பளிச்சென்ற, பளபளப்பான, மிருதுவான சருமம் வேண்டுமா? பருக்களற்ற தெளிவான சருமத்தைப் பெற ஆன்டிஆக்ஸிடன்ட்கள், பீட்டா கரோட்டின், வைட்டமின் சி நிறைந்த உணவுகள் அவசியம். ஜோதிடம் 360-இல், உங்கள் உடல் மற்றும் மன ஆரோக்கியத்திற்கு உதவும் வழிகாட்டிகளை வழங்குகிறோம். தமிழ் மண்ணின் சிறப்புமிக்க ஆன்மிகக் களஞ்சியமான முருகன் ஆலயங்கள் போல, நம் உடலும் பக்திக்கும் ஆரோக்கியத்திற்கும் உறைவிடம். ஆறுபடை வீடுகளைப் போல, உங்கள் ஆரோக்கியத்திற்கும் சில முக்கிய படிகள் உள்ளன. இந்த உணவுகள் உங்கள் சரும அழகைப் பாதுகாக்க உதவுவதுடன், ஒட்டுமொத்த உடல் ஆரோக்கியத்தையும் மேம்படுத்தும்.
ஆன்டிஆக்ஸிடன்ட் நிறைந்த முக்கிய உணவுகள்
ப்ளூ பெர்ரீஸ் மற்றும் பெர்ரி பழங்கள்
ப்ளூ பெர்ரி மட்டுமல்ல, பெர்ரி வகை பழங்கள் எல்லாமே அளவில் தான் மிகச்சிறியவை. ஆனால் அதிலுள்ள ஊட்டச்சத்துக்கள் நாம் நினைத்துப் பார்க்க முடியாத அளவு அதிகம். அதிலும் இந்த ப்ளூ பெர்ரியில் உள்ள ஆந்தோசயனின் என்னும் ஆன்டி ஆக்சிடண்ட் உங்கள் சருமத்துக்கு ஒரு கவசம் போல இருக்கும். டல்லான சருமத்தை புத்துணர்ச்சியாக மாற்றுவது மட்டுமல்ல, வயதான தோற்றத்தைத் தரும் சுருக்கங்கள், நுண்கோடுகள் ஆகியவற்றைக் குறைக்கும். சருமத்தில் இன்ஃபிளமேஷன்கள் ஏற்படுவதைத் தடுக்கும். சருமத்தில் ஏற்படும் சிவப்பு நிற தடிப்புகள் ஆகியவற்றைக் குறைக்கும். பருக்கள் ஏற்படாமல் தடுக்கும்.
சர்க்கரை வள்ளிக்கிழங்கு
சர்க்கரை வள்ளிக் கிழங்கை ஸ்கின்னுக்குத் தேவையான ஒரு சூப்பர் ஃபுட் என்றே கூட சொல்லலாம். கேரட்டுக்கு அடுத்தபடியாக சர்க்கரை வள்ளிக் கிழங்கில் தான் பீட்டா கரோட்டீன் அதிகம். மற்ற ஆன்டி ஆக்சிடண்ட்டுகளும் அதிகம். கீரைகள் எப்படி உங்கள் உடலுக்குக் கவசம் போல இருக்கிறதோ அதேபோல தான் சர்க்கரை வள்ளிக்கிழங்கு உங்கள் ஸ்கின்னுக்கு கவசம் போல இருக்கும். இயற்கையாகவே சூரியக் கதிர்வீச்சின் பாதிப்பில் இருந்து ஸ்கின்னை பாதுகாக்கும் வைட்டமின் ஏ, வைட்டமின் சி ஆகியவை இருக்கின்றன. குறிப்பாக கொலாஜன் உற்பத்தியை அதிகரிக்க உதவி செய்யும்.
க்ரீன் டீ
க்ரீன் டீ பற்றி உங்களுக்கு சொல்லவே தேவையில்லை. க்ரீன் டீயில் அவ்வளவு ஆரோக்கிய நன்மைகள் இருக்கு. குறிப்பாக சரும ஆரோக்கியத்தை மேம்படுத்தும் ஒரு சூப்பர் ஃபுட். இதில் இருக்கும் கேட்டசின்கள் என்னும் ஆற்றல்மிக்க ஆன்டி ஆக்சிடண்ட்டுகள் இருக்கின்றன. இவை சருமத்தில் ஏற்படும் எரிச்சல் மற்றும் சருமம் சிவந்து போதல் ஆகிய பிரச்சினைகளைச் சரிசெய்யும். சருமத்தின் எலாஸ்டிசிட்டியை அதிகரிப்பதோடு சூரியனின் புறஊதா கதிர்வீச்சின் தாக்கத்தால் ஏற்படும் பிரச்சினையை சரிசெய்யவும் உதவி செய்யும். க்ரீன் டீயை ஸ்கின்னில் அப்ளையும் செய்யலாம். ஒரு நாளைக்கு இரண்டு கப் அளவுக்கு க்ரீன் டீ குடித்து வருவது நல்லது. அப்படி குடிக்கும்போது ஸ்கின் நன்கு ஹைட்ரேட்டிங்காக இருக்கும். நல்ல க்ளோ ஆகும்.
