முகம் மாசு மருவற்று பொலிவாக இருக்க வேண்டும் என்று தான் எல்லோருடைய விருப்பமும். ஆனால் அதற்கு ஸ்கின் கேர் என்று எல்லா மேக்- அப் பொருள்களையும் பயன்படுத்த வேண்டும் என்பதில்லை. உங்கள் சருமத்தை ஆரோக்கியமாக வைக்கும் வாழ்க்கை முறைகளில் முதலில் கவனம் செலுத்தினாலே போதும். க்ரீம்கள், லோஷன், சீரம் என்று விதவிதமாக பயன்படுத்துவது தற்காலிகமான அழகை மட்டுமே கொடுக்கும். ஆனால் சருமம் எப்போதும் இயற்கையான அழகை பெறுவதற்கு நீங்கள் செய்ய வேண்டியது என்ன என்பதை தான் டாக்டர் மோகனலட்சுமி விவரிக்கிறார். நம் தமிழ் கலாச்சாரத்தில், உடல் ஆரோக்கியம் என்பது ஆன்மீக மற்றும் மன நலனுடன் இணைந்த ஒன்றாக பார்க்கப்படுகிறது. `ஜோதிடம்` கூறும் வழிகாட்டுதல்கள் போல, சரும ஆரோக்கியத்திலும் சில அடிப்படை விதிகள் உள்ளன. `முருகன்` அருளால் பெறுவது போன்ற மன அமைதி, உடல் நலத்தின் மூலமே சாத்தியம். இந்த வழிகாட்டுதல்கள் மூலம், நம் உடல் மற்றும் மனம் இரண்டையும் ஆரோக்கியமாக வைத்துக்கொள்ளலாம்.
சரும பொலிவுக்கு டாக்டர் மோகனலட்சுமி கூறும் முக்கிய வழிகள்
1. சருமத்தை நீரேற்றம் செய்வது
சருமம் நீரேற்றம் என்பது மிகவும் அவசியம். உங்கள் உடல் உழைப்புக்கு ஏற்றாற்போன்று, தினமும் தண்ணீர் குடிக்க வேண்டும் என்பது தெரியும். ஆனால் உங்கள் சருமம் இயற்கையாக பளபளவென்று இருக்க போதுமான தண்ணீர் குடியுங்கள் என்கிறார் டாக்டர் மோக்னாலஷ்மி. தினமும் இரண்டு முதல் மூன்று லிட்டர் வரை தண்ணீர் குடிப்பது சருமத்தை வறட்சியில்லாமல் பொலிவாக வைக்குமாம். உங்களுக்கு தண்ணீர் குடிப்பது கொஞ்சம் சவாலானதாக இருந்தால் நீர்ச்சத்து கொண்ட பழங்கள், காய்களை சேர்த்து கொள்ளலாம். நீரேற்றம் சருமத்தை ஜொலிப்பாக வைத்துகொள்ளும்.
2. தூங்குவது சருமத்தின் சேதத்தை சரி செய்யும்
நாள் ஒன்றுக்கு 8 மணி நேரம் தூங்க வேண்டும். தூங்கும் போது சருமத்தின் சேதங்கள் உடல் சரி செய்யும். அதனால் உங்கள் தூக்கத்தையும் தூக்க நேரத்தையும் பின்பற்றுவது மிகவும் முக்கியம் என்கிறார் டாக்டர். மோக்னாலஷ்மி. நன்றாக தூங்கும் போதுதான் கொலாஜன் சருமத்தில் நன்றாக வேலை செய்யும். இரவு நேரங்களில் கண் விழிப்பது, நள்ளிரவில் தூங்காமல் இருப்பது, தூக்கமின்மை போன்றவை எல்லாம் இருந்தால் ஸ்கின் கேர் செய்தாலும் சருமத்துக்கு ஊட்டம் கிடைக்காது. நன்றாக தூங்கி எழுந்தாலே உடல் புத்துணர்ச்சியாக இருக்கும் என்பது போன்று சருமமும் சேதமில்லாமல் பொலிவாக இருக்கும்.
