புரட்டாசி மாத பெருமாள் வழிபாடு: பணக்கஷ்டம் தீர சிறந்த வழி

புரட்டாசி மாத பெருமாள் வழிபாட்டின் முக்கியத்துவம்

பணம் கஷ்டம், கடன் சுமை, வாழ்க்கையில் எடுக்கும் காரியங்களில் தடைகள் இவற்றில் ஏதாவது ஒன்றாவது இல்லாமல் யாருடைய வாழ்க்கையும் இருக்காது. சிலருக்கு இவை அனைத்துமே இருக்கும். இவற்றில் இருந்து வெளியே வர முடியாதா, எப்போது தான் நமக்கு விடிவுகாலம் பிறக்கும் என ஏங்கிக் கொண்டும், வருத்தப்பட்டுக் கொண்டும் இருப்பவர்கள் ஏராளம். பணக் கஷ்டம், கடன் சுமை, வாழ்க்கையில் எடுக்கும் காரியங்களில் தடைகள், தொடர் தோல்விகள் மட்டுமின்றி இன்னும் வெளியில் சொல்ல முடியாத எத்தனையோ பிரச்சனைகள் பலருக்கும் உள்ளது.

இப்படி தவித்துக் கொண்டிருப்பவர்களுக்கு நிம்மதியும், நிவாரணமும் தரும் அற்புதமான மாதம் தான் புரட்டாசி மாதம். பலவிதமான துன்பங்களில் சிக்கி, வெளியே வர வழி தெரியாமல் நீங்கள் தவித்துக் கொண்டு இருக்கிறீர்களா? அப்படியென்றால் இந்த புரட்டாசி மாதத்தில் பெருமாளை மனதார வழிபாடு செய்ய துவங்குங்கள். இதற்காக அதிகம் செலவு செய்ய வேண்டும், பரிகாரம் செய்ய வேண்டும், தினமும் கோவிலுக்கு செல்ல வேண்டும் என்பத கூட கிடையாது. அதற்கு பதிலாக ஒரே ஒரு வழிபாட்டினை புரட்டாசி மாதம் முழுவதும் செய்து வாருங்கள். நிச்சயம் உங்களின் வாழ்க்கையில் மாற்றம் வரும்.

புரட்டாசி மாதத்தில் தினமும் மாலை 6 மணிக்கு வீட்டில் உள்ள பெருமாள் படத்திற்கு முன் விளக்கு ஏற்றி, துளசி சேர்த்த தண்ணீர் வைத்து, ஊதுவத்தி ஏற்றி பெருமாளையும் மகாலட்சுமியையும் நினைத்து பிரார்த்தனை செய்யுங்கள். பிறகு பெருமாளுக்குரிய ஒரு மந்திரத்தை 3 முறை, 27 முறை அல்லது 108 முறை சொன்னால் போதும்:

"ஓம் கோவிந்தா முகுந்தா போற்றி ஓம் திருமகள் மணாளா போற்றி ஓம் ஹரி ஹரி நமோ நாராயணா போற்றி"

இந்த மந்திரம் உங்களுடைய பணக்கஷ்டத்தை தீர்த்து, வியாபார முன்னேற்றம், சம்பள உயர்வு, கடன் தீர்வு அனைத்தையும் தரும். புரட்டாசி மாதத்தில் பெருமாளின் பெயரை நினைத்தாலே அவர் உங்கள் வீட்டிற்கு வந்து அமர்வார். அதிலும் நாராயண மந்திரம், கோவிந்த நாமம் ஆகியவற்றை சொல்லி பெருமாளை வழிபட்டால் அவரது மனம் மகிழும்.

புரட்டாசி மாதத்தில் தினமுமோ அல்லது சந்தர்ப்பம் கிடைக்கும் போதோ அல்லது சனிக்கிழமைகளில் மட்டுமே பெருமாளுக்குரிய விஷ்ணு சகஸ்ரநாமத்தை சொல்லி வழிபடுவது மிக மிக விசேஷமானதாகும். இதை சொல்ல முடியா விட்டாலும், காதுகளால் கேட்பது மிக மிக புண்ணியமான காரியமாகும். உண்மையான பக்தியுடன் ஒரே ஒரு முறை யார் அழைத்தாலும் ஓடோடி வரக் கூடியவர் வெங்கடேஷ பெருமாள். அவரை ஆயிரம் நாமங்கள் சொல்லி, மனமுருகி அழைத்தால் வராமல் இருப்பாரா?

உலகிற்கே படியளக்கும் பெருமாள் வந்தால், அவரது திருமார்பில் நீங்காமல் குடியிருக்கும் மகாலட்சுமி வராமல் இருப்பாரா என்ன? பெருமாளும், மகாலட்சுமியும் தம்பதி சமேதராக எழுந்துருளும் இடத்தில் அனைத்து விதமான செல்வங்களும் குறைவே இல்லாமல் பெருகிக் கொண்டே இருக்கும். புரட்டாசி மாதத்தில் நம்பிக்கையுடன் இந்த வழிபாட்டினை செய்து பாருங்கள். நிச்சயம் பலன் கிடைக்கும்.

முக்கிய அம்சங்கள்

• புரட்டாசி மாத சிறப்பு: பணக்கஷ்டம் மற்றும் கடன் சுமையில் இருந்து விடுபட பெருமாள் வழிபாடு சிறந்த வழி.
• தினசரி வழிபாடு: தினமும் மாலை 6 மணிக்கு விளக்கு ஏற்றி, துளசி நீர் வைத்து, ஊதுவத்தி ஏற்றி பெருமாளையும் மகாலட்சுமியையும் பிரார்த்தியுங்கள்.
• மந்திர ஜபம்: "ஓம் கோவிந்தா முகுந்தா போற்றி ஓம் திருமகள் மணாளா போற்றி ஓம் ஹரி ஹரி நமோ நாராயணா போற்றி" மந்திரத்தை 3, 27 அல்லது 108 முறை ஜபிக்கவும்.
• பலன்கள்: பணக்கஷ்டம் தீரும், வியாபார முன்னேற்றம், சம்பள உயர்வு, கடன் தீர்வு மற்றும் அனைத்து செல்வங்களும் பெருகும்.
• விஷ்ணு சகஸ்ரநாமம்: புரட்டாசி மாத சனிக்கிழமைகளில் விஷ்ணு சகஸ்ரநாமம் சொல்லி வழிபடுவது அல்லது கேட்பது மிகவும் புண்ணியமானது.

அடிக்கடி கேட்கப்படும் கேள்விகள்