சரும அரிப்பு மற்றும் எரிச்சல் என்பது அன்றாட வாழ்வில் பலரை பாதிக்கும் ஒரு பொதுவான பிரச்சனையாகும். அத்தியாவசிய எண்ணெய்கள், தாவரங்களில் இருந்து எடுக்கப்படும் இயற்கை சாறுகள், இந்த தொந்தரவான அறிகுறிகளுக்கு பயனுள்ள மற்றும் பாதுகாப்பான தீர்வுகளை வழங்க முடியும். ஜோதிடம்360 வலைத்தளத்தில், சரும நலனை மேம்படுத்தும் 6 சிறந்த அத்தியாவசிய எண்ணெய்கள் மற்றும் அவற்றின் சரியான பயன்பாடு குறித்து விரிவாக காண்போம்.
சரும அரிப்பு மற்றும் எரிச்சல் ஏன் உண்டாகிறது?
சருமத்தில் ஏற்படும் தடிப்புகள், உடலின் பாதுகாப்பு அடுக்கில் ஏற்படும் பாதிப்பைக் குறிக்கிறது. சருமம், கிருமிகள் உடலுக்குள் வராமல் தடுக்கும் ஒரு பாதுகாப்பு படலம். சருமத்தின் நோய் எதிர்ப்பு சக்தி, பாதிப்பை உணர்ந்தால், வீக்கத்தை உண்டாக்கி தடிப்புகளை ஏற்படுத்தும். இந்த தடிப்புகள் சிவப்பு நிறத்தில் புடைப்புகள், கொப்புளங்கள், அரிப்பு அல்லது செதில் செதிலாக இருக்கலாம். சில சமயங்களில் திரவமும் கசியலாம். ஒவ்வாமை ஏற்படுத்தும் பொருட்கள் சருமத்தில் பட்டாலோ அல்லது உடலுக்குள் தொற்று இருந்தாலோ இது பொதுவாக ஏற்படும். இதனால் சருமத்தில் அரிப்பு, எரிச்சல் போன்ற பாதிப்புகள் உண்டாகலாம். இதை கட்டுப்படுத்த உதவும் அத்தியாவசிய எண்ணெய் என்னென்ன அதை எப்படி பயன்படுத்தலாம் என்பதை இங்கு பார்க்கலாம்.
சரும அரிப்பு மற்றும் எரிச்சலுக்கு உதவும் சிறந்த அத்தியாவசிய எண்ணெய்கள்
1. புதினா எண்ணெய் (Peppermint Oil)
புதினா எண்ணெய் உடலுக்கு குளிர்ச்சி தருகிறது. இது சரும அலர்ஜியை குறைக்கும் தன்மையும், வீக்கத்தை குறைக்கும் தன்மையும் கொண்டது. பல காரணங்களால் ஏற்படும் தோல் அரிப்பு மற்றும் தோல் தடிப்புகளை இது குறைக்கிறது. தோல் அலர்ஜி மற்றும் பருவகால ஒவ்வாமைகளுக்கு இது மிகவும் சிறந்த எண்ணெய். மேலும் இது சருமத்தை ஆற்றவும் செய்கிறது. இதனால் அரிப்பு எரிச்சல் படிப்படியாக குறையலாம்.
2. கெமோமில் எண்ணெய் (Chamomile Oil)
இது சருமத்தை அமைதிப்படுத்தும். தோல் அரிப்புக்கு இது சிறந்த எண்ணெய். கிருமிகளை அழிக்கும் தன்மை உள்ளது. இந்த எண்ணெய் அழற்சி எதிர்ப்பு மற்றும் ஆன்டி மைக்ரோபியல் பண்புகள் உள்ளன. இது வீக்கத்தை குறைக்கும் மற்றும் கிருமிகளை அழிக்கும் தன்மை உள்ளது. ஆனால் இதை நேரடியாக பயன்படுத்தக் கூடாது. தேங்காய் எண்ணெய் போன்ற கெரியர் எண்ணெய் உடன் கலந்து பயன்படுத்த வேண்டும். இதை சருமம் போன்று தலைமுடியில் தடவலாம். இரண்டின் ஆரோக்கியத்தையும் இது பாதுகாக்கும்.
3. லாவெண்டர் எண்ணெய் (Lavender Oil)
லாவெண்டர் எண்ணெய் ஒரு சிறந்த தோல் பராமரிப்பு எண்ணெய். இது தோல் அரிப்பு, பூஞ்சை தொற்று போன்ற பிரச்சனைகளுக்கு நல்லது. மன அழுத்தத்தை குறைத்து, சருமத்தை அமைதிப்படுத்த லாவெண்டர் எண்ணெய் உதவுகிறது. கொசு கடித்தால் ஏற்படும் அரிப்பு, எரிச்சலை குறைக்க இது உதவும். இதை தேங்காய் எண்ணெய் போன்ற கேரியர் எண்ணெயுடன் கலந்து பயன்படுத்தவும். வெதுவெதுப்பான நீரில் 6-7 துளிகள் லாவெண்டர் எண்ணெய் சேர்த்து குளிக்கலாம். இதனால் தோல் எரிச்சல், படை நோய் குறையும். பயன்படுத்த எளிதாக இருக்கும். பக்க விளைவுகளும் குறைவு.
