முருகன் மூல மந்திரம்: நினைத்த காரியம் நிறைவேற சக்திவாய்ந்த வழி

முருகனை வழிபடும் சரியான முறை

முருகப் பெருமானிடம் எதையும் எதிர்பார்க்காமல், "உன்னுடைய அருள் ஒன்று மட்டுமே போதும்; எனக்கு எது நல்லதோ அதை கொடு போதும்" என்று மட்டும் வேண்டிக் கொள்வது தான் முருகனை பிரார்த்தனை செய்யும் சரியான முறையாகும். இப்படி வேண்டுவதால் நாம் கேட்டது மட்டுமல்ல, கேட்க மறந்து போன அனைத்து விஷயங்களையும் முருகப் பெருமான் நமக்கு அருளி, நம்முடைய வாழ்க்கையை வளமானதாக மாற்றுவார் என்பது ஆன்றோர்களின் கருத்து.

நீங்கள் நினைத்த காரியம் அல்லது முருகனிடம் நீங்கள் முன்வைத்த வேண்டுதல் நிறைவேற வேண்டும் என்றால் தினமும் ஒரே ஒரு மந்திரத்தை மட்டும் உச்சரித்தபடி இருங்கள். முருகனின் அருளால் அந்த வேண்டுதல் உடனடியாக நிறைவேறும். இது அருணகிரிநாதரால் அருளப்பட்ட ஒரு மந்திரமாகும்.

சக்திவாய்ந்த முருகன் மூல மந்திரம்

சத்குரு சாந்தானந்த சுவாமிகளால் பாடப்பட்ட கந்த குரு கவசத்தில் இந்த மந்திரம் இடம்பெற்றுள்ளது. இந்த மந்திரத்தை எத்தனை முறை ஜபிக்கிறோமோ அதற்கேற்ப நமக்கு அறிய பல சக்திகள் கிடைக்கும் என்று கந்த குரு கவசத்தில் கூறப்பட்டுள்ளது.

"ஓம் ஸெளம் சரவணபவ ஸ்ரீம்ஹ்ரீம் க்லீம் க்லெளம் ஸெளம் நமஹ"

உலகில் இணையற்ற ஒரு சக்தியை பெற இந்த மந்திரத்தை கோடி முறை ஜபிக்க வேண்டும். சித்தர்களும் ஞானிகளும் கடுந்தவம் இருந்து அறிந்த பல வேத சூட்சும ரகசியங்களை இந்த மந்திரம் ஜபிப்பதன் மூலம் நாம் எளிதில் அறியலாம்.

மந்திரம் ஜபிக்க உகந்த நாட்கள் மற்றும் முறை

• உகந்த நாட்கள்: முருகப் பெருமானுக்குரிய சஷ்டி, கிருத்திகை, செவ்வாய்கிழமை ஆகிய ஏதாவது ஒரு நாளில் இந்த மந்திரத்தை சொல்ல துவங்கலாம்.
• வழிமுறை: வீட்டில் உள்ள முருகப் பெருமானின் படத்திற்கு முன் ஒரு விளக்கு ஏற்றி வைத்து, உங்களின் வேண்டுதலை முருகப் பெருமானிடம் சொல்லி, ஒரு ரூபாய் நாணயத்தை ஒரு மஞ்சள் துணியில் முடிந்து வைத்து விட்டு, மனதார முருகனை நினைத்து இந்த மந்திரத்தை சொல்ல வேண்டும்.
• ஜப எண்ணிக்கை: இந்த மந்திரத்தை 27 முறை சொல்வது சிறப்பு. முடிந்தால் 108 முறை சொல்வது இன்னும் அதிக பலன் தரும். அதிகாலை நேரத்தில் சொல்வது அதை விட சிறப்பானதாகும்.
• சக்தி வாய்ந்த ஜபம்: இந்த மந்திரத்தை ஒரு மனதோடு ஒரு லட்சம் முறை ஜபித்தால் முருகனின் தரிசனமும், முக்தியும் கிடைக்கும்.

முருகன் மந்திரம் ஜபிப்பதால் கிடைக்கும் பலன்கள்

• நினைத்த காரியங்கள் நிறைவேறும்.
• முக்தி கிடைக்கும்.
• எம பயம் நீங்கும்.
• மனோதிடம் உண்டாகும்.
• பாவங்கள் பொசுக்கப்படும்.
• வெற்றிகள் குவியும்.
• எதிரிகள் அழிவார்கள்.
• ஆரோக்கியம், எதையும் வெல்லும் ஆற்றல், மன அமைதி கிடைக்கும்.
• கல்வி, ஞானம் உண்டாகும்.
• அதை விட முக்கியமாக முருகப் பெருமானின் அருள் முழுமையாகக் கிடைக்கும்.

முருகப் பெருமான் மீது முழு நம்பிக்கை வைத்து இந்த மந்திரத்தை சொல்ல துவங்குங்கள். இது உங்களின் வாழ்க்கையையே மாற்றும். ஜோதிடம் கூறும் பலன்களை விட இந்த மந்திரத்தின் சக்தி மிகப்பெரியது. ஆறுபடை வீடுகள் சென்று தரிசிப்பதற்கு இணையான பலன்களை இந்த மந்திரம் வழங்கும்.