாகவும், மென்மையாகவும் வைக்கின்றன.
- முகப்பரு சிகிச்சை: இரத்தத்தில் உள்ள நச்சு நீக்கி, முகப்பருவை ஏற்படுத்தும் பாக்டீரியாக்களை நீக்குகிறது. கரும்புள்ளிகளும் குறையும்.
- வடுக்கள் குறைப்பு: வைட்டமின் சி மற்றும் ஆக்ஸிஜனேற்றிகள் இறந்த செல்களை நீக்கி, சருமத்தை ஈரப்பதமாக்குவதன் மூலம் வடுக்களைக் குறைக்கிறது.
- பிரகாசமான சருமம்: இது ஒரு சிறந்த ஆக்ஸிஜனேற்றி என்பதால், சருமத்தை வெண்மையாகவும் பிரகாசமாகவும் மாற்ற உதவுகிறது.
- எண்ணெய் பசை கட்டுப்பாடு: இதன் இயற்கையான ஆஸ்ட்ரிஜென்ட் பண்புகள் சருமத்தில் எண்ணெய் சுரப்பைக் கட்டுப்படுத்துகின்றன.
நாவல் பழம் ஃபேஸ் பேக்குகள்: தயாரிப்பு முறைகள்
சருமத்தில் இருக்கும் நச்சு நீக்கி முகத்தைபுத்துணர்ச்சியாக வைத்திருக்க செய்யும். உடனடியாக முகம் பிரகாசமாக வைக்க இதை செய்யலாம்.
தேவையான பொருட்கள்:
- - நாவல் பழ கூழ்: 2 டீஸ்பூன்
- - தேன்: 1 டீஸ்பூன்
பயன்படுத்தும் முறை:
நாவல் பழ கூழ் உடன் தேன் சேர்த்து நன்றாகக் குழைத்து முகத்தில் தடவி, 15 நிமிடங்கள் கழித்து முகத்தை சுத்தம் செய்யவும்.
சருமத்தில் எண்ணெய் சுரப்பைக் கட்டுப்படுத்தி, சருமத் துளைகளைச் சுருக்க உதவும் ஒரு பயனுள்ள ஃபேஸ் பேக்.
தேவையான பொருட்கள்:
- - நாவல் பழ கூழ்: 2-3 டீஸ்பூன்
- - கடலை மாவு: 1 டீஸ்பூன்
- - ரோஸ் வாட்டர்: தேவைக்கேற்ப
பயன்படுத்தும் முறை:
மூன்றையும் பேஸ்ட் பதத்துக்கு நன்றாகக் குழைத்து முகம் முழுவதும் (கை, கழுத்து பகுதிகளிலும்) சமமாகப் பூசவும். 15 நிமிடங்கள் அல்லது உலரும் வரை வைத்திருந்து, பிறகு முகத்தை சுத்தம் செய்யவும். வாரம் ஒருமுறை இதைச் செய்யலாம்.
சருமத்தில் உள்ள முகப்பரு மற்றும் தழும்புகளை படிப்படியாகக் குறைக்க நாவல் பழ கொட்டை பொடி உதவும்.
தேவையான பொருட்கள்:
- - நாவல் பழ கொட்டை பொடி: 2 டீஸ்பூன்
- - காய்ச்சாத பால்: தேவைக்கேற்ப
பயன்படுத்தும் முறை:
தேவையான அளவு எடுத்து குழைத்து முகத்தில் தடவி சுத்தம் செய்தால், முகப்பருக்கள் படிப்படியாகக் குறையும். இதில் உள்ள ஆக்ஸிஜனேற்றிகள் மற்றும் ஃப்ளவனாய்டுகள் இரத்தத்தில் உள்ள நச்சுக்களை நீக்கி, சருமத்தை ஆரோக்கியமான பளபளப்புடன் வைக்கின்றன.
இறந்த செல்களை வெளியேற்றி, சருமத்தை புத்துணர்ச்சியடையச் செய்து, மந்தமான தன்மையைப் போக்க உதவுகிறது.
தேவையான பொருட்கள்:
- - நாவல் பழம் கூழ்: 2 டீஸ்பூன்
- - தயிர்: 1 டீஸ்பூன்
- - அரிசி மாவு: 1 டீஸ்பூன்
- - எலுமிச்சை சாறு (நீர்த்தது): அரை டீஸ்பூன் (உணர்திறன் இருந்தால் ரோஸ்வாட்டர் சேர்க்கலாம்)
பயன்படுத்தும் முறை:
அனைத்து பொருட்களையும் நன்றாகக் கலந்து குழைத்து முகம் முழுவதும் தடவி, 20 நிமிடங்கள் வைத்திருந்து வெதுவெதுப்பான நீரில் சுத்தம் செய்யவும்.
கண்களுக்குக் கீழ் கருவளையம் இருப்பவர்கள் தொடர்ந்து நாவல் பழ ஃபேஸ் பேக் பயன்படுத்தி வந்தால், நாளடைவில் கருவளையம் குறையும்.
தேவையான பொருட்கள்:
- - நாவல் பழ கூழ்: தேவைக்கு
- - பாசிப்பயறு மாவு: 1 டீஸ்பூன்
- - தயிர்: 1 டீஸ்பூன்
- - ஆலிவ் அல்லது பாதாம் எண்ணெய்: சில துளி
பயன்படுத்தும் முறை:
அனைத்துப் பொருட்களையும் சேர்த்து நன்றாகக் குழைத்து, கண்களுக்குக் கீழ் இருக்கும் கருவளையம் பகுதியைச் சுற்றித் தடவி உலர விட்டு பிறகு சுத்தம் செய்யவும். மருத்துவ காரணங்கள் எனில், சிகிச்சை செய்வதோடு இந்தச் சரும பராமரிப்பு மூலம் கருவளையத்தைக் கட்டுப்படுத்தலாம்.