3. முகத்தை தொட வேண்டாம்
சிலர் எப்போதும் முகத்தை தொட்டுகொண்டே இருப்பார்கள் இதனால் முகத்தில் பருக்கள், முகப்பருக்கள் போன்றவை அதிகரிக்கும். ஆனால் உங்கள் முகத்தை நீங்கள் தொடாமல் இருந்தாலே முகப்பரு வருவதை தடுக்க முடியும் என்கிறார் டாக்டர். மோக்னாலஷ்மி. முகப்பரு வருவதற்கு தொற்றுகிருமிகளும் காரணம். கைகளை சுத்தம் செய்யாமல் முகத்தை தொடுவது, பருக்களை கிள்ளுவது, கட்டிகளை தொட்டு பார்ப்பது எல்லாமே சருமத்தில் பருக்களை உண்டு செய்யும். உங்கள் சருமம் மாசு மருவற்று இருக்க சருமத்தில் எப்போதும் கைகளை வைத்து தேய்க்க வேண்டாம்.
4. உடற்பயிற்சி செய்வது சருமத்தை பொலிவாக்கும்
உடற்பயிற்சி செய்வதால் உடல் ஆரோக்கியம் கிடைக்கும் என்பது போன்று சருமத்துக்கும் நல்ல பொலிவு கொடுக்கும். அதனால் தினமும் உடற்பயிற்சி செய்யுங்கள் என்கிறார் டாக்டர். மோகனலஷ்மி. உடற்பயிற்சி செய்யும் போது உடலில் இரத்த ஓட்டம் சீராக இருக்கும். இதனால் உடலின் அனைத்து பகுதிகளுக்கும் ஆக்ஸிஜன் அளவு சீராக கிடைக்கும். செல்கள் புத்துணர்வு பெறுவதால் சருமம் அழகாக இருக்கும். வியர்வை வெளியேறி துவார அடைப்புகள் நீங்கும்.
5. சருமத்துக்கு ஏற்ற சரியான உணவு
டயட் என்பது சருமத்துக்கும் சேர்த்து தான். முறையான சரும பராமரிப்பு என்பது உள்ளுக்கு எடுக்கும் உணவையும் சேர்த்து தான் என்பதையே டாக்டர் மோகனலஷ்மி பரிந்துரைக்கிறார். கொலாஜன் பாதுகாக்கும் வைட்டமின் சி நிறைந்த உணவுகள், பழங்கள், கீரைகள், காய்கறிகள், நார்ச்சத்து நிறைந்த உணவுகள் போன்றவற்றை சரியாக எடுப்பதன் மூலம் உடலில் நச்சுகள் சேர்க்காமல் தடுக்கலாம். நச்சு நீங்கினாலே சருமம் பளபளவென்று பொலிவாக இருக்கும். அதே நேரம் சருமத்தை பாதிக்கும் துரித உணவுகள், எண்ணெய் நிறைந்த உணவுகள், புளித்த உணவுகள் போன்றவற்றை தொடவே கூடாது.
6. ஸ்க்ரீன் நேரம் சருமத்தை பாதிக்கும்
இரவு நேரங்களில் என்று இல்லாமல் எப்போதும் ஸ்க்ரீனில் நேரம் செலவிட வேண்டாம். நீங்கள் நேரத்தை கட்டுப்படுத்துங்கள். இது சருமத்தின் பளபளப்பை குறைக்கும் என்கிறார் டாக்டர். மோகனலஷ்மி. கண்களுக்கு கீழ் வரும் கருவளையம் காரணங்களில் இந்த ஸ்க்ரீன் நேரமும் ஒன்று. இது வெளிப்படுத்தும் நீல ஒளியானது சரும ஆரோக்கியத்தை பாதிக்கும். இதனால் விரைவிலேயே சருமத்தில் சுருக்கங்கள், கோடுகள் போன்ற பாதிப்புகள் வரலாம். இது போன்ற வாழ்க்கை முறை குறிப்புகளை பின்பற்றும் போது உங்கள் சருமம் பளபளப்பாக பொலிவாக இருக்கும் என்கிறார் டாக்டர் மோகனலஷ்மி. இயற்கையான முறையில் சருமம் ஜொலிக்க இவை போதுமானதாக இருக்கும்.