வீட்டில் தங்கம் மற்றும் பணம் சேர எளிய பரிகாரங்கள்

தங்க நகைகள், பணம் பெருக எளிய பரிகாரம்

தங்கத்தின் மீது ஆசை இல்லாதவர்கள் யாரும் இல்லை. வீட்டில் தங்க நகை, பணம் சேர வேண்டும் என்ற ஆசை அனைவருக்கும் இருக்கும். ஆனால், பெரும்பாலானோர் வீட்டில் எவ்வளவு முயற்சி செய்தாலும் தங்கம் அல்லது பணம் தங்குவதில்லை என்று குறைபட்டுக்கொள்வர். இந்த எளிய பரிகாரத்தை செய்தால் நிச்சயம் பலன் கிடைக்கும்.

வீட்டில் தங்க நகை வைக்கும் பீரோவிலோ அல்லது பெட்டியிலோ ஒரு மஞ்சள் துணியில் மூன்று பச்சை கற்பூரம், ஐந்து ஏலக்காய், ஐந்து துளசி இலைகள் இவைகளை திறந்த நிலையில் வைத்து விடுங்கள். இவற்றின் நறுமணம் எந்த இடத்தில் இருக்கிறதோ, அந்த இடத்தில் நிச்சயமாக தங்கம் சேர்ந்து கொண்டே இருக்கும். இந்த பரிகாரம் விரைவாக பலன் தருவதற்கு, அவற்றுடன் தங்கத்தையோ அல்லது ஒரு நாணயத்தையோ வையுங்கள். நிச்சயம் எதிர்பாராத லாபம் கிடைக்கும். மூன்றாம் பிறை அன்று இந்த பரிகாரத்தை செய்தால் நல்ல பலன் கிடைக்கும்.

தங்கத்தை ஈர்க்கும் சக்தி வாய்ந்த மந்திரம்

வீட்டில் தங்கம் அதிகம் சேர வேண்டும் என்பவர்கள், தினமும் காலையில் மூன்று முறை "ஓம் சொர்ண காஞ்சன மாதங்கி வசம் வசம் வசம் வா ஸ்ரீம் மம தநூகரன புவாய நமோ நம" என்ற மந்திரத்தை சொல்லுங்கள். இது தங்கத்தை அதிகம் ஈர்க்கும் சக்தி கொண்ட மந்திரமாகும். அடமானமாக வைத்த தங்க நகைகளை விரைவில் மீட்கவும் இந்த மந்திர பாராயணம் நிச்சயம் உதவும்.

குரு பகவானின் அருளால் தங்கம் சேர்க்கும் பரிகாரம்

நகை, பணம் எல்லாமே நம்மிடம் அதிகமாக சேர வேண்டும் என்றால் அதற்கான முயற்சியும், உழைப்பும் கட்டாயம் தேவை. இவை எல்லாம் செய்வதோடு மட்டுமல்லாமல், தங்கம் அதிக அளவில் சேருவதற்கும், அதை தக்க வைத்துக் கொள்வதற்கும் யோகம் வேண்டும். இந்த யோகம் ஒரு சிலருக்கு மட்டுமே தானாக அமையும். எல்லோருக்கும் அப்படி அமையாது. அது அமைவதற்கான யோகத்தைப் பெறுவதற்கான ஒரு எளிய பரிகாரத்தை செய்யலாம்.

இந்த பரிகாரத்தை வியாழக்கிழமை அன்று தான் செய்ய வேண்டும். வியாழக்கிழமை குரு பகவானுக்கு உரிய நாள். ஒருவருடைய வாழ்க்கையில் குரு பகவானின் பார்வை பரிபூரணமாக கிடைத்துவிட்டால் அவர்கள் செல்வ செழிப்பான வாழ்க்கை வாழ்வதை யாராலும் தடுக்க முடியாது.

இந்த பரிகாரத்திற்கு 9 குண்டு மஞ்சள் வேண்டும். இந்த மஞ்சளை வியாழக்கிழமை அன்றே வாங்கிக் கொள்ளுங்கள். அத்துடன் இந்த மஞ்சளை வைத்து கட்டுமளவிற்கு ஒரு மஞ்சள் நிற காட்டன் துணியையும் வாங்கிக் கொள்ளுங்கள். இரண்டையும் கொண்டு வந்து பூஜை அறையில் வைத்து குரு பகவானை மனதார நினைத்து வேண்டிக் கொண்டு மகாலட்சுமி தாயாரையும் மனதில் நினைத்துக் கொண்டு இந்த துணியில் மஞ்சளை வைத்து மஞ்சள் நிற நூலால் முடிச்சாக கட்டிக் கொள்ளுங்கள்.

பிறகு இந்த மூட்டையை நீங்கள் குடியிருக்கும் வீட்டின் வடகிழக்கு மூலையில் கட்டி தொங்கவிட வேண்டும். வடகிழக்கு மூலையானது குரு பகவானுக்குரிய இடமாக பார்க்கப்படுகிறது. அந்த இடத்தில் குரு பகவானுக்குரிய கிழமையில் இந்த மஞ்சள் கிழங்கும், அவருக்கு மிகவும் பிடித்தமான மஞ்சள் நிற துணி, வடகிழக்கு மூலை இப்படி அனைத்தும் அவரை ஈர்க்கும் வண்ணமாகவே இருப்பதால், அந்த இடத்தில் குரு பகவானின் அனுக்கிரகம் உங்களுக்கு பரிபூரணமாக கிடைத்து தங்கம் வாங்கக்கூடிய யோகம் உருவாகும். இந்த மூட்டையை கட்டி விட்ட பிறகு நீங்கள் வீட்டில் பூஜை செய்யும் பொழுது கற்பூர தீபாராதனை அல்லது சாம்பிராணி தூபமும் மட்டும் காட்டி வந்தால் கூட போதும். இந்த முடிச்சை மாற்ற வேண்டிய அவசியம் கிடையாது.

முக்கிய குறிப்புகள்

• பீரோவில் மஞ்சள் துணியில் பச்சை கற்பூரம், ஏலக்காய், துளசி வைத்து செல்வம் ஈர்க்கலாம்.
• தினசரி "ஓம் சொர்ண காஞ்சன மாதங்கி" மந்திரத்தை உச்சரித்து தங்கத்தை ஈர்க்கலாம்.
• வியாழக்கிழமை அன்று 9 குண்டு மஞ்சளை மஞ்சள் துணியில் கட்டி வடகிழக்கு மூலையில் தொங்கவிட்டு குரு பகவான் அருளைப் பெறலாம்.
• இந்த பரிகாரங்கள் தமிழ் கலாச்சாரத்தில் ஆழமாக வேரூன்றிய ஜோதிட நம்பிக்கைகளின் ஒரு பகுதியாகும்.

அடிக்கடி கேட்கப்படும் கேள்விகள்