பரிவர்த்தினி ஏகாதசி விரதம்: பலன்கள், செய்ய வேண்டியவை மற்றும் தவிர்க்க வேண்டியவை

பரிவர்த்தினி ஏகாதசி விரத சிறப்புகள்

முக்கியமான ஏகாதசிகளில் ஒன்று, ஆவணி மாத வளர்பிறையில் வரும் பரிவர்த்தினி ஏகாதசி ஆகும். மகாளய பட்சத்திற்கு முன்பு வரும் ஏகாதசி என்பதால் இதற்கு தனிச்சிறப்பு உண்டு. அதே போல் புராணங்களின் படி, தெய்வீக நித்திரையில் இருக்கும் மகாவிஷ்ணு, இந்த நாளில் தான் தனது சயன நிலையை மாற்றிக் கொள்வதாக சொல்லப்படுகிறது. அது மட்டுமல்ல, மகாவிஷ்ணு தனது ஐந்தாவது அவதாரமான வாமன அவதாரத்தை எடுப்பதற்கு முன் வரும் ஏகாதசி என்பதாலும் இது மிகவும் புண்ணியம் வாய்ந்ததாக சொல்லப்படுகிறது. இந்த புண்ணிய நாளில் விரதமிருந்து மகாவிஷ்ணுவை வழிபடுவது வாழ்வில் சகல நன்மைகளையும் தரும்.

பரிவர்த்தினி ஏகாதசி 2025: பெருமாளின் அருள் தரும் விரதம்

பரிவர்த்தினி ஏகாதசி அன்று விரதம் இருந்து பெருமாளை வழிபட்டால் அவர்களின் கடந்த கால பாவங்கள் மன்னிக்கப்பட்டு, அமைதியும், முக்திக்கான வழியும் கிடைக்கும் என்பது நம்பிக்கை. இந்த நாளில் வாமனருக்கு தாமரை பூ படைத்து வழிபடுவது முப்பெரும் தேவர்களையும் வழிபட்ட பலனை தரும். இந்த நாளில் ஏகாதசி கதைகள், வாமனரின் புராண கதைகளை படிப்பதும், கேட்பதும் ஆயிரம் அஸ்வமேத யாகம் செய்த பலனை தரும் என சொல்லப்படுகிறது. இவ்வளவு சிறப்பு மிக்க பரிவர்த்தினி ஏகாதசி இந்த ஆண்டு செப்டம்பர் 03ம் தேதியான புதன்கிழமை அன்று வருகிறது. இந்த நாளில் சில விஷயங்களை கண்டிப்பாக செய்வதும், செய்யாமல் தவிர்ப்பதும் பெருமாளின் அருளை முழுமையாக நமக்கு பெற்றுத் தரும்.

பரிவர்த்தினி ஏகாதசி விரத பலன்கள்

பரிவர்த்தினி ஏகாதசி விரதத்தை முறையாக, பக்தியுடன் கடைபிடித்தால் பெருமாளுக்கு மிகவும் நெருக்கமானவராக ஆக முடியும். பெருமாளுடன் தெய்வீக பந்தத்தை ஏற்படுத்திக் கொள்ள முடியும். கடந்த தவறுகள், பாவங்கள் அவற்றால் ஏற்படும் கர்மவினைகளில் இருந்து விடுபட முடியும். இதனால் வாழ்க்கையில் ஏற்படும் பலவிதமான பிரச்சனைகள், சிக்கல்களில் இருந்து விடுபட முடியும். இந்த விரதம் உடலுக்கும் மனதிற்கும் ஆரோக்கியத்தையும் தரக் கூடியதாகும். இந்த நாளில் பெருமாளை மனதார நினைத்து வழிபடுவது மிகவும் மங்களகரமானதாகும். ஏகாதசியில் விரதம் இருந்தால் வாழ்க்கை சிறப்பாக அமைய பெருமாள் வழிகாட்டுவார் என்பது பக்தர்களின் நம்பிக்கையாக உள்ளது.

அடிக்கடி கேட்கப்படும் கேள்விகள் (FAQ)