சொந்த வீடு கட்ட வேண்டும் என்ற உங்களின் கனவு, எத்தனையோ வழிபாடுகள் செய்தும் பலிக்கவில்லையா? அனைத்து தெய்வங்களுக்கும் முன்பாக, குலதெய்வத்தின் அருள் மிகவும் அவசியம். உங்கள் குலதெய்வத்தின் கோபம் தீர்ந்து, அவர்களின் முழுமையான ஆசீர்வாதத்தைப் பெற்று, தடையில்லாமல் வீடு கட்ட உதவும் சக்தி வாய்ந்த, ஆனால் எளிமையான பரிகாரம் பற்றி இங்கு விரிவாகக் காணலாம். இது உங்கள் ஜோதிட நிலையை மேம்படுத்தி, விரைவாக சொந்த வீடு அமைய உதவும்.
குலதெய்வ அருளின் முக்கியத்துவம்
நீங்கள் எந்த தெய்வத்திடம் சென்று முறையிட்டாலும், எவ்வளவு சக்தி வாய்ந்த பூஜை செய்து, விரதம் இருந்து வேண்டிக் கொண்டாலும் உங்களின் வேண்டுதல் நிறைவேற வேண்டும், நீங்கள் வழிபட்ட அந்த தெய்வத்தின் அருள் உங்களுக்கு கிடைக்க வேண்டும், நீங்கள் செய்த பூஜை, வழிபாடுகள், விரதங்கள், சொல்லிய மந்திரங்கள் அனைத்தும் முழுமையான பலனை தர வேண்டும் என்றாலும் அதற்கு முதலில் குலதெய்வத்தின் அருள் வேண்டும். முதலில் குலதெய்வத்தையும், விநாயகப் பெருமானையும் வேண்டி, வழிபட்ட பிறகு தான் மற்ற தெய்வங்களை வழிபட வேண்டும். குலதெய்வத்தை மறந்து விட்டு, வேறு எந்த தெய்வத்தை கொண்டாடினாலும், மனம் உருகி வேண்டினாலும் அந்த வழிபாடு பலன் தராது என்பது ஆன்மீக பெரியோர்களின் வாக்கு. அதனால் உங்களின் வீடு கட்டும் ஆசையாக உறுதியாக நிறைவேற வேண்டும் என்றால், குலதெய்வத்திற்கு வீட்டிலேயே ஒரு எளிமையான பரிகாரத்தை செய்வதால் பிரார்த்தனை நிச்சயம் நிறைவேறும்.
சொந்த வீடு அமைய எளிய குலதெய்வ பரிகாரம்
இந்த எளிமையான பரிகாரத்தை வீட்டிலேயே செய்யலாம். தேவையான பொருட்கள்:
- மஞ்சள் நிற துணி (வெள்ளை நிற துணியை மஞ்சளில் நனைத்து உலர வைத்து தயார் செய்யலாம்)
- சிறியதாக படிகார கல் ஒன்று
- ஒரு பித்தளை நாணயம்
- பெரிய கட்டி பச்சை கற்பூரம்
இப்பொருட்களை மஞ்சள் நிற துணியில் வைத்து முடிச்சாக கட்டி, குல தெய்வத்தின் பாதத்தில் வைத்து வேண்டிக் கொள்ள வேண்டும். அப்போது, "குலதெய்வத்தின் கோபம், குல தெய்வத்திற்கு முன்னோர்கள் செய்யாத நேர்த்திக் கடன் ஏதாவது இருந்தால் எங்களுக்கு மன்னிப்பு கிடைக்க வேண்டும்" என குலதெய்வத்திடம் மனதார வேண்டிக் கொள்ள வேண்டும். மேலும், "விரைவில் சொந்த வீடு கட்ட அருள் செய்ய வேண்டும். அப்படி துவங்கும் போது, எந்த தடையும் இல்லாமல் விரைவில் அந்த வீட்டை கட்டி முடிக்க துணையாக இருந்து, அருள் செய்ய வேண்டும்" என மனதார வேண்டிக் கொள்ள வேண்டும்.
வழிபாடு மற்றும் பலன்கள்
பிறகு உங்களின் குடும்ப வழக்கப்படி, குலதெய்வத்திற்கு பொங்கல் வைத்தோ அல்லது அபிஷேகம் செய்தோ வழிபாட்டை நிறைவு செய்து கொண்டு, பூஜை அறையில் நீங்கள் முடிந்து வைத்த அந்த படிகார முடிச்சை அப்படியே வைத்து விடுங்கள். அதற்கு தீப, தூபம் காட்டி வழிபடுங்கள். இந்த பரிகாரம் குலதெய்வத்தின் அருளை ஈர்க்கும் சக்தி கொண்டது. இந்த வழிபாட்டினை அமாவாசை, பெளர்ணமி ஆகிய தினங்களில் செய்வது சிறப்பு. குலதெய்வம் கோவிலுக்கு நேரில் செல்ல முடிந்தவர்கள், மஞ்சள் துணியில் முடிந்து வைத்த பொருட்களை அப்படியே குலதெய்வம் கோவிலில் தெய்வத்தின் காலடியில் வைத்து மனதார வழிபட்டு விட்டு வாருங்கள். முடிந்தால் அபிஷேகப் பொருட்கள் வாங்கிச் சென்று, அபிஷேகம் செய்து, பொங்கல் வைத்து வழிபட்டு விட்டு வரலாம். நீங்கள் வைக்கும் பொங்கலை யாராவது இரண்டு பேருக்காவது தானம் செய்து விட்டு வாருங்கள். உங்கள் குலதெய்வம் உங்களுடனேயே வீட்டிற்கு வந்து, உங்களின் வேண்டுதலை விரைவில் நிறைவேற்றி வைக்கும். இது ஜோதிட ரீதியாகவும் உங்கள் யோக நிலையை மேம்படுத்தும்.