நரம்பு சுருட்டல் (Varicose Veins) பிரச்சினைக்கு உடல் பருமன், நீண்ட நேரம் நின்று கொண்டே இருப்பது, நாள்முழுக்க உட்கார்ந்தபடியே இருப்பது போன்ற பல காரணங்கள் உள்ளன. ஆரம்பத்தில் ஆபத்து இல்லாதது போல் தோன்றினாலும், நாளடைவில் இவை நரம்புகள் வீங்கி ரத்தக் கசிவு ஏற்பட வழிவகுக்கும். அறுவை சிகிச்சைக்குப் பின்னரும் முழுமையான குணம் கிடைக்காத நிலையில், உணவுமுறை மற்றும் உடற்பயிற்சிகளின் மூலம் இந்தப் பிரச்சினையை சரிசெய்ய முடியும். சித்த மருத்துவ நிபுணர் டாக்டர் ராஜலட்சுமி பரிந்துரைக்கும் சில எளிய, இயற்கை வைத்திய முறைகளை இங்கு காணலாம்.
நடைப்பயிற்சி
வெரிகோஸ் வெயின் பிரச்சனை உள்ளவர்கள் தினமும் காலை, மாலை என இரண்டு வேளையும் நடைப்பயிற்சி செய்வது மிக முக்கியம். நடைப்பயிற்சி மேற்கொள்ளும்போது, கால் பாதங்களில் இருந்து ரத்த ஓட்டம் மேல்நோக்கி சீராகச் செல்லும். தடைபட்ட ரத்தம் மேல்நோக்கி சென்று சுத்திகரிக்கப்பட்டு திரும்பக் கீழ்நோக்கி அனுப்பப்படும். இதனால் நரம்பு சுருட்டல் பிரச்சனை கொஞ்சம் கொஞ்சமாக சரியாகும்.
செம்பருத்தி பூ டீ
செம்பருத்தி பூவை பொதுவாக தலைமுடி ஆரோக்கியத்திற்கு பயன்படுத்துவோம். ஆனால் இதில் உள்ள மூலக்கூறுகள் தலைமுடி, சருமம் மட்டுமல்லாமல் இதயத்திற்கும் மிக மிக நல்லது. செம்பருத்திப் பூவிற்கு ரத்தத்தைச் சுத்திகரிக்கும் தன்மை உண்டு. ரத்தத்தில் கழிவுகள் வெளியேற்றப்படாமல் இருப்பதால் உண்டாகும் நரம்பு சுருட்டல் பிரச்சனைக்கும் இது தீர்வாகும். வெரிகோஸ் வெயின் பிரச்சனை உள்ளவர்கள் இந்த செம்பருத்தி டீயை தொடர்ந்து எடுத்துக் கொண்டு வரலாம்.
பூண்டு
வெரிகோஸ் வெயின் பிரச்சனை உள்ளவர்கள் தங்களுடைய உணவில் பூண்டை அதிக அளவில் சேர்த்துக் கொள்ள வேண்டும். பூண்டில் இருக்கும் அல்லிசின் என்னும் ஆற்றல் வாய்ந்த ஆன்ட்டி ஆக்சிடென்ட் ரத்தத்தைச் சுத்திகரிக்கவும், ரத்தத்தில் சேர்ந்திருக்கும் கழிவுகள், அதிகப்படியான கொலஸ்ட்ரால் ஆகிவற்றை கரைத்து வெளியேற்றவும் உதவும். தீவிரமாக உள்ளவர்கள் பூண்டை உணவில் சேர்த்துக் கொள்வதோடு மட்டுமல்லாமல், தினசரி இரவில் பாலில் பூண்டை வேகவைத்து எடுத்துக் கொள்ளலாம். 100 கிராம் அளவு உரித்த பூண்டை ஒரு ஸ்பூன் நெய் விட்டு வதக்கி எடுத்து வைத்துக் கொண்டு காலை மாலை 4 பற்கள் வீதம் சாப்பிட்டு வர வெரிகோஸ் வெயின் பிரச்சனையின் தீவிரம் குறையும்.
பனீர் திராட்சை
சமீபத்தில் நிறைய விதை இல்லாத மரபணு மாற்றம் செய்யப்பட்ட ஹைபிரிட் திராட்சை வகைகளையே விரும்பி சாப்பிடுகிறோம். ஆனால் நம் ஊரில் விளைகிற பனீர் திராட்சைக்கு பல அற்புதமான மருத்துவ குணங்கள் உண்டு. வெரிகோஸ் வெயின் பிரச்சனை உள்ளவர்கள் பனீர் திராட்சையை நன்கு சுத்தம் செய்துவிட்டு அதன் விதையோடு சேர்த்து மென்று சாப்பிட வேண்டும். அதன் விதை, அதிலிருந்து எடுக்கப்படும் எண்ணெய் உலக நாடுகளில் ஏராளமான நோய்களுக்கு மருந்தாகப் பயன்படுத்தப்படுகிறது. அதில் உள்ள சில மூலக்கூறுகளும் ஆக்சிஜனேற்ற பண்புகளும் ரத்தத்தில் உள்ள கழிவுகளை வெளியேற்றும் தன்மை கொண்டது. அதனால் வெரிகோஸ் வெயின் பிரச்சனை உள்ளவர்கள் பனீர் திராட்சையை விதையோடு சேர்த்து சாப்பிட்டு வரலாம். அதன் விதைகளை தனியாக சேகரித்து அல்லது நாட்டு மருந்து கடைகளில் வாங்கி அவற்றை நன்கு உலர்த்தி பொடி செய்து வைத்துக் கொண்டு தினமும் ஒரு ஸ்பூன் வீதம் பசும்பாலில் கலந்து குடித்தும் வரலாம்.
