குடல் ஆரோக்கியத்திற்கு உதவும் 6 அறிவியல் பூர்வமான மூலிகைகள்: டாக்டர் சௌரப் சேதி பரிந்துரைகள்

குடல் ஆரோக்கியத்தின் முக்கியத்துவம்

குடல் என்பது நமது இரைப்பை குடல் அமைப்பு (gastrointestinal system) ஆகும். இவற்றில் வயிறு, சிறுகுடல் மற்றும் பெருங்குடல் போன்ற உறுப்புகள் அடங்கும். உண்ணும் உணவில் இருந்து சத்துக்களை உறிஞ்சி, எஞ்சியிருக்கும் கழிவுகளை வெளியேற்றுவது குடலின் முக்கிய வேலை.

நமது பெருங்குடலில் சுமார் 200 வகையான பாக்டீரியா, வைரஸ் மற்றும் பூஞ்சைகள் வாழ்கின்றன. இந்த பாக்டீரியாக்கள் மற்றும் நுண்ணுயிரிகள் தான் குடல் microbiome என்று அழைக்கப்படுகின்றன. இவை உணவைச் செரிக்க உதவுகின்றன. உணவைச் செரித்து, உடலுக்குத் தேவையான சத்துக்களாக மாற்றுகின்றன. சில நுண்ணுயிரிகள் உடலுக்குத் தீங்கு விளைவிக்கும் என்றாலும், பல நுண்ணுயிரிகள் உடலுக்கு நன்மை செய்கின்றன.

குடல் ஆரோக்கியத்தை மேம்படுத்த ஆரோக்கியமான உணவுகளை உண்ணுவதும் மன அழுத்தம் நிர்வகிப்பதும் அவசியம். அப்படி ஆரோக்கியம் தரும் மூலிகைகளாக அறிவியல் பூர்வமாக நிரூபிக்கப்பட்ட 6 உணவுகள் இங்கு தெரிந்துகொள்வோம்.

ஆரோக்கியத்தை மேம்படுத்தும் இஞ்சி

டாக்டர் சௌரப் சேதி முதலாவதாக சொல்வது இஞ்சி. எல்லோருடைய வீட்டிலும் இஞ்சி எப்போதும் இருக்கும். இதை உணவில் சேர்த்து வர அவர் அறிவுறுத்துகிறார். இஞ்சிச் செடியின் வேர்களில் ஜிஞ்சரோல்ஸ் என்ற வேதிப்பொருள் உள்ளது. இது குமட்டல், மூட்டு வலி, உடல் வலி போன்றவற்றை குணப்படுத்தும்.

2022-ல் Promdam என்பவரால் எழுதப்பட்ட ஒரு ஆய்வுக்கட்டுரை ஒன்றில், இஞ்சியில் உள்ள முக்கிய மூலப்பொருளான ஜிஞ்சரால், இஞ்சியின் ஒரு முக்கிய உயிரியக்க கூறு என்று தெரிவிக்கப்பட்டுள்ளது. இது அழற்சி எதிர்ப்பு, வைரஸ் தடுப்பு, கட்டி எதிர்ப்பு, ஆக்ஸிஜனேற்ற எதிர்ப்பு மற்றும் வாந்தி போன்றவற்றில் குறிப்பிடத்தக்க விளைவுகளைக் கொண்டிருப்பதாக உறுதிப்படுத்தப்பட்டுள்ளது. இஞ்சி குடல் ஆரோக்கியம் மற்றும் செரிமானத்திற்கு மிகவும் நல்லது.

ஆரோக்கியத்தை மேம்படுத்தும் பூண்டு

அடுத்து இவர் குடல் ஆரோக்கியத்துக்கு பூண்டு பரிந்துரைக்கிறார். பூண்டு உடலுக்கு நல்லது. அது நோய் எதிர்ப்பு சக்தியை அதிகரிக்கும். பூண்டில் உள்ள சில பொருட்கள் கிருமிகளை எதிர்த்து போராட உதவுகின்றன. இது செரிமானம் மற்றும் ஒட்டுமொத்த ஆரோக்கியத்தையும் மேம்படுத்தும். குறிப்பாக, சளி மற்றும் காய்ச்சல் போன்ற வைரஸ்களை எதிர்த்து போராட பூண்டு உதவுகிறது.

பூண்டில் அல்லிசின் என்ற பொருள் உள்ளது. பூண்டை நசுக்கும்போது அல்லது மெல்லும்போது, அல்லிசின் உருவாகிறது. அல்லிசினில் சல்பர் உள்ளது. இதுதான் பூண்டுக்கு தனித்துவமான வாசனை மற்றும் சுவையை தருகிறது. இந்த சல்பர் சேர்மங்கள் வெள்ளை இரத்த அணுக்களுக்கு உதவி செய்து, அவை வைரஸ்களை எதிர்த்து போராட செய்கிறது.

ஆரோக்கியத்தை மேம்படுத்தும் இலவங்கப்பட்டை

இலவங்கப்பட்டை மசாலாவாக சேர்க்கப்படும் நிலையில் இவற்றையும் குடல் மற்றும் ஒட்டுமொத்த ஆரோக்கியத்துக்கு நன்மை செய்யும் என்று டாக்டர் தெரிவித்துள்ளார். இது இரத்த சர்க்கரை அளவை நிர்வகிக்க உதவும் சின்னமால்டிஹைடு கொண்டுள்ளதாக இவர் தெரிவிக்கிறார். இலவங்கப்பட்டை உணவுக்கு பிறகு இரத்தத்தில் சர்க்கரை அதிகரிப்பதை குறைக்கிறது. இது செரிமான நொதிகளுடன் குறுக்கிட்டு கார்போஹைட்ரேட்டுகளை மெதுவாக உடைக்கிறது.

