மே மாத அமாவாசை: தர்ப்பணம் மற்றும் வழிபாட்டு நேரம்

மே மாத அமாவாசை சிறப்பு மற்றும் ஜோதிட முக்கியத்துவம்

அமாவாசை என்றாலே முன்னோர்களை வழிபட்டு அவர்களின் ஆசியை பெறுவதற்குரிய நாளாக கருதப்படுகிறது. அதோடு இந்த நாளில் செய்யப்படும் வழிபாடுகள், தான, தர்மங்கள், பரிகாரங்கள் ஆகியவை பித்ருதோஷம், பித்ருசாபம் ஆகியவற்றில் இருந்து விடுபட வைக்கும். இந்த ஆண்டு ஜேஷ்ட அமாவாசை எனப்படும் வைகாசி மாத அமாவாசை மே 26ம் தேதி வருகிறது. திங்கட்கிழமையில் கிருத்திகை நட்சத்திரத்துடன் இணைந்து வரும் இந்த அமாவாசை, ஜோதிட ரீதியாக மிகவும் விசேஷமானது. தமிழ் கலாச்சாரத்தில் அமாவாசைக்கு உள்ள முக்கியத்துவம் அளப்பரியது.

தர்ப்பணம் மற்றும் படையல் நேரங்கள் குறித்த குழப்பம்

பொதுவாக அமாவாசை அன்று காலை சூரிய உதயத்திற்கு பிறகு புனித நதிகள் அல்லது குளங்கள் அல்லது கடலில் நீராடி, முன்னோர்களுக்கு தர்ப்பணம் கொடுப்பது வழக்கம். அப்படி தர்ப்பணம் கொடுப்பவர்கள் உச்சிப் பொழுதிற்கு முன் கொடுக்க வேண்டும் என்பது நியதி. ஆனால் மே மாத அமாவாசை தினமான மே 26 அன்று காலை 11.30 மணிக்கு பிறகு தான் அமாவாசை திதி உள்ளது. அதற்கு முன்பு வரை சதுர்த்தசி திதியே உள்ளது. இதனால் மே 26ம் அன்று காலையில் தர்ப்பணம் கொடுப்பது அமாவாசை தர்ப்பணம் ஆகாது. அதே சமயம் மே 27ம் தேதி காலை 09.09 வரை அமாவாசை திதி உள்ளது.

இதனால் மே 26ம் தேதியன்று முன்னோர்களுக்கு தர்ப்பணம் கொடுத்து, படையல் இட்டு வழிபட வேண்டுமா? அல்லது மே 27ம் தேதியை அமாவாசை நாளாக கணக்கில் எடுத்துக் கொண்டு தர்ப்பணம், விரதம் இருக்க வேண்டுமா என்ற குழப்பம் பலருக்கும் ஏற்பட்டுள்ளது. இந்த தமிழர் பாரம்பரிய வழிபாட்டில் குழப்பம் ஏற்படாமல் இருக்க சரியான விளக்கங்கள் தேவை.

சரியான வழிபாட்டு முறையும் நேரமும்

• மே 26: காலை 11.30 மணிக்கு மேல், அதே சமயம் உச்சிப் பொழுதிற்கு முன்பாக தர்ப்பணம் கொடுக்க முடியும் என்பவர்கள் கொடுக்கலாம். அன்று முழு அமாவாசையாக இருப்பதால் அன்றைய தினத்தில் ராகு காலம், எமகண்டம் ஆகிய நேரங்களை தவிர்த்து, மற்ற நேரங்களில் முன்னோர்களுக்கு படையல் இட்டு, காகத்திற்கு உணவளித்து வழிபடலாம்.
• மே 27: ஒருவேளை மே 26ம் தேதி தர்ப்பணம் கொடுக்க முடியாதவர்கள், மே 27ம் தேதி காலை சூரிய உதயத்திற்கு, காலை 9 மணிக்குள் முன்னோர்களுக்கு தர்ப்பணம் கொடுக்கலாம். ஆனால் மே 27ம் தேதி காலை 09.09 மணியுடன் அமாவாசை திதி நிறைவடைந்து விடுவதால் அன்று பகல் பொழுதில் முன்னோர்களுக்கு படையல் இட்டு, காகத்திற்கு உணவு படைக்கக் கூடாது.
• சிறந்த நடைமுறை: படையல் இட்டு வழிபடுவதை மே 26ம் தேதியும், தர்ப்பணம் கொடுப்பதை மே 27ம் தேதி காலையில் செய்வதும் சிறப்பு.
• தானம்: தானம் அளிக்க நினைப்பவர்கள், பசு மாட்டிற்கு அரிசி, வெல்லம் ஆகியவை கொடுக்க நிவைப்பவர்கள் மே 26ம் தேதி கொடுப்பது சிறப்பானதாகும். இது ஜோதிட பரிகாரமாகவும் அமையும்.