நம் முன்னோர்கள் பின்பற்றிய அற்புதமான இயற்கை பராமரிப்பு முறைகளில் ஒன்றான பிராமி (வல்லாரை) தலைமுடிக்கு அளிக்கும் நன்மைகளை அறிந்து கொள்ளுங்கள். இது கூந்தல் வளர்ச்சி, அடர்த்தி மற்றும் ஆரோக்கியத்திற்கு முருகன் அருள்பாலிக்கும் வகையில் ஒரு சிறந்த தீர்வாகும். ஜோதிடம் போலவே, சரியான தேர்வு நம் வாழ்வை மேம்படுத்தும். இந்த இயற்கை முறைகள் தமிழ் கலாச்சாரத்தின் ஒரு பகுதியாகும்.
வல்லாரையின் அபரிமிதமான நன்மைகள்
பல ஆயிரம் ஆண்டுகளாக நாம் பயன்படுத்தி வரும் மூலிகைகளில் ஒன்று தான் இந்த பிராமி என்னும் வல்லாரை. வல்லாரையில் நிறைய ஆற்றல்வாய்ந்த ஆன்டி ஆக்சிடண்ட்டுகளும் வைட்டமின்கள், மினரல்கள் உள்ளிட்டவை நிறைந்து இருக்கின்றன. முடியின் வேர்க்கால்களை பலப்படுத்தி வேர்க்கால்களைத் தூண்டுவதால் முடியின் வளர்ச்சி அதிகரிக்கும். அதற்கு சரியான முறையில் அப்ளை செய்ய வேண்டியது முக்கியம்.
வல்லாரையை தலைமுடிக்கு பயன்படுத்தும் வழிகள்
வல்லாரை ஆயில் மசாஜ்
மார்க்கெட்டுகளில் வல்லாரை எசன்ஷியல் ஆயிலாகக் கிடைக்கிறது. அதை வாங்கி கெரியர் ஆயிலில் (தேங்காய் எண்ணெய், நல்லெண்ணெய்) கலந்து பயன்படுத்தலாம். நன்கு உச்சந்தலையில் தேய்த்து மசாஜ் செய்யலாம். அல்லது ஒரு கப் தேங்காய் எண்ணெயில் வல்லாரை கீரையை அரைத்துச் சேர்த்து காய்ச்சி எடுத்து வடிகட்டிப் பயன்படுத்தலாம். இந்த எண்ணெயைக் கொண்டு நன்கு உச்சந்தலை முதல் நுனி முடி வரை அப்ளை செய்து மசாஜ் செய்து வர முடியின் வளர்ச்சி வேகமாக இருக்கும்.
முடி திக்காக வளர வல்லாரை ஹேர் மாஸ்க்
முடி சிலருக்கு எலிவால் போல மெலிந்து இருக்கும். அதை பலப்படுத்தி திக்காக மாற்ற இந்த வல்லாரையை ஹேர்மாஸ்க்காக பயன்படுத்தலாம்.
தேவையான பொருள்கள்:
- வல்லாரை பொடி - 2 ஸ்பூன்
- கற்றாழை ஜெல் - 2 ஸ்பூன்
- தயிர் - 1 ஸ்பூன்
- தேன் - 1 ஸ்பூன்
பயன்படுத்தும் முறை:
ஒரு பௌலில் வல்லாரை பொடியுடன் தயிர், தேன், கற்றாழை ஜெல் ஆகியவற்றைக் கலந்து நன்கு ஸ்மூத்தான பேஸ்ட்டாக மாற்றிக் கொள்ளுங்கள். இந்த பேஸ்ட்டை தலையில் உச்சந்தலையில் வேர்க்கால்களில் அப்ளை செய்து மசாஜ் செய்து 20 நிமிடங்கள் வரை ஊறவிடுங்கள். பிறகு மென்மையான ஷாம்பு கொண்டு தலையை அலசுங்கள். வாரத்திற்கு ஓருமுறை இந்த ஹேர்மாஸ்க் அப்ளை செய்து வர முடியின் வேர்க்கால்கள் உறுதியாக முடி திக்காக வளரும்.
