4000 வருட ரகசிய முல்தானி மெட்டி பேஸ்பேக்

முல்தானி மிட்டியின் வரலாறு

முல்தான் என்னும் கிராமத்தில் இருக்கும் ஒரு களிமண் வகை தான் இந்த முல்தானி மிட்டி. இந்த மண்ணை எடுப்பதற்காக பெரிய வாகன வசதிகள் இல்லாத காலத்தில் பல ஆயிரம் மைல்கள் நடந்து போய்கூட பல நாடுகளுக்கு எடுத்துச் செல்லப்பட்டது. கடந்த 2019 ஆம் ஆண்டில் செய்யப்பட்ட ஆராய்ச்சியில் இந்த முல்தானி மட்டியின் வியக்கத்தக்க மருத்துவ குணங்கள் பற்றி குறிப்பிடப்பட்டுள்ளது.

முல்தானி மட்டியில் உள்ள சத்துக்களும் அதன் நன்மைகளும்

முல்தானி மட்டியில் பல்வேறு மினரல்கள் இருக்கின்றன. அதோடு இயற்கையான ரசாயனங்கள் இருக்கின்றன:

• மக்னீசியம் ஆக்சைடு: தோல் தொங்குவதைத் தடுத்து ஸ்கின்னை இறுக்கமாக வைத்துக் கொள்ளும்.
• அயர்ன் ஆக்சைடு: சருமத்தில் ரத்த ஓட்டத்தை அதிகரித்து ரத்த சுழற்சியை அதிகரிக்கும்.
• கால்சியம் பெண்ட்டோனட்: இயற்கையாகவே ஸ்கின்னில் இருக்கும் கழிவுகளை வெளியேற்றும் டீடாக்ஸ் தன்மை கொண்டது.
• சிலிகா: சிலிகா கொலாஜன் உற்பத்தியை அதிகரிக்கச் செய்யும் தன்மை கொண்டது.

எல்லாவற்றையும் விட இந்த முல்தானி மட்டியில் உள்ள அற்புதமான தன்மை என்ன தெரியுமா? சருமத்தில் இருக்கும் அதிகப்படியான சீபம் சுரப்பு, எது தோலுக்கு தேவையில்லாத எண்ணெய், எது ஸ்கின்னுக்குத் தேவையான ஹெல்தி ஆயில் என்று பிரித்தெடுக்கத் தெரியுமாம்.

முக்கிய அம்சங்கள்

• முல்தானி மிட்டி சருமத்தை வறட்சி ஆக்குவதில்லை, அதன் pH அளவு சருமத்தின் pH அளவோடு ஒத்துள்ளது.
• கலப்படம் இல்லாத, உண்மையான முல்தானி மட்டியைத் தேர்ந்தெடுப்பது அவசியம் (Beige நிறத்தில் இருக்கும்).
• புதிதாகப் பயன்படுத்தும்போது பேட்ச் டெஸ்ட் செய்வது கட்டாயம்.
• மர அல்லது கண்ணாடி பௌலில் மட்டுமே பேஸ்பேக்கை கலக்க வேண்டும்; குழாய் நீரைத் தவிர்க்கவும்.
• வாரத்திற்கு 2 முறை பயன்படுத்தலாம், பளபளப்பான சருமம் உறுதி.

முல்தானி மட்டியைத் தேர்ந்தெடுப்பது எப்படி?

முல்தானி மட்டி வாங்கும்போது ஒரிஜினலாக பார்த்து வாங்க வேண்டும். நல்ல கலப்படம் இல்லாத முல்தானி மட்டி beige கலரில் இருக்கும். இதுவே கொஞ்சமாகவோ அதிகமாகவோ வெளுத்த நிறத்திலோ வெள்ளை நிறத்திலோ இருந்தால் அது ரசாயனங்கள் கொண்டு ப்ளீச் செய்யப்பட்டு இருக்கலாம். சிலர் நிறத்தை அதிகரிப்பதற்கு ரசாயனங்கள் சேர்க்கப்படுவதும் உண்டு.

