கறிவேப்பிலை உப்பு: சமையலில் சுவையும் ஆரோக்கியமும்!

ஊட்டச்சத்து நிபுணர்கள் பரிந்துரை

பொதுவாக மருத்துவர்கள், ஊட்டச்சத்து நிபுணர்கள் அனைவருமே உப்பை உணவில் மிக மிக கவனமாக சேர்த்துக் கொள்ள வேண்டும், அதிகமாக சேர்க்கக் கூடாது என்று அறிவுறுத்துவார்கள். அதேபோல உடலில் ஏற்படும் ஊட்டச்சத்து குறைபாடுகளைத் தவிர்க்க சப்ளிமெண்ட்டுகள் மட்டுமின்றி ஊட்டச்சத்துக்கள் செறிவூட்டப்பட்ட உணவுகளை எடுத்துக் கொள்ள அறிவுறுத்துவார்கள். அதில் சிலவற்றை மார்க்கெட்டுகளில் வாங்கலாம். சிலவற்றை நாம் வீட்டிலேயே மிகக் குறைந்த செலவில் அதிக பலன் கொண்ட வகையில் செய்து கொள்ள முடியும். அதில் ஒன்று தான் இந்த கறிவேப்பிலை உப்பு. இதை எப்படி வீட்டிலேயே தயார் செய்து பயன்படுத்தலாம் என்பது குறித்து ஊட்டச்சத்து நிபுணர் டாக்டர் சந்தியா மணியன் அவர்கள் கூட தன்னுடைய இன்ஸ்டாகிராம் பக்கத்தில் இந்த கறிவேப்பிலை உப்பை செய்து காட்டியிருக்கிறார்.

வீட்டிலேயே கறிவேப்பிலை உப்பு செய்வது எப்படி?

வேண்டுமானால் வெள்ளை உப்புக்குப் பதிலாக இந்துப்பு பயன்படுத்தலாம். ஆனால் கல் உப்பை மட்டும் பயன்படுத்துங்கள்.

கறிவேப்பிலை உப்பை எப்படியெல்லாம் பயன்படுத்தலாம்?

• இந்த கறிவேப்பிலை உப்பை உங்கள் வழக்கமாக சமையலில் குழம்பு வகைகள், பொரியல் என எல்லாவற்றிலும் உப்புக்கு பதிலாக சேர்த்துக் கொள்ளலாம்.
• ரசம் உள்ளிட்டவற்றில் சேர்க்கும்போது கறிவேப்பிலையின் மணமும் சேர்ந்து சுவையை அதிகரிக்கும்.
• சாலட்களில் உப்புக்கு பதிலாக தூவி சாப்பிடலாம்.
• மோரில் வழக்கமான உப்புக்கு பதிலாக இந்த கறிவேப்பிலை உப்பை சேர்க்கலாம். சுவை அற்புதமாக இருக்கும்.
• இப்படி எல்லா வகை உணவிலுமே நீங்கள் வழக்கமாக சேர்க்கும் உப்புக்கு பதிலாக இந்த உப்பை சேர்த்து செய்யும்போது குழந்தைகள் முதல் பெரியவர்கள் வரை எல்லோருக்குமே கறிவேப்பிலையின் முழு பயனும் கிடைக்கும்.

கறிவேப்பிலை உப்பில் உள்ள ஊட்டச்சத்துக்கள்

கறிவேப்பிலை உப்பை பயன்படுத்துவதன் மூலம் கறிவேப்பிலையில் உள்ள ஊட்டச்சத்துக்களும் கிடைக்கும், உப்பில் உள்ள சோடியமும் சேர்ந்து கிடைக்கும். குறிப்பாக, வைட்டமின் சி, வைட்டமின் ஏ, கால்சியம், இரும்புச்சத்து, சோடியம், மற்றும் ஆற்றல் வாய்ந்த ஆன்டி ஆக்சிடண்ட்டுகள் இதில் நிறைந்து இருக்கின்றன.

கறிவேப்பிலை உப்பு உணவில் சேர்ப்பதன் பயன்கள் என்னென்ன?

• முதலில் சாதாரண உப்புக்கு பதிலாக இந்த கறிவேப்பிலை உப்பு பயன்படுத்தும் போது உணவின் சுவை அதிகரிக்கும்.
• வைட்டமின்கள், மினரல்கள் (இரும்புச்சத்து) மற்றும் ஆற்றல் வாய்ந்த ஆன்டி ஆக்சிடண்ட்டுகள் கிடைக்கும்.
• கறிவேப்பிலையில் அதிகமாக நார்ச்சத்துக்கள் இருப்பதால் ஜீரண ஆற்றலை மேம்படுத்தி மலச்சிக்கல் மற்றும் அஜீரணக் கோளாறுகள் ஏற்படாமல் தடுக்கும்.
• தலைமுடி உதிர்வைத் தடுத்து முடி வளர்ச்சியை ஊக்குவிக்கும். இளநரை வராமல் தடுக்கும். முடி நன்கு கருமையாக வளரும்.
• 100 கிராம் கறிவேப்பிலையில் கிட்டதட்ட 900 mg கால்சியம் நமக்குக் கிடைக்கும். அதனால் தினசரி உணவில் இந்த கறிவேப்பிலை உப்பை சேர்த்துக் கொண்டு வருவதன் மூலம் எலும்புகள் வலுவடையும்.
• சாதாரணமாக பயன்படுத்தும் உப்புக்கு பதிலாக இந்த கறிவேப்பிலை பயன்படுத்தும்போது நிறைய ஊட்டச்சத்துக்களும் அதனால் கிடைக்கும் பயன்களும் நமக்குச் சேர்த்து கிடைக்கும்.

இறுதியாக, இந்த கறிவேப்பிலை உப்பு நாட்டு மருந்து கடைகள் மற்றும் ஆர்கானிக் ஸ்டோர்களில் கூட கிடைக்கும். ஆனால் விலை மிக மிக அதிகம். அதையே கொஞ்சமும் செலவு இல்லாமல் வீட்டில் உள்ள பொருள்களை வைத்தே செலவில்லாமல் நம்மால் செய்து பயன்படுத்த முடியும். இந்த உப்பை சேர்த்து பழக்குவதன் மூலம் குழந்தைகளும் சிறுவயது முதலே கறிவேப்பிலை போன்றவற்றை சாப்பிடப் பழகுவார்கள்.

அடிக்கடி கேட்கப்படும் கேள்விகள்