ஓம் சரவண பவ மந்திரத்தின் மகிமைகள்

ஆறெழுத்து மந்திரத்தின் அற்புதப் பலன்கள்

‘ஓம் சரவண பவ’ என்ற மந்திரத்தை தினமும் 108 முறை சொன்னால் என்ன பலன் கிடைக்கும் என்பதைத் தெரிந்து கொண்டு சொல்வதால் இன்னும் அதிகமாக முருகப் பெருமானின் அருளை விரைந்து பெற முடியும். ஒவ்வொரு எழுத்தும் தரும் தனித்த பலன்கள் இங்கே:

• ச - செல்வம், செழிப்பு, சுபிட்சம் உண்டாகும்.
• ர - கல்வி, ஞானம், தெளிந்த புத்தி கிடைக்கும்.
• வ - முக்தி, ஆன்மீக முன்னேற்றம், மோட்சம் கிட்டும்.
• ண - பகை வெல்லும் சக்தி, எதிர்ப்புகளிலிருந்து விடுதலை.
• ப - எம பயம் நீங்கும், ஆயுள் பலம் பெருகும்.
• வ - ஆரோக்கியம், உடல்நலம், மன அமைதி கிடைக்கும்.

இந்த ஆறு எழுத்துக்களும், வாழ்க்கைக்குத் தேவையான அனைத்தையும் தரக் கூடிய அற்புதமான மந்திர ஆற்றல் உடையது என்பதால் தான் தினமும் 108 முறை இந்த மந்திரத்தைச் சொல்ல வேண்டும் என்கிறார்கள். பொதுவாகவே எந்த மந்திரத்தையுமே 108 முறை சொன்னால் அதன் பலன் பல மடங்காக நமக்குக் கிடைக்கும். அப்படி இருக்கும் போது, முருகப் பெருமானுக்குரிய இந்த ஆறெழுத்து மந்திரத்தை 108 முறை சொன்னால் எவ்வளவு அதிகமான பலனைத் தரும் என பார்த்துக் கொள்ளுங்கள். ஓம் சரவண பவ மந்திரத்தை வாயால் உச்சரிப்பதை விட கைகளால் எழுதுவதால் இன்னும் அதிக பலன் கிடைக்கும். வாயால் சொல்லும் போது நம்முடைய மனம் பல விஷயங்களில் அலை பாய்ந்த படி இருக்கும். இதனால் மந்திரம் பலன் தராமல் போகலாம். அதே சமயம் நாம் எழுதும் போதும், நம்முடைய கவனம் பாதி அளவிற்காவது அந்த எழுத்துக்களின் மீது இருக்கும். அப்போது நம்முடைய மனம் முருகனை மட்டுமே நினைத்துக் கொண்டிருக்கும். அதனால் தான் மந்திரங்களை கைகளால் எழுதுவது சிறப்பானது என்கிறார்கள்.