கொழுப்பு கல்லீரல் நோய் கிரேடு 1: தக்காளி மூலம் குணப்படுத்துவது எப்படி? – மருத்துவர் உஷானந்தினி குறிப்புகள்

கொழுப்பு கல்லீரல் நோய் கிரேடு 1: ஒரு அறிமுகம்

கொழுப்பு கல்லீரல் நோய் கிரேடு 1 நிலையில் உடலில் எந்தவிதமான அறிகுறியையும் தனித்து காட்டாமல் வெளிப்படும். பொதுவான உடல் சோர்வு, உடல் எடை அதிகரித்தல், மேல் வயிறு உப்புசம் போன்றவை மற்ற உடல் பிரச்சனைகளுடன் பொருத்தி பார்க்கப்படுகிறது. இந்த கிரேடு 1 கொழுப்பு கல்லீரல் நோய் பெரும்பாலும் குணப்படுத்தக்கூடியதே. ஏனெனில் கல்லீரல் தன்னைத்தானே பழுது நீக்கி கொள்ளும் உறுப்பு என்பதால் இந்த ஆரம்ப நிலை ஃபேட்டி லிவர் பிரச்சனையை சமச்சீரான உணவு, உடற்பயிற்சி மற்றும் உடல் எடையை நிர்வகித்தல் மூலம் மீட்டுவிடலாம். இந்த ஃபேட்டி லிவர் பிரச்சனை அலட்சியம் செய்தால் இது வீக்கம் மற்றும் கல்லீரல் பாதிப்புடன் தொடர்புடைய கடுமையான நிலைக்கு முன்னேறலாம். அதனால் ஆரம்ப நிலையில் சரிசெய்ய உணவு முறையில் சேர்க்க வேண்டிய காய்கறிகள் என்னென்ன என்பதை பார்க்கலாம்.

கொழுப்பு கல்லீரல் நோயின் நிலைகள்

மருத்துவர் அறிவுரை கேட்பதற்கு முன்பு ஃபேட்டி லிவர் பற்றி தெரிந்துகொள்வோம். இந்த ஃபேட்டி லிவர் 4 ஸ்டேஜ்களாக பிரிக்கப்படுகிறது. இதில் முதல் 2 வகை குணப்படுத்தலாம்.

• கிரேடு 1 ஃபேட்டி லிவர்

  இது ஒரு லேசான கொழுப்பு கல்லீரல் நோய். கல்லீரலில் 5%-33% வரை கொழுப்பு சேரும்போது இது ஏற்படுகிறது. சரியான நேரத்தில் கண்டுபிடித்து சிகிச்சை பெறுவது முக்கியம்.

• கிரேடு 2 கொழுப்பு கல்லீரல்

  இது மிதமான நிலை. கல்லீரலில் 34% முதல் 66% வரை கல்லீரலில் கொழுப்பு சேரும்போது இது ஏற்படுகிறது. இது சாதாரண அளவை விட அதிகம். உணவுப் பழக்கங்களை மாற்றுவது, உடற்பயிற்சி செய்வது போன்ற வாழ்க்கை முறை மாற்றங்கள் மூலம் இந்த நிலையைக் கட்டுப்படுத்தலாம்.

கொழுப்பு அல்லாத கல்லீரல் நோய் கிரேடு 3 மற்றும் 4

• கிரேடு 3 கொழுப்பு கல்லீரல்

  இதில் கல்லீரலில் அதிக கொழுப்பு சேரும் ஒரு நிலை. கல்லீரலில் 66% க்கும் அதிகமான கொழுப்பு சேர்ந்தால், அது தீவிரமான ஃபேட்டி லிவர். ஆபத்தானது சிகிச்சை தேவை.

• கிரேடு 4 கொழுப்பு கல்லீரல்

  இது சிரோசிஸ் என்று அழைக்கப்படுகிறது. இது கல்லீரலுக்கு அதிக பாதிப்பை ஏற்படுத்தும். மஞ்சள் காமாலை, வயிறு வீக்கம், ரத்தப்போக்கு போன்ற அறிகுறிகள் தெரியும். இதை பெரும்பாலும் சரி செய்ய முடியாது. இந்நிலையில் கல்லீரல் மாற்று அறுவை சிகிச்சை செய்யாவிட்டால், அது உயிருக்கு ஆபத்தாகலாம். அதனால் கல்லீரல் கொழுப்பு நோய் ஆரம்ப நிலையில் வராமல் தவிர்ப்பது தான் பாதுகாப்பானது.

கிரேடு 1 கொழுப்பு கல்லீரல் நோயை குணப்படுத்தும் காய்கறிகள்

கிரேடு 1 ஃபேட்டி லிவர் பாதிப்புக்கு ஆளான 90% நபர்கள், உணவு முறை, உடற்பயிற்சி, உடல் எடை, வாழ்க்கை முறை போன்றவற்றில் கவனம் செலுத்தினாலே கல்லீரல் இயல்பு நிலைக்கு கொண்டு வந்துவிடமுடியும். உணவுகளில் புடலங்காய், பிர்க்கங்காய், சுரைக்காய், வெள்ளைப்பூசணிக்காய் என நீர்ச்சத்து மிக்க காய்கறிகள் எளிதாக கிடைக்கக் கூடியவை. அதனுடன் வெள்ளரிக்காய் நீர்ச்சத்து மிக்க காய்கறிகள் என்பதோடு அது உடலை டீடாக்ஸ் செய்யக்கூடியது. இவை எல்லாமே உடல் கழிவுகளை வெளியேற்றும் தன்மை கொண்டவை. இவற்றை சேர்த்து வருவதன் மூலம் கல்லீரல் ஆரோக்கியத்தை பாதுகாக்க முடியும்.

