முருகப்பெருமானுக்கு உகந்த கந்த சஷ்டி விரதம் ஆண்டுதோறும் கோலாகலமாக கொண்டாடப்படுகிறது. லட்சக்கணக்கான பக்தர்கள் முருகனின் அருளைப் பெற இந்த விரதத்தை மேற்கொள்கின்றனர். ஆனால், இந்த விரதத்தை சரியான முறையில் கடைப்பிடித்தால் மட்டுமே முருகனின் முழுமையான அருளையும், நாம் கேட்காத வேண்டுதல்களையும் கூட பெற முடியும். இந்த ஜோதிடக் கட்டுரை கந்த சஷ்டி விரதத்தின் மகத்துவத்தையும், முருகனை வழிபடும் சிறந்த வழிமுறைகளையும் விளக்குகிறது.
கந்த சஷ்டி விரதம்: உண்மையான பலன் எப்போது?
முருகப் பெருமானுக்கு மிகவும் விருப்பமான கந்த சஷ்டி விழா துவங்கிவிட்டது. லட்சக்கணக்கான முருக பக்தர்கள் காப்பு கட்டியும், காப்பு கட்டாமலும், வீடுகளிலும், கோயில்களிலும் இருந்து கந்தசஷ்டி விரதத்தை கடைபிடித்து வருகின்றனர். ஒவ்வொருவரும் ஒவ்வொரு வேண்டுதல் அல்லது கோரிக்கை நிறைவேற வேண்டும் என முருகப் பெருமானை மனதார வேண்டிக் கொண்டு கந்த சஷ்டி விரதம் இருப்பார்கள்.
இப்படி வேண்டிக் கொண்டு, கந்த சஷ்டி விரதம் இருப்பவர்கள் அனைவருக்கும் முருகனின் அருள் கிடைத்து, அவர்களின் துன்பம் உடனடியாக தீர்ந்து விடுமா என்று கேட்டால் கண்டிப்பாக கிடையாது. பிறகு எதற்காக இப்படி உடலையும், மனதையும் வருத்திக் கொண்டு முருகனை வேண்டி விரதம் இருக்க வேண்டும் என்று தானே கேட்கிறீர்கள்? நாம் இருக்கும் விரதத்திற்கும், வழிபாட்டிற்கும் நிச்சயம் ஒரு நாள் பலன் கிடைக்கும். அது சிலருக்கு உடனடியாக கிடைக்கும். இன்னும் சிலருக்கு சில காலங்கள் கழித்து கிடைக்கும். நம்முடைய கர்மவினைகளின் அடிப்படையில் தான் இறைவனின் அருள் நமக்கு கிடைக்கும்.
நாம் வாழ்க்கையில் அனுபவிக்கும் அனைத்து விதமான துன்பங்களுக்கும் நம்முடைய கர்மவினைகளே காரணமாக சொல்லப்படுகின்றன. தொடர்ந்து இறைவனை வழிபட்டு, இறை நாமங்களை சொல்லிக் கொண்டே இருப்பதால் நம்முடைய கெட்ட கர்மாக்கள் குறைந்து, நல்ல கர்மாக்கள் அதிகரிக்க துவங்கும். அப்படி கெட்ட கர்மாக்கள் குறையும் போது, நாம் இருக்கும் விரதம், செய்யும் வழிபாடு ஆகியவற்றிற்கு உரிய பலன் கிடைக்கும்.
முருகனை வழிபடும் சரியான முறை
நீங்கள் முருக பக்தராக இருந்து, கந்த சஷ்டி விரதம் கடைபிடிப்பவராக இருந்தால், முருகப் பெருமானிடம் பிரார்த்தனை செய்யும் போது, இது வேண்டும் அது வேண்டும் என்றோ வேண்டிக் கொள்ளாதீர்கள். அதே போல் ஒரு போதும் முருகனிடம் உங்களின் கஷ்டத்தை சொல்லியும் புலம்பாதீர்கள். முருகப் பெருமானின் அருளை பெறுவதுடன், முருகனிடம் நீங்கள் முன் வைத்த வேண்டுதல்கள் அனைத்தும் நிறைவேற ஒரு குறிப்பிட்ட முறையில் வழிபடுங்கள்.
இப்படி சொல்லி மனதார முருகனை வழிபட்டால், நிச்சயம் முருகன் அருளால் உங்களின் வேண்டுதல்கள் அனைத்தும் நீங்கள் கேட்காமலேயே நிறைவேறும் என்பது நம்பிக்கை. அந்த முறை:
"அப்பனே, முருகா எனக்கு நீ மட்டும் போதும்; நீ பார்த்து கொடுப்பதை ஏற்றுக் கொள்கிறேன். என்னை உன்னுடைய தொண்டனாக ஏற்றுக் கொள்; உன் திருவடியில் எனக்கும் இடம் கொடு; இதுவரை நான் பட்ட கஷ்டங்கள் அனைத்தும் போதும்; இனியும் எனக்கு கஷ்டம் வேண்டாம்; என் வாழ்க்கையை நல்ல படியாக மாற்று; என்னுடைய வாழ்க்கைக்கு எது நல்லதோ அதை எனக்கு கொடு; எனக்கு அனைத்து நலன்களும் கிடைக்க செய். நல்ல தகுதியை கொடுத்து வாழவை முருகா."
கந்த சஷ்டி விரதம் இருக்கும் போது ஏழு நாட்களும் முருகப் பெருமானை மனதார நினைத்து, காலை மற்றும் மாலை இரு வேளையும் முருகப் பெருமானுக்கு முன்பு விளக்கேற்றி வைத்து, மனதார இப்படி வேண்டிக் கொள்ளுங்கள். நீங்கள் நினைப்பது மட்டுமல்ல, நீங்கள் வாழ்வில் நினைத்து பார்க்காத பல நல்ல விஷயங்களை முருகப் பெருமான் உங்களுக்கு தந்து அருளுவார். இதுவே ஜோதிடம் கூறும் ஒரு சிறந்த வழிமுறை.
கந்த சஷ்டி விரதத்தின் முக்கியத்துவம்
- கெட்ட கர்மவினைகளைக் குறைக்கிறது.
- நல்ல கர்மவினைகளை அதிகரிக்கிறது.
- முருகனின் நேரடி அருளைப் பெற வழிவகுக்கிறது.
- வேண்டுதல்கள் கேட்காமலேயே நிறைவேறும்.
- மன அமைதியையும், ஆன்மீக வளர்ச்சியையும் தருகிறது.
- முருகனின் ஆறுபடை வீடுகளைப் போற்றும் உணர்வை வளர்க்கிறது.