வெரிகோஸ் வெயினுக்கு மேல் பூச்சு மருந்து
மேற்கண்ட உணவு முறைகள் மற்றும் நடைப்பயிற்சியோடு சேர்த்து வீட்டிலேயே செய்து பயன்படுத்தும் ஒரு மேற்பூச்சை வெரிகோஸ் வெயின் பாதிப்பு உள்ள பகுதிகளில் தினமும் தடவி மசாஜ் செய்து வர சுருண்டு இருக்கும் நரம்புகள் சரியாகும். அவற்றில் தேங்கி இருக்கும் ரத்தக் கசிவுகள் மற்றும் ரத்த கழிவுகள் கரைந்து மேல்நோக்கி இதயத்திற்கு சென்று சுத்திகரிக்கப்பட்ட நிலையில் திரும்பக் கிடைக்கும்.
மருந்து செய்ய தேவையான பொருட்கள்:
- எலுமிச்சை சாறு - 50 மில்லி
- நல்லெண்ணெய் - 50 மில்லி
- மஞ்சள் பொடி - மூன்று ஸ்பூன்
செய்முறை:
- ஒரு கடாயை அடுப்பில் வைத்து நல்லெண்ணையை ஊற்றி மிதமான தீயில் நன்கு காய்ச்சவும்.
- பிறகு அதில் மஞ்சள் தூள் சேர்த்து அடுப்பை சிம்மில் வைத்து கிளறிக் கொண்டே வர வேண்டும்.
- கொஞ்சம் கொஞ்சமாக திக்காக ஆரம்பிக்கும். இந்த நிலையில் அதோடு எலுமிச்சை சாறு சேர்த்து குறைந்த தீயிலேயே வைத்து நன்கு கிளறி களிம்பு பதத்திற்கு வரும்வரை காய்ச்ச வேண்டும்.
- பிறகு ஆறவிட்டு அதை ஒரு பாட்டிலில் ஸ்டோர் செய்து வைத்துக் கொள்ளலாம்.
பயன்படுத்தும் முறை:
இந்த களிம்பை நரம்பு சுருட்டல் பிரச்சனை உள்ள இடங்களில் தடவி கீழிருந்து மேல் நோக்கி கைவிரல்களால் நன்கு மசாஜ் செய்து கொள்ள வேண்டும். ஒரு நாளைக்கு தொடர்ந்து இரண்டு அல்லது மூன்று முறை இதுபோல் செய்து கொண்டே வரும் பொழுது மிக நல்ல பலன்கள் தெரியும் என்கிறார் டாக்டர் ராஜலட்சுமி.
இறுதியாக, நரம்பு சுருட்டல் பிரச்சனை ஒரு நோய் அல்ல. அது நம்முடைய வாழ்க்கை முறை மாற்றங்களினால் ஏற்படுகிற ஒரு உடல் சார்ந்த நரம்பு சார்ந்த பிரச்சினை. இது மிகச்சிறிய அளவில் இருக்கும் பொழுது நம்முடைய வாழ்க்கை முறை மாற்றங்களையும் உணவு முறைகளையும் சரிசெய்து கொண்டால் அது தீவிரமாகாமல் தடுத்து விட முடியும்.
இந்த இயற்கை வைத்தியங்களை பின்பற்றி, ஆரோக்கியமான வாழ்வை வாழலாம். மன நிம்மதிக்கும், உடல் ஆரோக்கியத்திற்கும், ஜோதிட ரீதியான நல்ல அம்சங்கள் அமையவும் முருகன் அருளை நாடலாம். தமிழ் மண்ணின் பாரம்பரிய மருத்துவ முறைகள் மற்றும் ஜோதிட தகவல்களுக்கு Jothidam360.in உடன் இணைந்திருங்கள்.
பொறுப்பு துறப்பு:
இந்த கட்டுரையில் சொல்லப்பட்டவை தகவல் நோக்கங்களுக்காகவே. இவை ஒரு பாரம்பரிய மருத்துவரின் குறிப்பபை அடிப்படையாகக் கொண்டு உருவாக்கப்பட்டது. இதன் உண்மை தன்மை, துல்லியம் மற்றும் செயல் திறன் ஆகியவற்றுக்கு சமயம் தமிழ் பொறுப்பாகாது. தனிப்பட்ட மருத்துவ ஆலோசனைக்கு ஒரு நிபுணரை அணுகவும்.