யூரிக் அமிலம் என்பது நம் உடலால் உருவாக்கப்படும் ஒருவித கழிவுப்பொருள். உடலில் பியூரின் என்னும் வேதிப்பொருள் உடைபடும்போது உற்பத்தியாகும் இந்தக் கழிவு அமிலத்தின் அளவைக் கட்டுப்படுத்த பாபா ராம்தேவ் பரிந்துரைக்கும் எளிய வீட்டு வைத்தியங்கள் மற்றும் யோசனைகள் குறித்து விரிவாகப் பார்ப்போம்.
யூரிக் அமிலம் என்றால் என்ன?
யூரிக் அமிலம் என்பது உடலில் பியூரின் என்னும் வேதிப்பொருள் உடைபடும்போது உற்பத்தியாகும் கழிவு அமிலம் ஆகும். இந்த பியூரின் நாம் உண்ணும் உணவில் இருந்து வெளிப்படுகிறது. இதன் அளவைக் கட்டுப்படுத்த, உணவில் பியூரினைக் குறைப்பது அவசியம்.
உடலில் யூரிக் அமிலம் அதிகரிப்பதால் ஏற்படும் பிரச்சினைகள்
- சிறுநீரகக் கற்கள்: யூரிக் அமிலத்தின் அளவு அதிகமாகும் போது முதலில் பாதிக்கப்படுவது சிறுநீரகங்கள் தான். இது சிறுநீரகக் கற்களை உண்டாக்கும்.
- மூட்டு வலி மற்றும் வீக்கம்: யூரிக் அமிலம் அதிகரிக்கும்போது கை, கால், மூட்டுகளில் வீக்கம் மற்றும் வலியை ஏற்படுத்தும். இதனால் நடக்கவோ, நிற்கவோ கூட கடினமாக இருக்கும்.
- நீரிழிவு ஆபத்து: நாள்பட்ட நிலையில் அதிகரித்த யூரிக் அமிலம் இருந்தால் அது நீரிழிவாகக் கூட மாறும் ஆபத்து உண்டு.
யூரிக் அமிலத்தைக் கட்டுப்படுத்த பாபா ராம்தேவ் பரிந்துரைக்கும் வீட்டு வைத்தியங்கள்
1. சுரைக்காய் ஜூஸ்
உடலில் உற்பத்தியாகும் அதிகப்படியான யூரிக் அமிலத்தைக் கட்டுக்குள் வைக்க சுரைக்காய் ஜூஸ் மிகச்சிறந்த உதவி செய்யும். சுரைக்காய் ஜூஸ் குடித்தால் மிகப்பெரிய மாற்றம் தெரியும். இதிலுள்ள வைட்டமின் பி, வைட்டமின் சி மற்றும் இரும்புச்சத்து ஆகியவை பியூரின் உற்பத்தியை குறைக்க உதவும்.
2. யோகாசனங்கள்
சில ஆசனங்கள் அதிகப்படியான யூரிக் அமிலத்தைக் கட்டுப்படுத்த உதவும். குறிப்பாக பவனமுக்தாசனம் செய்வது யூரிக் அமிலத்தைக் கட்டுப்படுத்துவது மட்டுமின்றி, சிறுநீரகப் பிரச்சினைகள் மற்றும் ரத்த சர்க்கரை அளவைக் கட்டுக்குள் வைப்பது என்று பல ஆரோக்கியப் பிரச்சினைகளைச் சரிசெய்யும்.
3. நிறைய தண்ணீர் குடிக்க வேண்டும்
யூரிக் அமிலத்தின் அளவைக் கட்டுப்படுத்த நிறைய தண்ணீர் குடிக்க வேண்டும். நிறைய தண்ணீர் குடிப்பது ஒட்டுமொத்த உடல் ஆரோக்கியத்துக்குமே நல்லது. உடலில் உள்ள கழிவுகளை வெளியேற்றுவதிலும், ஜீரண மண்டலம் முதல் தோலின் வழியே கழிவுகளை வெளியேற்றுவது வரை அத்தனைக்கும் உடலுக்குத் தண்ணீர் தான் அவசியம்.
4. சிறுநெருஞ்சில் பொடி
யூரிக் அமிலத்தைக் கட்டுப்படுத்துவதில் சிறுநெருஞ்சிலுக்கு மிக முக்கியப் பங்கு உண்டு. இயற்கையானவே இதில் டையூரிடிக் பண்புகள் அதிகம் இருப்பதால் சிறுநீர்ப் பெருக்கியாக செயல்படும். அதனால் சிறுநீரகக் கற்கள் ஏற்படாமல் தடுக்கவும், யூரிக் அமிலத்தின் அளவைக் கட்டுக்குள் வைத்திருக்கவும் இந்த சிறுநெருஞ்சில் உதவி செய்யும். சிறுநெருஞ்சில் விதைகளின் பொடி நாட்டு மருந்து கடைகளில் கிடைக்கும். அவற்றை வாங்கி வெதுவெதுப்பான நீரில் கலந்து இரவு நேரத்தில் குடித்து வர நாளடைவில் யூரிக் அமிலத்தின் அளவு குறையும்.
அடிக்கடி கேட்கப்படும் கேள்விகள் (FAQ)
பொறுப்புத் துறப்பு: இந்த கட்டுரையில் சொல்லப்பட்டவை தகவல் நோக்கங்களுக்காகவே. இவை எந்தவித மருந்து மற்றும் மருத்துவ சிகிச்சைக்கு இணையானது அல்ல. இதன் உண்மைத்தன்மை, துல்லியம் மற்றும் செயல்திறன் ஆகியவற்றுக்கு jothidam360 பொறுப்பாகாது. மருத்துவ ஆலோசனைக்கு உங்கள் மருத்துவரை அணுகவும்.