ஆடிப் பெருக்கு விழா வழிபாடு

ஆடிப் பெருக்கு விழா - முக்கியத்துவம்

காவேரி தாயை வரவேற்கும் நாளாகவும், விவசாயம் செழிப்படைந்து அனைவரும் நலமுடன் வாழ வேண்டும் என வழிபட வேண்டிய நாளாகவும் ஆடி 18ம் பெருக்கு திருநாள் கொண்டாடப்படுகிறது. இந்த ஆண்டு ஆகஸ்ட் 03ம் தேதி ஞாயிற்றுக் கிழமை ஆடிப்பெருக்கு விழா கொண்டாடப்படுகிறது. இந்த நாளில் மக்கள் காவேரி கரை அல்லது ஆற்றங்கரைக்கு சென்று, பூஜை செய்து வழிபடுவார்கள். ஆறுகளில் புனித நீராடுவது சிறப்பு. ஆறுகள் பாயும் ஊர்களில் வசிப்பவர்கள் ஆற்றங்கரையிலும், குளம் இருக்கும் ஊரில் இருப்பவர்கள் குளக்கரையிலும் சென்று ஆடிப் பெருக்கு வழிபாட்டினை செய்வார்கள்.

வீட்டிலேயே ஆடிப் பெருக்கு வழிபாடு - நதிகள் இல்லாதவர்களுக்காக

ஆனால் ஆறு இல்லாத ஊர்களில் வசிப்பவர்கள் ஆடிப்பெருக்கு வழிபாட்டினை எவ்வாறு மேற்கொள்ள வேண்டும் என்பதை தெரிந்து கொள்ளலாம். வீட்டில் ஆடிப் பெருக்கு வழிபாடு மிகவும் எளிமையானது. ஆறுகள் இல்லாத ஊர்களில் இருப்பவர்கள் வீட்டிலேயே ஆடிப்பெருக்கு வழிபாட்டினை செய்யலாம். வீட்டில் உள்ள கிணறு, ஆழ்துளை கிணறு, தண்ணீர் பைப் ஆகியவற்றிற்கு சந்தனம், குங்குமம் தொட்டு வைத்து வழிபாடு செய்யலாம்.

பூஜை அறையில் சிறப்பு வழிபாடு

வீட்டின் பூஜை அறையில் ஒரு சொம்பில் தண்ணீர் நிரப்பி, அதில் சிறிதளவு மஞ்சள், குங்குமம், கல் உப்பு, பச்சை கற்பூரம், ஏலக்காய் ஆகியவற்றை போட்டு காவிரி, கங்கை நதிகளும், குல தெய்வமும் அந்த நீரில் வந்து எழுந்தருள வேண்டும் என வேண்டிக் கொள்ள வேண்டும். மஞ்சளில் பிள்ளையார் பிடித்து வைத்து, வெற்றிலை பாக்கு, பூ, பழங்கள், ஏதாவது இனிப்பு அல்லது பல வகையான கலவை சாதம் போன்றவை படைத்து வழிபாடு செய்ய வேண்டும்.

நைவேத்திய படைப்புகள்

பச்சரிசியை இடித்து, வெல்லம் கலந்து துள்ளு மாவு கலந்து நைவேத்தியமாக படைக்கலாம். அல்லது பச்சரிசியில் வெல்லம் கலந்து காப்பரிசியாகவும் கலந்து வைத்து படைத்து வழிபடலாம்.

மங்களப் பொருட்கள் வழிபாடு

அன்றைய தினம் வீட்டில் சுபிட்சம் பெருக வேண்டும் என்பதற்காக கல் உப்பு, மஞ்சள், குங்குமம், வளையல் போன்ற மங்கள பொருட்களை வாங்கி வைத்து வழிபட வேண்டும். இவற்றை வழிபட்ட பிறகு வீட்டு உபயோகத்திற்காக பயன்படுத்திக் கொள்ளலாம்.

வழிபாட்டின் பலன்கள்

பிறகு சொம்பில் வைத்து வழிபட்ட தண்ணீரை வீட்டில் உள்ளவர்கள் தலையில் தெளித்துக் கொண்டு, வீடு முழுவதும் தெளித்து விடலாம். நைவேத்தியத்தை வீட்டில் உள்ளவர்கள் சேர்ந்து சாப்பிடலாம். சாமிக்கு படைத்து வழிபட்ட மங்கள பொருட்களை வீட்டில் உள்ளவர்கள் பயன்படுத்தலாம் அல்லது சுமங்கலி பெண்களுக்கு தானமாக வழங்கலாம். இப்படி வழிபடுவதால் ஆற்றங்கரைக்கு சென்று ஆடிப்பெருக்கு வழிபாட்டை செய்த பலன் கிடைக்கும். வீட்டில் நன்மைகள் பெருகும், குறிப்பாக தமிழ் கலாச்சாரத்தில் இந்த வழிபாடு மிகுந்த முக்கியத்துவம் பெறுகிறது.

அடிக்கடி கேட்கப்படும் கேள்விகள் (FAQ)