இலைவடிவ காய்கள், கீரைகள்
இலைவடிவ காய்கறிகள் மற்றும் கீரை வகைகள் உடல் ஆரோக்கியத்துக்கு மட்டுமல்ல, சரும ஆரோக்கியத்துக்கும் மிக நல்லது. குறிப்பாக ஸ்பின்னாச்சில் ஸ்கின்னுக்குத் தேவையான பீட்டா கரோட்டீன் இதில் இருக்கிறது. இந்த பீட்டா கரோட்டீன் உடலுக்கு வைட்டமின் ஏ - வாக மாற்றும். இதில் இரும்புச்சத்தும் இருப்பதால் ரத்த ஓட்டத்தையும் அதிகரித்து க்ளியர் ஸ்கின்னை கொடுக்கும். புதிய சரும செல்கள் உற்பத்தியை அதிகரிக்கும்.
அவகேடோ
அவகேடோ பற்றி உங்களுக்குச் சொல்லவே தேவையில்லை. பழங்களிலேயே கொழுப்புச் சத்து அதிகமுள்ள பழமாக இது இருக்கிறது. ஆரோக்கியமான கொழுப்பு அமிலம் இது. அவகேடோவிலுள்ள லூடின் போன்ற ஆன்டி ஆக்சிடண்ட்டுகள் சுற்றுப்புறச் சுழல்களால் ஏற்படும் சரும பாதிப்புகளைச் சரிசெய்யும். இதிலுள்ள க்ரீமியான தன்மை சருமத்துக்கு மிகச்சிறந்த மாய்ஸ்ச்சரைஸராகச் செயல்பட்டு சருமத்தை ஸ்மூத்தாக வைத்திருக்கும்.
ப்ரக்கோலி
ப்ரக்கோலி என்பது நாம் பெரிதாகக் கண்டு கொள்ளாத ஒரு சூப்பர் வெஜிடபிள். ப்ரக்கோலியில் வைட்டமின் சி மற்றும் ஈ ஆகியவை அதிகமாக இருக்கிறது. இது சருமத்தில் கொலாஜன் உற்பத்தியை அதிகரிக்கச் செய்யும். இதிலுள்ள வைட்டமின் ஈ புறஊதா கதிர்களின் தாக்கத்தில் இருந்து சருமத்தைப் பாதுகாக்கும். இதிலுள்ள சல்பரோபென் என்னும் மூலக்கூறு வயதான தோற்றத்தைத் தடுத்து இளமையாக வைத்திருக்கும்.
டார்க் சாக்லெட்
சாக்லெட் யாருக்குத் தான் பிடிக்காது. ஆனால் உங்கள் சருமத்தைப் பாதுகாக்க வேண்டுமென்றால் அதற்கு இனிப்பு சேர்த்த சாக்லெட்டோ மில்க் சாக்லெட் போன்றவையோ சாப்பிடக் கூடாது. அதற்கு பதிலாக டார்க் சாக்லெட் (இனிப்பு சேர்க்காதது) எடுத்துக் கொள்ளுங்கள். கொக்கோவில் இருந்து தயாரிக்கப்படும் இந்த டார்க் சாக்லெட்டில் நிறைய ஃபிளவனாய்டுகள் இருக்கின்றன. இந்த ஆன்டி ஆக்சிடண்ட்டுகள் சன் டேமேஜில் இருந்து பாதுகாப்பதோடு சருமத்தை ஹைட்ரேட்டிங்காக வைத்திருக்கும்.
இறுதியாக,
மேலே குறிப்பிட்ட இந்த உணவுகள் எல்லாமே உங்கள் ஒட்டுமொத்த ஆரோக்கியத்துக்கு மட்டுமல்ல, பளபளப்பான சருமத்தின் ஆரோக்கியத்தையும் மேம்படுத்தும். சரும ஆரோக்கியத்தை எவ்வளவு ஹைட்ரேட்டிங்காக வைத்திருக்க முடியுமோ அவ்வளவு நல்லது. அதனால் மேலே குறிப்பிட்ட உணவுகளோடு சேர்த்து நிறைய தண்ணீர் குடிப்பதும் முக்கியம்.