வல்லாரை - நெல்லிக்காய் ஹேர் டோனர்
தேவையான பொருள்கள்:
- ஃபிரஷ்ஷான வல்லாரை - 1 கைப்பிடி
- நெல்லிக்காய் பொடி - 1 ஸ்பூன்
பயன்படுத்தும் முறை:
வல்லாரை இலை ஃபிரஷ்ஷாகக் கிடைக்கவில்லை என்றால் அதற்கு பதிலாக பொடியைப் பயன்படுத்தலாம். 2-3 டம்ளர் தண்ணீரில் வல்லாரை பொடி மற்றும் நெல்லிக்காய் பொடி ஆகியவற்றைச் சேர்த்து நன்கு கொதிக்க விடுங்கள். பிறகு அடுப்பை அணைத்து விட்டு ஆற விடுங்கள். ஆறியபின் வடிகட்டி எடுத்துக் கொள்ளுங்கள். இந்த டிக்காஷனை தலைக்கு ஷாம்பு பயன்படுத்திக் குளித்த பின் கன்டிஷ்னர் அல்லது டோனர் போல பயன்படுத்தி தலையை அலசுங்கள்.
அடர்த்தியாக வளர வல்லாரை - மருதாணி
மருதாணி மற்றும் வல்லாரை ஆகிய இரண்டு மூலிகைகளுமே தலைமுடியை வேரிலிருந்து வலுப்படுத்தக் கூடியவை. இந்த இரண்டு மூலிகைகளையும் சேர்த்துப் பயன்படுத்தும் போது முடியின் பளபளப்பு அதிகரிப்பதோடு நீளமாகவும் அடர்த்தியாகவும் வளர உதவி செய்யும்.
தேவையான பொருள்கள்:
- வல்லாரை பொடி - 2 ஸ்பூன்
- மருதாணி பொடி - 3 ஸ்பூன்
பயன்படுத்தும் முறை:
ஒரு பாத்திரத்தில் 1 கப் தண்ணீர் ஊற்றி அதில் 2 ஸ்பூன் வல்லாரை பொடியுடன் 3 ஸ்பூன் மருதாணி பொடி சேர்த்து நன்கு கலந்துவிட்டு அதை சூடேற்றுங்கள். சூடாகி திக்கான பேஸ்ட்டாக வரும்வரை காய்ச்ச வேண்டும். பிறகு ஆறவிட்டு அதை ஹேர்பேக்காக அப்ளை செய்யுங்கள். இந்த ஹேர்பேக் 20-30 நிமிடங்கள் வரை தலையில் வைத்திருந்து பின் மென்மையான ஹெர்பல் ஷாம்பு கொண்டு அலசுங்கள்.
வல்லாரை டீ குடிப்பதன் நன்மைகள்
வல்லாரையை வெளிப்புறத்தில் மட்டும் அப்ளை செய்வதோடு விடாமல் உள்ளுக்குள்ளும் எடுத்துக் கொள்ளலாம். ஃபிரஷ்ஷான இலைகள் கிடைக்கும்போது சமைத்து சாப்பிடுங்கள். மற்ற சமயங்களில் காய்ந்த வல்லாரை இலைகள் அல்லது வல்லாரை பொடியைப் பயன்படுத்தி டீ போட்டு குடித்து வரலாம். இது உள்ளுக்குள் இருந்து முடியின் வேர்க்கால்களை பலப்படுத்தி, ரத்த ஓட்டத்தை அதிகரித்து முடியின் வளர்ச்சியைத் தூண்டுகிறது.
இறுதியாக, மேற்கண்ட பல்வேறு விதங்களில் எது உங்களுக்கு எளிமையாக இருக்கிறதோ அந்த வகையில் வல்லாரையை தலைமுடிக்குப் பயன்படுத்துங்கள். முடியை ஆரோக்கியமான முறையில் வளர்க்க முடியும். ஜோதிடம் மற்றும் ஆன்மிகத்தில் நம்பிக்கை கொண்டவர்கள், முருகப்பெருமானின் ஆசிர்வாதத்துடன் இந்த இயற்கை தீர்வுகளை முயற்சி செய்து நலம் பெறலாம். ஆறுபடை வீடுகள் அமைந்துள்ள தமிழ் மண்ணின் பாரம்பரியத்தை போற்றும் இந்த மூலிகைகள், நம் ஆரோக்கியத்திற்கு சிறந்த பங்களிப்பை அளிக்கின்றன.