உங்கள் தலைமுடியின் ஆரோக்கியத்திற்கு, உச்சந்தலையை முறையாக பராமரிப்பது அவசியம். வாரத்தில் ஒரு நாளாவது உச்சந்தலையை மசாஜ் செய்து, ஸ்கிரப் மற்றும் ஹேர் பேக் பயன்படுத்தி எக்ஸ்ஃபோலியேட் செய்வது பொடுகு, முடி உதிர்தல், முடி வறட்சி போன்ற பல பிரச்சனைகளை சரிசெய்ய உதவும். தமிழ் பாரம்பரியத்தில் உள்ள எளிய வீட்டு வைத்தியங்கள் மூலம் இதை எப்படி செய்வது என்று பார்ப்போம்.
உச்சந்தலை எக்ஸ்ஃபோலியேஷன் ஏன் முக்கியம்?
- பொடுகு மற்றும் அரிப்பைக் குறைக்கும்.
- முடி உதிர்தலைத் தடுக்கும்.
- முடி வறட்சியைப் போக்கும்.
- ஆரோக்கியமான முடி வளர்ச்சியை ஊக்குவிக்கும்.
வீட்டிலேயே செய்யக்கூடிய பயனுள்ள எக்ஸ்ஃபோலியேஷன் ஸ்கிரப்கள்:
முல்தானி மட்டி ஹேர் ஸ்கிரப்
முல்தானி மட்டி முகத்துக்கு மட்டுமல்ல, தலைமுடிக்கும் சிறந்த தீர்வுகளைத் தரும். குறிப்பாக எண்ணெய்ப் பசையுள்ள ஆயில் ஸ்கால்ப் தலைமுடிக்கு இது சிறந்த தீர்வு. முல்தானி மட்டியுடன் ஒரு ஸ்பூன் தயிர், சிறிது ரோஸ்வாட்டர் கலந்து அதை தலையில் அப்ளை செய்யுங்கள். 20 நிமிடங்கள் கழித்து ஷாம்பு கொண்டு நன்கு அலசுங்கள்.
தேங்காய் எண்ணெய் - கற்றாழை ஹேர் பேக்
உங்களுடைய தலைமுடியின் நிறத்தைப் பாதுகாக்க விரும்பினால் இந்த வீட்டு வைத்தியம் தான் சிறந்தது. ஹேர் கலர் செய்திருந்தாலும் அது நீண்ட நாட்களுக்கு நிலைத்திருக்கவும் இந்த பேக் உதவும். 1 ஸ்பூன் தேங்காய் எண்ணெயுடன் ஒரு ஸ்பூன் லெமன் ஜூஸ், 2 ஸ்பூன் கற்றாழை ஜெல், ஒரு முழு முட்டை ஆகியவற்றைச் சேர்த்து நன்கு மிக்ஸ் செய்து உச்சந்தலை முதல் நுனிமுடி வரை அப்ளை செய்யுங்கள். பின்பு லேசாக மசாஜ் செய்து கொண்டை போட்டுக் கொள்ளுங்கள். அரை மணி நேரம் கழித்து நல்ல ஹெர்பல் ஷாம்பு கொண்டு முடியை அலசுங்கள். முடி பஞ்சு போல இருக்கும். உச்சந்தலை அரிப்பு, எரிச்சல் உள்ளிட்ட பிரச்சினைகள் தீரும்.
பொடுகை விரட்ட வெந்தய ஹேர் ஸ்கிரப்
வெந்தயம் நம்முடைய உச்சந்தலையை தொற்றுக்கள் பாதிக்காமல் தடுக்க உதவி செய்யும். இரவு முழுவதும் 2 ஸ்பூன் வெந்தயத்தை தண்ணீரில் ஊற வைக்கவும். அதை அடுத்த நாள் காலையில் நன்கு மை போல பேஸ்ட்டாக அரைத்து அதில் 1 ஸ்பூன் ஆலிவ் ஆயில், 2 ஸ்பூன் லெமன் ஜூஸ் கலந்து மிக்ஸ் செய்து தலைக்கு அப்ளை செய்து சிறிது நேரம் ஸ்கிரப் செய்யுங்கள். பிறகு அரை மணி நேரம் மட்டும் வைத்திருந்து தலையை அலசுங்கள். இதற்கு ஷாம்பு பயன்படுத்த தேவையில்லை. வெந்தயம் குளிர்ச்சித் தன்மை கொண்டது என்பதால் இதை அதிக நேரம் வைத்திருக்க வேண்டாம். சளி பிடிக்கும்.
வறண்ட முடிக்கு பழுத்த வாழைப்பழம்
நன்கு கனிந்து போய் நீங்கள் கீழே தூக்கி எறியும் நிலையில் இருக்கும் வாழைப்பழம் உங்கள் தலைமுடிக்கு நிறைய நன்மைகளைச் செய்யும் தெரியுமா? இனி தூக்கி வீசாதீங்க. குறிப்பாக வறண்ட, சேதமடைந்த தலைமுடிக்கு இந்த வாழைப்பழ ஹேர்மாஸ்க் அப்ளை செய்யலாம். இதிலுள்ள வைட்டமின் பி மற்றும் பொட்டாசியம் முடியை நன்கு வலுவாக்கும். இரண்டு கனிந்த வாழைப்பழத்துடன் ஒரு ஸ்பூன் ஆலிவ் ஆயில், ஒரு ஸ்பூன் எள், 2 ஸ்பூன் லெமன் ஜூஸ் ஆகியவற்றைச் சேர்த்து நன்கு ஸ்மூத்தாக அரைத்து அதை தலைமுடிக்கு அப்ளை செய்யலாம். 20 நிமிடங்கள் வைத்திருந்து தலையை அலசிக் கொள்ளலாம்.
பப்பாளி ஹேர் ஸ்கிரப்
இந்த ஹேர் ஸ்கிரப் எல்லா வகையான முடிக்கும் வேர்க்கால்களுக்கும் ஏற்றது. உச்சந்தலையை சுத்தமாக்கும். உங்களுக்கு பொடுகுப் பிரச்சினை ஏதேனும் இருந்தால் நேரடியாக பப்பாளியை உச்சந்தலையில் அப்ளை செய்தும் ஸ்கிரப் செய்யலாம். அதைவிட கடலை மாவுடன் சேர்த்து மிக்ஸ் செய்து அதை ஸ்கிரப்பாக பயன்படுத்தலாம். கடலை மாவு 2 ஸ்பூன், பப்பாளி கூழ் 4 ஸ்பூன், ஆப்பிள் சிடார் வினிகர் 1 ஸ்பூன் சேர்த்து மிக்ஸ் செய்து தலையில் அப்ளை செய்து மென்மையாக ஸ்கிரப் செய்து, 1 மணி நேரம் ஊறவிட்டு பின் தலையை ஷாம்பு கொண்டு அலசுங்கள்.
இறுதியாக, மேற்கண்ட எல்லா பொருள்களுமே வீட்டில் உள்ளவை தான். இவற்றைப் பயன்படுத்தி எளிமையாக ஹேர்பேக் போடலாம். ஆனால் பேட்ச் டெஸ்ட் செய்துவிட்டு பயன்படுத்துங்கள். மேலும் இந்த கட்டுரையில் சொல்லப்பட்டவை காலங்காலமாக பயன்படுத்தப்படும் வீட்டு வைத்தியங்கள் தான். இவை தகவல் நோக்கங்களுக்காகவே. இவற்றின் உண்மைத்தன்மை, துல்லியம், செயல்திறன் ஆகியவற்றுக்கு Jothidam360 பொறுப்பேற்காது.