கிரேடு 1 கொழுப்பு கல்லீரல் நோய் குணப்படுத்தும் தக்காளி

காய்கறிகளில் எப்போதும் வீட்டில் இருக்கக்கூடியவை என்றால் தக்காளி பற்றி சொல்லலாம். தக்காளி, கொழுப்பு அல்லாத கல்லீரல் நோய் கிரேடு 1 நிலைக்கு சிகிச்சை செய்யும். தக்காளி கல்லீரலுக்கு நல்லது. தக்காளியில் லைகோபீன் என்ற சத்து உள்ளது. இது நாள்பட்ட நோய்களைக் குறைக்கிறது. தக்காளியில் இருக்கும் சல்பர் மற்றும் குளோரின் இரண்டு உயிர்ச்சத்துக்கள், கல்லீரல் சுற்றி இருக்கும் கொழுப்பு படிவத்தை கரைத்து வெளியேற்றும். இந்த தக்காளியை சரியான முறையில் சேர்த்து வருவது கல்லீரல் கொழுப்பு நன்றாக குறைவதற்கான வாய்ப்பை அதிகரிக்கும்.

கிரேடு 1 கொழுப்பு கல்லீரல் நோய் குறைய தக்காளியை எப்படி எடுப்பது?

தக்காளியை உணவில் சேர்ப்பது வழக்கம் என்றாலும் கிரேடு 1 கொழுப்பு கல்லீரல் நோய் கொண்டிருப்பவர்கள் தக்காளியை முக்கிய உணவாக எடுத்துக்கொள்ளலாம்.

• தக்காளி சாலட் போன்று சாப்பிடலாம்.
• தக்காளியை வெதுவெதுப்பான நீரில் போட்டு சுத்தம் செய்து அப்படியே சாப்பிடலாம்.
• தக்காளியை பச்சையாக சாப்பிடலாம்.
• கெட்சப் சாஸ் வீட்டில் ஆரோக்கியமாக தயாரித்து சாப்பிடலாம்.
• தக்காளி சாறு குடிக்கலாம்.
• இன்னும் ஆரோக்கியமான முறையில் தக்காளி சூப் வைத்து குடிக்கலாம்.

உங்கள் உணவில் ஆரோக்கியமான கல்லீரலுக்கு நன்மை செய்யும் உணவுகளோடு உடல் பயிற்சி, உடல் எடை நிர்வகித்தால் நிச்சயம் கல்லீரல் இயல்பு நிலைக்கு திரும்பிவிட அதிக வாய்ப்புண்டு.

ஆய்வுகள் சொல்வது என்ன?

கிரேடு கொழுப்பு கல்லீரல் நோய்க்கு தக்காளி உதவுமா என்பது குறித்து ஆய்வு சொல்வது என்ன?

தக்காளி ஒரு சூப்பர் உணவு. இது புற்றுநோய், எலும்பு பலவீனம், இதய நோய்கள் வராமல் தடுக்க உதவும். தக்காளி சாப்பிடுபவர்களுக்கு நுரையீரல், புரோஸ்டேட், வயிறு, கர்ப்பப்பை, மார்பகம், வாய், குடல், உணவுக்குழாய், கணையம் போன்ற புற்றுநோய்கள் வரும் ஆபத்து குறைகிறது. தக்காளிக்கு நிறம் கொடுக்கும் லைகோபின் மற்றும் அதன் ஃப்ளவனாய்டுகள் இதற்கு காரணமாக இருக்கலாம் என்று சொல்லப்படுகிறது. மேலும், தக்காளியில் இருக்கும் குளோரின் மற்றும் சல்பர் உடல் நச்சை வெளியேற்றுவதால் கல்லீரல் ஆரோக்கியம் மேம்படும் என்று தக்காளி குறித்த ஆய்வு ஒன்றில் சொல்லப்பட்டுள்ளது.

தக்காளி சாப்பிடுவதால் கல்லீரலுக்கு கிடைக்கும் நன்மைகள் குறித்து மற்றொரு ஆய்வு!

சிங்கப்பூர் சீன சுகாதார ஆய்வு, தக்காளிக்கும், லைகோபீனுக்கும் இடையில் கல்லீரல் புற்றுநோய் (Hepatocellular carcinoma) ஆபத்துக்கும் உள்ள தொடர்பு ஆராயப்பட்டது. ஆய்வில் மொத்தம் 63,257 பேர், 45 முதல் 74 வயது வரை உள்ள சீனர்கள் பங்கேற்றார்கள். அவர்கள் அவர்களின் உணவுப் பழக்கம் பற்றி கேள்வித்தாள் மூலம் தகவல் சேகரிக்கப்பட்டது. 17.6 வருடங்கள் கண்காணிப்பில், 561 பேருக்கு கல்லீரல் புற்றுநோய் வந்தது. தக்காளி குறைவாக சாப்பிட்டவர்களுடன் ஒப்பிடும்போது, அதிகம் சாப்பிட்டவர்களுக்கு இந்த கல்லீரல் புற்றுநோய் ஆபத்து குறைந்தது கண்டறியப்பட்டது. ஹெபடைடிஸ் B வைரஸ் தொற்று இல்லாதவர்களுக்கு இது மிகவும் நல்லது. ஆல்கஹால் அல்லாத கொழுப்பு கல்லீரல் நோய் அதிகரித்து வரும் நிலையில், ஆய்வில் தக்காளி, கொழுப்பு கல்லீரல் நோய் அபாயத்தை குறைக்க உதவும் என்று ஆராய்ச்சி கூறுகிறது.

அடிக்கடி கேட்கப்படும் கேள்விகள் (FAQ)