தமிழ் பாரம்பரியத்தில், உடல் நலமும் ஆன்மீகமும் ஒன்றிணைந்தவை. ஜோதிடம் எவ்வாறு நம் வாழ்வின் வழிகாட்டியோ, அதேபோல இயற்கை வைத்தியங்களும் நம் உடல் ஆரோக்கியத்திற்கு உதவுகின்றன. முடி உதிர்வது ஒரு பொதுவான பிரச்சனையாகும். ஆனால் கொத்து கொத்தாக முடி உதிர்வது, ஒரு நாளைக்கு 100 முடிக்கு மேல் உதிர்வது இயல்பானது அல்ல. உங்களுடைய உச்சந்தலை முடியின் வேர்க்கால்கள் பலவீனமாக இருப்பதையே இது காட்டுகிறது. அவற்றை உறுதியாக்க உதவும் சில வீட்டு வைத்தியங்களை இங்கு காணலாம்.
முடி உதிர்தல் என்றால் என்ன?
குளிக்கும்போது, தலை சீவும் போது குறைவாக முடி உதிர்தல் நடப்பது இயல்பான விஷயம் தான். ஆனால் கொத்து கொத்தாக முடி உதிர்வது, ஒரு நாளைக்கு 100 முடிக்கு மேல் உதிர்வது இயல்பானது அல்ல. விதவிதமான ஷாம்பு, வகை வகையான எண்ணெய் என என்ன செய்தாலும் முடி நிறைய கொட்டுகிறது என்றால் உங்களுடைய உச்சந்தலை முடியின் வேர்க்கால்களும் உறுதியாக இல்லாமல் பலவீனமாக இருக்கிறது என்று அர்த்தம். அதற்கு முதலில் முடியின் வேர்க்கால்களை உறுதியாக்க வேண்டும்.
இயற்கையான வீட்டு வைத்தியங்கள்
நெல்லிக்காய் சாறு
தலைமுடி சார்ந்த எல்லா பிரச்சினைக்குமே நெல்லிக்காய் மிகச்சிறந்த அருமருந்து. ஃப்ரஷ்ஷான நெல்லிக்காய் சாறை எடுத்து அதை உச்சந்தலை முதல் முடியின் நுனி வரையிலும் தேய்த்து அப்ளை செய்து நன்கு மசாஜ் செய்து விடுங்கள். நெல்லிக்காயில் உள்ள வைட்டமின் சி கொலாஜன் உற்பத்தியை அதிகரித்து உச்சந்தலையை ஹைட்ரேட்டிங்காக வைப்பதோடு முடியின் வளர்ச்சியையும் அதிகரிக்கும். வாரத்தில் ஒருமுறை நெல்லிக்காய் பொடியை தயிரில் அல்லது தண்ணீரில் கலந்து ஹேர்பேக் போட்டு வர முடி வளர்ச்சி அதிகரிக்கும்.
ஆயில் மசாஜ்
வாரம் ஒரு முறையாவது எண்ணெயை சூடாக்கி வெதுவெதுப்பான நிலையில் தலையில் நன்கு மசாஜ் செய்ய வேண்டும். முடிக்கு எண்ணெய் தேய்ப்பதாலேயே அது வளர்ந்து விடாது என்று அறிவியல்பூர்வமாக சொல்லப்பட்டாலும் இந்த எண்ணெய் மசாஜ் வேர்க்கால்களின் உள்ளே வரை சென்று ஹைட்ரேட்டிங்காக மாற்றும். அதோடு உச்சந்தலையில் ரத்த ஓட்டத்தை அதிகரிக்கச் செய்யும். ரத்த ஓட்டம் அதிகரிக்கும் ஆபாது இயற்கையாகவே முடி வளர்ச்சி தூண்டப்படும். முடிக்கு மசாஜ் செய்ய தேங்காய் எண்ணெய், நல்லெண்ணெய், பாதாம் ஆயில், ரோஸ்மேரி ஆயில் ஆகியவற்றைப் பயன்படுத்தலாம். ரோஸ்மெரி போன்ற எசன்ஷியல் ஆயிலை ஏதேனும் கெரியர் ஆயிலுடன் சேர்த்து பயன்படுத்தலாம்.
தயிர், தேன் ஹேர்பேக்
தயிரில் இருக்கும் புரதச்சத்தும் தேனில் இருக்கும் மாய்ஸ்ச்சரைஸரும் தலைமுடிக்கு உள்ளிருந்து ஊட்டத்தைக் கொடுக்கின்றன. நீண்ட நேரம் வேர்க்கால்களை இது ஹைட்ரேட்டிங்காக வைத்திருக்கும். இந்த இரண்டு பொருள்களையும் சேர்த்து வாரத்திற்கு ஒருமுறை ஹேர்பேக் போட்டு அரை மணி நேரம் கழித்து முடியை அலசுங்கள். தொடர்ந்து இதை செய்து வரும்போது முடி மெலிதல் பிரச்சினை குறைந்து அடர்த்தியாக வளர ஆரம்பிக்கும். அதோடு தயிரில் உள்ள அழற்சி எதிர்ப்பு பண்புகள் பொடுகு மற்றும் பிறகு உச்சந்தலையில் உள்ள பிரச்சினைகளையும் தீர்க்கும்.
வெங்காயச் சாறு
வெங்காயச் சாறு காலங்காலமாக தலைமுடியின் வளர்ச்சிக்கு பயன்படுத்தப்படும் வீட்டு வைத்தியங்களில் ஒன்றாக இருக்கிறது. முடியின் நுண்குழாய்களுக்குள் தூண்டி முடியின் வளர்ச்சியை ஊக்குவிக்கும். வாரத்தில் ஒன்று அல்லது இரண்டு முறை வெங்காயச் சாறை எடுத்து அதை உச்சந்தலை முதல் முடி நுனிவரை தேய்த்து மசாஜ் செய்து வர முடியின் வளர்ச்சி அதிகரிக்கும்.
மன அழுத்தமும் ஆரோக்கிய டயட்டும்
முடி உதிர்தல் என்பது வெளியில் இருந்து மட்டு உள்ளே இருந்தும் ஏற்படுகிறது. மன அழுத்த ஹார்மோன்கள் முடி வேர்களை பலவீனப்படுத்துகின்றன. தியானம், யோகா மற்றும் நல்ல தூக்கம் உங்கள் தலைமுடியை ஆரோக்கியமாக வைத்திருக்கும். புரதச்சத்து, இரும்புச்சத்து, பயோடின், வைட்டமின் ஈ ஆகியவை நிறைந்த உணவுகளை அதிகமாகச் சேர்த்துக் கொள்ள வேண்டும். இந்த உணவுகள் முடியை உள்ளிருந்து பலப்படுத்துகிறது. முடி உதிர்தலைக் குறைக்கிறது.
முக்கிய அம்சங்கள்
- இயல்பற்ற முடி உதிர்தல் வேர்க்கால் பலவீனத்தின் அறிகுறி.
- நெல்லிக்காய் வைட்டமின் சி மற்றும் கொலாஜன் உற்பத்திக்கு உதவும்.
- ஆயில் மசாஜ் உச்சந்தலை இரத்த ஓட்டத்தை அதிகரிக்கும்.
- தயிர் மற்றும் தேன் ஹேர்பேக் முடியை ஊட்டமளித்து அடர்த்தியாக்கும்.
- வெங்காயச் சாறு முடி வளர்ச்சியை நேரடியாக ஊக்குவிக்கும்.
- மன அழுத்தம் குறைப்பு மற்றும் சத்தான உணவு முடி ஆரோக்கியத்திற்கு அத்தியாவசியம்.