கோடைக்காலம் கடுமையான வெப்பத்தை கொண்டது. இது உடலில் செரிமான நெருப்பின் தீயை துண்டும். இந்த நேரத்தில் ஆதிக்கம் செலுத்தும் குணமான பித்தம் என்பது நெருப்பு மற்றும் நீர் கூறுகளின் குணங்கள், வெப்பம் கூர்மையானவை, தீவிரமானவை. அதை எதிர்கொள்ள, இந்த மாதங்களில் பித்த தோஷத்தை குறைக்க வேண்டும். பித்த தோஷத்தை குறைக்க உணவு முறையில் என்ன எடுத்துக்கொள்வது, வாழ்க்கை முறையில் கடைப்பிடிக்க வேண்டியவை என்னென்ன என்பதை பார்க்கலாம்.
பித்த தோஷம் எப்படி செரிமானத்தை பாதிக்கிறது?
உடல் அதிக வெப்பநிலைக்கு ஆளாகும் போது, பித்த தோஷமானது அக்னியை பாதிக்கும். இந்த அக்னி என்னும் நெருப்பு செரிமான மண்டலத்தை குறிக்கும். கோடை வெப்பநிலையின் போது இந்த அக்னி 'தீக்ஷ அக்னி' அதாவது கூர்மையான அல்லது தீவிர செரிமானம் என்று அழைக்கப்படுகிறது. இது பசியை அதிகம் ஏற்படுத்தும், ஆனால் செரிமானம் தீவிரமான நிலையானது உடல் உணவு உறிஞ்சுதலை குறைக்கும். இதனால் வயிற்றுப்போக்கு, ஹைப்பர் அமிலத்தன்மை, அமில ரிஃப்ளக்ஸ், பெருங்குடல் அழற்சி போன்றவற்றை அதிகரிக்கும். இந்நிலையில் பித்த தோஷத்தை அதிகரிக்காமல் தடுக்க என்ன செய்யலாம் என்பதை பார்க்கலாம்.
பித்தத்தை தணிக்க உணவில் சேர்க்க வேண்டிய சுவைகள்
அறுசுவைகளில் இனிப்பு, கசப்பு, துவர்ப்பு போன்றவை பித்தத்தின் சுவைகளை குறைக்கும் என்பதால் இதை உணவில் அடிக்கடி சேர்த்து வரலாம்:
- இனிப்பு: பழங்கள், உலர் பழங்கள், வேர்க்காய்கறிகள், வெள்ளரிக்காய், இயற்கையான இனிப்புகள், வெல்லம், தேன், நெய், பால் போன்றவற்றை சேர்க்கலாம்.
- கசப்பு: மஞ்சள், கற்றாழை, வெந்தயம், வேப்பிலை, சுண்டைக்காய், டார்க் சாக்லேட், பாகற்காய், கீரைகள் (மணத்தக்காளி போன்றவை இலேசான கசப்புத்தன்மை) போன்றவற்றை சேர்க்கலாம்.
- துவர்ப்பு: வாழைப்பூ, மாதுளை, சில பருப்பு வகைகள், சில காய்கறிகள் துவர்ப்பு தன்மை கொண்டவை. இவற்றையும் உணவில் அடிக்கடி சேர்க்க வேண்டும்.
பித்தத்தை அதிகரிக்கும் உணவுகள் - தவிர்க்க வேண்டியவை
கோடை நேரத்தில் காபி, ப்ளாக் காபி, ஆல்கஹால், வறுத்த உணவுகள், அதிக மசாலா நிறைந்தவை, அதிகமான காரம், வெப்பம் மிகுந்த உணவுகள், எண்ணெயில் வறுத்த பொருள்கள், எண்ணெய் அதிகம் கொண்ட உணவுகள், ராஜச குணங்கள் கொண்டவை போன்றவை பித்தத்தை அதிகரித்து உடலை எரிச்சலடைய செய்யும். அதனால் பித்தத்தை தொடர்ந்து அதிகரிக்க செய்யும். குறிப்பாக எண்ணெய், காரம், புளிப்பு மற்றும் அதிக உப்பு நிறைந்த உணவுகள் கண்டிப்பாக தவிர்க்க வேண்டும்.
