முருகன் ஸ்லோகம்: செவ்வாய்க்கிழமை வழிபாட்டின் மகிமை

முருகப்பெருமானின் மகிமை மற்றும் செவ்வாய்க்கிழமை சிறப்பு

பக்தர்கள் வேண்டும் வரங்களை கொடுக்கும் கண் கண்ட தெய்வமாகவும், பக்தர்கள் மனமுருகி அழைத்தால் உடனடியாக ஓடி வரும் கலியுக தெய்வமாகவும் விளங்குபவர் முருகப் பெருமான். அவரை செவ்வாய் கிழமைகளில் விரதம் இருந்து வழிபட்டால் தீராத துன்பம் தீரும். முருகனின் அருள் கிடைக்கும் என்பது அனைவருக்கும் தெரியும். அதோடு செவ்வாய் கிழமைகளில் சில குறிப்பிட்ட முறையில் எளிமையான முறையில் முருகனை வழிபடும் போது, மிக வேகமாக முருகனின் அருளும், நம்முடைய வேண்டுதலுக்கு உரிய பலனையும் பெற முடியும்.

முருகப் பெருமானின் அருள் பெறுவதற்கும், முருகனை துதிப்பதற்கும் எத்தனையோ மந்திரங்கள், ஸ்லோகங்கள் உள்ளன. முருகப் போற்றி பாட வேண்டும் என்றால் பலருக்கும் தெரிந்தது கந்த சஷ்டி கவசம் தான். அதற்கு அடுத்தபடியாக முருகனின் அருளை பெற பக்தர்களால் பாடப்படுவது திருப்புகழ் தான். திருப்புகழில் ஆயிரக்கணக்கான பாடல்களை அருணகிரிநாதர் பாடி உள்ளார். இவை ஒவ்வொன்றும் ஒவ்வொரு பலனை தரக் கூடியதாகும். நம்முடைய பிரச்சனைக்கு ஏற்ற பாடலை தேர்வு செய்து தினமும் பாடி வருவது சிறப்பு. இது தவிர கந்தர் அநுபூதி, கந்தர் அலங்காரம் என எத்தனையே பாடல்கள், பதிகங்கள், ஸ்லோகங்கள் உள்ளன.

இவற்றில் மிகவும் எளிமையான அதே சமயம் சக்தி வாய்ந்த ஒரு முருகன் ஸ்லோகம் இங்கே கொடுக்கப்பட்டுள்ளது. இந்த ஸ்லோகம் உங்கள் ஜோதிட ரீதியான பிரச்சனைகளுக்கும் தீர்வு தரும் என நம்பப்படுகிறது. மேலும், ஆறுபடை வீடுகள் மற்றும் முருகன் ஆலயங்கள் பற்றி அறிந்துகொள்வதற்கும் இது ஒரு சிறப்பான துவக்கம்.

சக்தி வாய்ந்த முருகன் ஸ்லோகம்

"அருளொளி புனிதா, வேலொளி விளக்கே
குருச்வரூபா குமரா முருகா!
நின் தாள் பணிந்துனை வணங்குகிறேனே,
பழமுதிர்சேலைப் பரிபூரணா!
மலரடி பணிவேன் மனமகிழ் கொண்டு,
மயில் மீது வருவாய் மனம்கவிக்க!"

ஸ்லோகத்தின் பொருள்:

அருளால் ஒளி பெரும் புனிதா, வேலின் ஒளியால் வழிகாட்டும் விளக்கே. குருவின் வடிவே...அழகிய குமரா, முருகா. உன்னுடைய திருப்பாதங்களை வணங்கி பணிகிறேன். பழமுதிர்சோலையில் வீற்றிருக்கும் பரிபூரணமான தலைவனே...மனம் மகிழ்ச்சியுடன் உன்னுடைய மலர் போன்ற திருவடிகளை பணிகிறேன். மயில் மீது ஏறி வந்து என்னுடைய மனதை கவர்ந்து மகிழ்விக்க வேண்டும்.

வழிபடும் முறை மற்றும் பலன்கள்

இந்த ஸ்லோகத்தை பொருள் உணர்ந்து, மனதில் முருகப் பெருமானை மனதார நினைத்து, செவ்வாய்க்கிழமைகளில் மாலை நேரத்தில் வீட்டில் விளக்கேற்றி வைத்து சொல்ல வேண்டும். செவ்வாய்கிழமைகளில் உபவாசமாக இருந்தோ அல்லது சைவ உணவுகளை எடுத்துக் கொண்டு, மாலை நேரத்தில் வீட்டின் பூஜை அறையில் அமர்ந்து, இந்த ஸ்லோகத்தை நிதானமாக மூன்று முறை சொல்லுங்கள். பிறகு முருகப் பெருமானிடம் உங்களின் வேண்டுதலை சொல்லுங்கள். விரைவிலேயே உங்களின் வேண்டுதல் அல்லது கோரிக்கையை முருகப் பெருமான் நிறைவேற்றி வைப்பார்.

இந்த ஸ்லோகத்தை முருகப் பெருமானை வழிபடுவதற்கு ஏற்ற செவ்வாய்கிழமைகளில் மட்டுமின்றி, தினமுமோ சொல்வது மிகவும் சிறப்பானது. சஷ்டி, கிருத்திகை போன்ற முக்கிய விரத நாட்களிலும் இந்த ஸ்லோகத்தை முருகனை நினைத்து மனதார சொல்லலாம். இந்த ஸ்லோகத்தை அதன் பொருள் உணர்ந்து சொல்ல சொல்ல முருகன் உங்களை நெருங்கி வருவதையும், முருகப் பெருமான் உங்களின் வாழ்க்கையில் அற்புதங்கள் நடத்த துவங்குவதையும் மனதார உணர முடியும். தினமும் எத்தனை முறை இந்த ஸ்லோகத்தை சொல்ல முடியுமோ, அத்தனை முறை சொல்லலாம். அது இன்னும் சிறப்பான பலனை உங்களுக்கு தரும்.