வளர்பிறை சதுர்த்தி நிதி கணபதி வழிபாடு: கடன் தீர்ந்து செல்வம் பெருகும் இரகசியம்

சங்கடஹர சதுர்த்தி Vs வளர்பிறை சதுர்த்தி: எது சிறந்தது?

சங்கடங்கள், துன்பங்கள் நீங்கி இன்பம், செல்வம் பெருக்க விநாயகப் பெருமானை சதுர்த்தி திதியில் வழிபடுவது சிறப்பு. பெரும்பாலானவர்கள் தேய்பிறையில் வரும் சங்கடஹர சதுர்த்தியில் தான் விநாயகரை விரதம் இருந்து வழிபடுவார்கள். சங்கடஹர சதுர்த்தியில் விரதம் இருந்து வழிபட்டால் தான் சங்கடங்கள் தீரும் என நினைத்துக் கொண்டிருக்கிறார்கள். ஆனால் விநாயகரின் அருளை பெறவும், வாழ்க்கையில் ஏற்றம் பெறவும் ஏற்ற உன்னதமான நாள் வளர்பிறை சதுர்த்தியாகும். இந்த நாளில் விநாயகரை நம்பிக்கையுடன், எளிமையான முறையில் வழிபட்டால் கூட கோடீஸ்வரர் ஆகும் யோகம் கிடைக்கும். பணக்காரர்கள் கூட பின்பற்றக்கூடிய இந்த வழிபாட்டு முறை உங்கள் வாழ்விலும் மகிழ்ச்சியைப் பிறக்கச் செய்யும்.

நிதி கணபதி வழிபாடு: வழிமுறைகளும் பலன்களும்

சந்திர பகவானுக்கும், சிவ பெருமானுக்கும் உரிய திங்கட்கிழமையில் வரும் வளர்பிறை சதுர்த்தி திதியில் நிதி கணபதியை வழிபட வேண்டும். வளர்பிறை சதுர்த்தி அன்று இந்த நிதி கணபதி மந்திரத்தை எவர் ஒருவர் நம்பிக்கையோடு உச்சரிக்கிறீர்களோ, அவர்களுடைய வாழ்க்கையில் செல்வ செழிப்பானது கொழிக்க துவங்கிவிடும். நீங்களும் கடன் சுமையிலிருந்து சீக்கிரமாக விடுபட்டு, பணக்காரர்களாக மாற வேண்டும் என்று ஆசைப்பட்டால் திங்கட்கிழமையோடு சேர்ந்த வளர்பிறை சதுர்த்தி திதி அன்று பின் சொல்லக்கூடிய இந்த நிதி கணபதி வழிபாட்டை செய்து, இந்த மந்திரத்தை சொல்லுங்கள். உங்கள் வாழ்விலும் மகிழ்ச்சி பிறக்கும்.

நிதி கணபதி மூலமந்திரம்:

"ஓம் வக்கரதுண்டாய ஹீம் நமஹ"

இதுதான் அந்த மந்திரம். திங்கட்கிழமை காலை 6:00 முதல் 7:00 அல்லது மாலை 6:00 முதல் 7:00 மணி ஆகிய நேரங்களில் பூஜை அறையில் ஒரு கிண்ணத்தில் கல் உப்பு வைத்துவிட்டு, விநாயகருக்கு முன்பு ஒரு விளக்கு ஏற்றி வைத்துவிட்டு இந்த மந்திரத்தை லட்சத்து எட்டு முறை சொல்பவர்களுக்கு எவ்வளவு பெரிய பண கஷ்டம் இருந்தாலும் அது தீரும். லட்சத்து எட்டு முறை என்பது மிகப்பெரிய எண்ணிக்கை தான். அவ்வளவு எளிதில் ஒரு நாளில் சொல்லி முடிக்க முடியாது. இருந்தாலும் உங்களால் முடிந்த வரை, ஒரு மணி நேரம் இந்த மந்திரத்தை ஜபித்து பாருங்கள். உங்களுடைய நிதி நிலைமை ஒரு சில நாட்களில் உயர துவங்கும். மாதம் தோறும் வரக்கூடிய வளர்பிறை சதுர்த்தி திதி அன்று, இதே போல விநாயகர் முன்பு அமர்ந்து இந்த மந்திரத்தை நீங்கள் சொல்ல சொல்ல, பொருளாதார ரீதியாக பெரிய அளவில் முன்னேற்றத்தை அடைவீர்கள். வழிபாட்டை முடித்து விட்டு பூஜை அறையில் வைத்த கல் உப்பை எடுத்து சமையல் உப்போடு கலந்து விடலாம் தவறு ஒன்றும் கிடையாது.

மற்ற சக்திவாய்ந்த விநாயகர் மந்திரங்கள்

வளர்பிறையில் வரும் சதுர்த்தி அன்று மாலை நிலை வாசலில் மஞ்சள், குங்குமம் தொட்டு வைத்து வழிபட வேண்டும். பிறகு பூஜை அறைக்கு சென்று நவதானியங்களை மஞ்சளுடன் கலந்து பிள்ளையார் பிடித்து வைக்க வேண்டும். நவதானியங்கள் இல்லை என்றால் வீட்டில் என்ன தானியம் உள்ளதோ அதை வைத்து, பிள்ளையார் பிடித்து வைத்து தீப, தூப ஆராதனை காட்டி, பின்வரும் மந்திரங்களை 108 முறை நம்பிக்கையுடன் சொல்லி வழிபட வேண்டும்.

"ஸ்ரீ சக்தி கணபதியே துணை! ஸ்ரீ சக்தி கணபதியே போற்றி ஸ்ரீ சக்தி கணபதியே சரணம்"

"ஓம் கணேஷ் ரின்னம் ச்சிந்தி வாரேண்யம் ஹுங் நம பட்"

இப்படி வழிபடுவதால் வாழ்க்கையில் வளர்ச்சி, வாழ்க்கையில் மாற்றம் ஏற்படும். வளர்பிறை சதுர்த்தியில் விநாயகரை நினைத்து வழிபடுபவர்களுக்கு அவரது அருள் நிச்சயம் கிடைக்கும். இந்த ஜோதிட பரிகாரங்கள் மூலம் உங்கள் வாழ்வை வளமாக்குங்கள்.