மதிய உணவில் கவனம்: கோடையில் செரிமானத்திற்கான குறிப்புகள்
கோடைக்காலத்தில் நாளின் தொடக்கத்தில் மிக இலேசான உணவுடன் தொடங்குங்கள். காலை நேரத்தில் அதிக கனமான உணவு வேண்டாம். காலை உணவுக்கு பிறகு மதிய உணவு முழுமையான உணவாக இருக்கட்டும். இந்த நேரத்தில் பித்த தோஷம் அதிகமாக இருக்கும். இந்த நேரத்தில் முழுமையான கனமான உணவு எடுத்துக்கொள்ளலாம். இனிப்பு, கசப்பு, துவர்ப்பு என அனைத்து சுவைகளையும் முழுமையாக சேர்த்து கொள்ளலாம். கோடை நேரத்தில் வயிற்றை நீண்ட நேரம் காலியாக வைத்திருக்காதீர்கள். அது பித்தத்தை அதிகரித்து நெஞ்செரிச்சலை உண்டு செய்யும். அதனால் போதுமான இடைவெளியில் உணவை எடுக்கவும்.
உடல் நீரேற்றத்தை மேம்படுத்தும் வழிகள்
நாள் முழுவதும் நீரேற்றமாக இருப்பது பித்த தோஷத்தை தணிக்கும். வெள்ளரிக்காய் நீர், புதினா நீர், கொத்துமல்லி விதை சேர்த்த தண்ணீர், ரோஸ் வாட்டருடன் தண்ணீர், இளநீர், கற்றாழை சாறு, மோர் போன்றவை குளிர்ச்சியானவை. இவை பித்தத்தின் தீயை தணிக்கும். தண்ணீரை குடிக்கும் போது நீரேற்றமாக இருப்பது சிரமமாக இருப்பவர்கள் இத்தகைய பொருள்களை சேர்த்து குடிப்பது நீரேற்றமாக இருக்க உதவும்.
இறுதியாக, கோடையில் உடல் வெப்பநிலை ஏன் அதிகமாக உள்ளது, அவை பித்தத்தை ஏன் அதிகரிக்கிறது, அதற்கு என்ன செய்ய வேண்டும், எந்த வகை உணவுகள் பித்தத்தை சரி செய்கிறது, எந்த வகை உணவுகளை தவிர்க்க வேண்டும் என்பதை தெரிந்துகொண்டோம். கோடையில் ஆரோக்கியமான செரிமானம் மேம்பட இந்த குறிப்புகளைப் பின்பற்றுங்கள்.
உங்கள் உடல்நலம் மற்றும் ஆன்மீக நலனுக்கான வழிகாட்டிகளை ஜோதிடம்360.in இல் காணலாம். முருகன் அருள் கூடி உங்கள் ஆரோக்கியம் சிறக்கட்டும்! தமிழ் கலாச்சாரத்தில் ஆரோக்கிய வாழ்வுக்கான வழிமுறைகளை அறிவோம்.
அடிக்கடி கேட்கப்படும் கேள்விகள்
பொறுப்பு துறப்பு:
இந்த கட்டுரையில் வழங்கப்பட்டுள்ள தகவல்கள் பொதுவான நோக்கங்களுக்காக மட்டுமே. மருத்துவ ஆலோசனை, நோயறிதல் அல்லது சிகிச்சைக்கு மாற்றாக இல்லை. மேலும் விவரங்களுக்கு எப்போதும் மருத்துவரை அணுகவும். இங்கு வழங்கப்பட்ட தகவலின் துல்லியம், நம்பகத்தன்மைக்கு ஜோதிடம்360 பொறுப்பேற்காது.