4. டீ ட்ரீ ஆயில் (Tea Tree Oil)
டீ ட்ரீ ஆயில் என்னும் தேயிலை மர எண்ணெய் சரும பராமரிப்பு பொருட்களில் பயன்படுத்தப்படுகிறது. இதில் உள்ள டெர்பீன்ஸ் என்னும் பொருள் சருமத்தில் ஏற்படும் வீக்கத்தை குறைக்கிறது. இவை கிருமி நாசினி, பூஞ்சை எதிர்ப்பு, பாக்டீரியா எதிர்ப்பு மற்றும் வைரஸ் எதிர்ப்பு பண்புகள் கொண்டவை. சரும அரிப்பு, சரும அலர்ஜி, போன்ற பிரச்சனைகளுக்கு இவை நல்ல நிவாரணம் தருகிறது என்றாலும், சிலருக்கு இது அலர்ஜியை ஏற்படுத்தலாம். அதனால் தனித்து பயன்படுத்த கூடாது. இதை கெரியர் எண்ணெயுடன் கலந்து பயன்படுத்த வேண்டும். தொடர்ந்து தேயிலை மர எண்ணெயை பயன்படுத்தினால், தழும்புகள் மற்றும் கருமை ஏற்படுவதை தடுக்கலாம்.
5. யூகலிப்டஸ் எண்ணெய் (Eucalyptus Oil)
சருமத்தில் ஏற்படும் அலர்ஜிகளுக்கு யூகலிப்டஸ் சிறந்த நிவாரணி. இது சருமத்தில் அலர்ஜியைக் குறைத்து, வலியை போக்கும். சரும எரிச்சலைச் சரிசெய்து, சரும அலர்ஜியை குணமாக்கும். சருமத்தில் தடிப்பு இருந்தாலும் இதை பயன்படுத்தலாம். இவை அழற்சி எதிர்ப்பு பண்புகளையும் வலி நிவாரணி பண்புகளையும் கொண்டுள்ளன. இது சரும எரிச்சலை குணப்படுத்த உதவுகிறது.
6. ஃபிரங்கின்சென்ஸ் எண்ணெய் (Frankincense Oil)
ஃப்ரங்கின்சென்ஸ் எண்ணெய் சருமத்தை புதுப்பிக்கவும், சரும நிறத்தை சமன் செய்யவும் உதவும். வெப்பத்தினால் ஏற்படும் தோல் பிரச்சனைகளுக்கு இது சிறந்த எண்ணெய். இது அழற்சி எதிர்ப்பு பண்புகளை கொண்டது. ஆன்டி ஆக்ஸிடண்ட் தன்மை கொண்டது. இந்த ஃப்ரங்கின்சென்ஸ் எண்ணெய் சருமத்தில் தழும்புகளை தவிர்க்கவும், வீக்கத்தை குறைக்கவும், சருமத்தை குணப்படுத்தவும் இது பயன்படுகிறது. மேலும், இது சரும ஒவ்வாமை அறிகுறிகளையும் குறைக்கலாம்.
சரும பிரச்சனைகளுக்கு அத்தியாவசிய எண்ணெய் பயன்படுத்தும் போது கவனிக்க வேண்டியவை
சரும பிரச்சனைகளுக்கு அத்தியாவசிய எண்ணெய் சிறந்த தீர்வாக இருந்தாலும், அதை பயன்படுத்துவதற்கு முன்பு சில விஷயங்களை கவனத்தில் கொள்ள வேண்டும்.
- 1. நீர்த்துப்போகச் செய்தல்: அத்தியாவசிய எண்ணெயை தனித்து பயன்படுத்தாமல் கெரியர் எண்ணெயுடன் (தேங்காய் எண்ணெய் அல்லது ஆலிவ் எண்ணெய்) கலந்து பயன்படுத்தலாம்.
- 2. பேட்ச் டெஸ்ட்: சிறிய அளவில் சருமத்தில் தடவி, ஒவ்வாமை ஏதும் இல்லை என்பதை உறுதிப்படுத்திக் கொள்ள வேண்டும்.
அத்தியாவசிய எண்ணெய்கள் இயற்கையானவை. சரும அழற்சிக்கும், அரிப்புக்கும் இவை உதவும் என்றாலும் அவற்றை கவனமாக பயன்படுத்த வேண்டும். ஏனெனில் மூலிகை எண்ணெய்கள் இயற்கையானவை என்றாலும், அவை எப்போதும் பாதுகாப்பானவை அல்ல. சில எண்ணெய்கள் சரும பிரச்சனைகளை மோசமாக்கலாம். எனவே, எண்ணெய்களை பயன்படுத்துவதற்கு முன்பு மருத்துவரிடம் ஆலோசனை பெற வேண்டும்.