மேலும் இதில் உள்ள ஒரு பொருள் இன்சுலினைப் போல செயல்பட்டு சர்க்கரையை செல்களுக்குள் எடுத்துச் செல்ல உதவுகிறது. பல ஆய்வுகள் இலவங்கப்பட்டையின் நன்மைகளை உறுதிப்படுத்தியுள்ளன.

ஆரோக்கியத்தை மேம்படுத்தும் மஞ்சள்

உணவில் மஞ்சள் சேர்ப்பது வழக்கமானது. உடலின் ஒட்டுமொத்த செரிமானத்தையும் மேம்படுத்த மஞ்சள் ஒரு சிறந்த மருத்துவ குணம் கொண்ட பொருள். இது Anti-inflammatory properties தன்மை கொண்டது என்கிறார் டாக்டர். ஆய்வுகளின்படி, மஞ்சள் சாப்பிடுவதால் உடலில் ட்ரைகிளிசரைடு அளவு குறைகிறது. மூளையில் plaque அதிகரிப்பதை தடுக்கிறது.

குர்குமின் சாப்பிட்ட ஒரு மணி நேரத்திற்குள் கவனத்தை மேம்படுத்துகிறது. நான்கு வாரங்களில் மனநிலையை மேம்படுத்துகிறது. குடல் ஆரோக்கியத்துக்கும் மன அழுத்தத்துக்கும் தொடர்பு உண்டு என்னும் நிலையில் மஞ்சள் இரண்டின் ஆரோக்கியத்தையும் மேம்படுத்துகிறது.

முருங்கை இலைகள்

முருங்கையில் இருக்கும் குளோரோஜெனிக் அமிலம் மற்றும் Anti-inflammatory properties, சிறந்த ஆன்டி ஆக்ஸிட ன்ட் பண்புளக்கொண்டவை. இவை குடல் ஆரோக்கியத்துக்கு நன்மை செய்யகூடியவை என்பதால் முருங்கையை அடிக்கடி சேர்க்க வலியுறுத்துகிறார்.

முருங்கை இலைகளில் இருந்து எடுக்கப்படும் சாறு வயிற்றுப் புண், மலச்சிக்கல், குடல் புற்றுநோய் போன்ற சில பிரச்சனைகளைத் தீர்க்க உதவும் என்று ஆய்வுகள் சொல்கின்றன. இந்த ஆய்வுகள் விலங்குகளிடம் மட்டுமே நடத்தப்பட்டன. அதனால், மனிதர்களுக்கு இது எந்த அளவுக்குப் பலன் தரும் என்று இன்னும் உறுதியாகத் தெரியவில்லை. எனினும் முருங்கை சத்துமிகுந்த கீரைகளில் ஒன்று. இது குறித்து மேலும் பல ஆய்வுகள் தேவை என்பது குறிப்பிடத்தக்கது.

ஆரோக்கியத்தை மேம்படுத்தும் குங்குமப்பூ

குங்குமப்பூ விலை உயர்ந்தவை என்றாலும் இவற்றை அடிக்கடி உணவில் சேர்க்க டாக்டர் பரிந்துரைக்கிறார். இது மன அழுத்தத்தை உற்சாகப்படுத்தும் தன்மை கொண்டது. மன அழுத்தத்தால் குடல் ஆரோக்கியம் பாதிக்காமல் இருக்க குங்குமப்பூவை சேர்க்க வலியுறுத்துகிறார்.

2019-ஆம் ஆண்டு வெளியான ஒரு ஆய்வு, குங்குமப்பூ placebo-வை விட மன அழுத்தத்தை குறைப்பதில் அதிக பலன் அளிக்கிறது என்று கண்டறிந்துள்ளது. இது மன அழுத்தத்துக்கான மருந்துகளைப் போலவே செயல்படுவதாக வலியுறுத்தப்பட்டுள்ளது. இதனால் மன அழுத்தம் நிர்வகிக்கப்பட்டு குடல் ஆரோக்கியம் மேம்படுத்தப்படுகிறது.

முக்கிய சிறப்பம்சங்கள்

• இஞ்சி: குமட்டல், மூட்டு வலி, உடல் வலி நிவாரணி, அழற்சி எதிர்ப்பு பண்புகள் கொண்டது.
• பூண்டு: நோய் எதிர்ப்பு சக்தியை அதிகரிக்கும், கிருமிகளை எதிர்த்து போராடும், செரிமானத்தை மேம்படுத்தும்.
• இலவங்கப்பட்டை: இரத்த சர்க்கரை அளவை நிர்வகிக்கும், செரிமானத்திற்கு உதவும்.
• மஞ்சள்: Anti-inflammatory properties கொண்டது, செரிமானம் மற்றும் மனநிலையை மேம்படுத்தும்.
• முருங்கை: Anti-inflammatory properties, ஆன்டி ஆக்ஸிட ன்ட் பண்புகள், குடல் பிரச்சனைகளுக்கு உதவும்.
• குங்குமப்பூ: மன அழுத்தத்தை நிர்வகிக்கும், குடல் ஆரோக்கியத்தை மேம்படுத்தும்.

அடிக்கடி கேட்கப்படும் கேள்விகள்