பேட்ச் டெஸ்ட் கட்டாயம்

பெரும்பாலும் சுத்தமான முல்தானி மெட்டியை பயன்படுத்தும் போது அது நம்முடைய பிஎச் அளவுடன் ஒத்து இருப்பதால் எந்தவித பிரச்சினையும் வராது. ஆனால் ஒவ்வொரு பொருளும் சில சருமத்திற்கு அழற்சி ஏற்படுத்தலாம். அதை தடுக்க கட்டாயம் பேட்ச் டெஸ்ட் செய்ய வேண்டும். சிறிது முல்தானி மட்டியை எடுத்து நீரிலோ அல்லது ரோஸ்வாட்டரில் கலந்து கையில் மணிக்கட்டு பகுதியில் அல்லது கழுத்தின் பின்பகுதியில் அப்ளை செய்து அப்படியே இரவு முழுவதும் விட்டு விடுங்கள். காலையில் அந்த இடத்தில் எந்தவித சரும சிவப்பு, எரிச்சல், அரிப்பு ஆகியவை இல்லாமல் இருந்தால் அது உங்களுக்கு எந்தவித அழற்சியும் ஏற்படுத்தவில்லை.

4000 வருட ரகசியம் கொண்ட முல்தானி மிட்டி பேஸ்பேக் ரெசிபி

தேவையான பொருள்கள்:

• முல்தானி மட்டி - 2 ஸ்பூன்
• வேப்ப எண்ணெய் - 3 துளிகள்
• தேன் - 1 ஸ்பூன் (ஒரிஜினல் தேன்)
• ரோஸ் வாட்டர் - 2 ஸ்பூன்
• மஞ்சள் - 1 சிட்டிகை

செய்முறை:

1. இந்த பேஸ்பேக்கை ஒரு மர பௌல் அல்லது கண்ணாடி பௌலில் தான் கலக்க வேண்டும். மற்ற சில்வர் மற்றும் பிளாஸ்டிக் பாத்திரங்களில் மிக்ஸ் செய்யக் கூடாது.
2. அதேபோல இதற்கு தண்ணீர் (டேப் வாட்டர்) பயன்படுத்தவே கூடாது. அதிலுள்ள மெட்டல்கள் இதோடு வினைபுரியும். அதனால் தான் ரோஸ்வாட்டரை பயன்படுத்துகிறோம்.
3. ஒரு பௌலில் இந்த முல்தானி மட்டியை சேர்த்து அதில் ரோஸ்வாட்டர், மஞ்சள், தேன் மற்றும் வேப்ப எண்ணெய் ஆகியவற்றைச் சேர்ந்து நன்கு மிக்ஸ் செய்து ஸ்மூத்தான பேஸ்ட்டாக கலந்து கொள்ளுங்கள். இப்போது முல்தானி மட்டி பேஸ்பேக் ரெடி.
4. இதை கழுத்தில் இருந்து மேல் நோக்கி முகம் முழுவதும் அப்ளை செய்யுங்கள். பிறகு 20-25 நிமிடங்கள் அப்படியே விட்டுவிட வேண்டும்.
5. 25 நிமிடங்கள் கழித்து நன்கு காய்ந்ததும் வெதுவெதுப்பான நீர் கொண்டு எந்த திசையில் அப்ளை செய்தோமோ அதேபோல கழுவ வேண்டும். உடனடியாகவே முகம் பளபளப்பதை உணர்வீர்கள். வாரத்திற்கு 2 முறை பயன்படுத்தலாம்.

இறுதியாக, இதுவரையிலும் முல்தானி மட்டியைத் தவறாகப் பயன்படுத்தி இருந்தீங்கன்னா, இனிமேல் டாக்டர் கார்த்திகேயன் சொல்ற முறையில் 4000 வருட பழமையான ரகசிய பேஸ்பேக் முறையை டிரை பண்ணுங்க. அதில் பயன்படுத்தப்படும் பொருள்கள் சுத்தமானதாக இருக்க வேண்டும்.

அடிக்கடி கேட்கப்படும் கேள்விகள்