வாழ்க்கையில் தொடர் தோல்விகள், குழப்பம், பயம் மற்றும் எந்தவித முயற்சியும் பலனளிக்காத சூழ்நிலையில் தனியாக உணர்கிறீர்களா? மகாவிஷ்ணுவின் சக்திவாய்ந்த அவதாரமான நரசிம்மரின் மந்திரங்கள் உங்களுக்கு நிச்சயம் கை கொடுக்கும். நம்பிக்கையுடன் நரசிம்மரை வணங்கி, இந்த மந்திரங்களை உச்சரித்தால் நடக்காத காரியங்களும் நடந்து அற்புதங்கள் நிகழும். தமிழ் ஜோதிடத்தில் நரசிம்மர் வழிபாட்டின் முக்கியத்துவத்தை இதில் காணலாம்.
நரசிம்மர்: அவதாரமும், ஆற்றலும்
நரசிம்மர், மகாவிஷ்ணுவின் நான்காவது அவதாரமாகத் தோன்றியவர். மனிதனின் உடலும், சிங்கத்தின் தலையும் கொண்ட இவர், எதிரிகளை நடுங்கச் செய்யும் ஆக்ரோஷமும், வேகமும் கொண்டவர். இவரது மந்திரங்கள் உடனடியாக பலன்களைத் தரக்கூடியவை.
பக்தர்களின் துயரங்களை உடனடியாக நீக்கும் இவரின் சிறப்பு, மற்ற அவதாரங்களை விட தனித்துவமானது. "நாளை என்பது நரசிம்மருக்கு கிடையாது" என்பார்கள். பக்தர்கள் மனதில் நினைக்கும்போதே ஓடி வந்து அருள் புரிவார்.
லட்சுமி நரசிம்மர் மந்திரம் மற்றும் பொருள்
"யஸ்ப அபவத் பக்தஜன ஆர்த்திஹந்து பித்ருத்வம் அந்யேஷு அவிசார்ய தூர்ணம் ஸ்தம்பே அவதார தம் அநந்ய லப்யம் லக்ஷ்மி ந்ருஸிம்ஹம் சரணம் பிரபத்யே."
இந்த ஸ்லோகத்தைச் சொல்ல முடியாதவர்கள் இதன் பொருளைச் சொல்லலாம்:
"பக்தி அற்றவர்களால் அடைய முடியாதவனே!! தாயின் கர்ப்பத்தில் அவதரித்தால் தாமதமாகும் என்று தூணில் அவதரித்தவனே!! நினைத்த மாத்திரத்தில் பக்தர்களின் துன்பத்தைப் போக்குபவனே!! லட்சுமி நரசிம்மனே!! உனது திருவடியைச் சரணடைகிறேன்."
நரசிம்ம காயத்ரி மந்திரம்
தினமும் இந்த காயத்ரி மந்திரத்தை உச்சரிப்பதன் மூலம் பயம், தடைகள், கடன் தொல்லைகள், எதிர்மறை எண்ணங்கள் ஆகியவற்றில் இருந்து விடுபட முடியும்.
"ஓம் வஜ்ரநாகாய வித்மஹே தீட்சண தன்ஷ்ட்ராய தீமஹி தந்நோ நரஸிம்ஹாய ப்ரசோதயாத்"
நரசிம்ம மூல மந்திரம்
நரசிம்மரின் முழுமையான அருளை விரைவாகப் பெற இந்த மூல மந்திரம் மிகவும் உதவும்.
"உக்ரம் வீரம் மஹாவிஷ்ணும் ஜ்வலந்தம் ஸர்வதோமுகம் ந்ரிஸிம்ஹம் பீஷணம் பத்ரம் ம்ருத்யும் ம்ருத்யும் நமாம்யஹம்:"
நரசிம்மர் வழிபாட்டின் பலன்கள்
- எதிரிகள் தொல்லை நீங்கும்.
- கடன் தொல்லைகள் குறையும்.
- வாழ்க்கையில் உள்ள தடைகள் விலகும்.
- பயம் மற்றும் எதிர்மறை எண்ணங்கள் நீங்கும்.
- மரணத்தை கூட வெல்லக்கூடிய ஆற்றல் கிடைக்கும்.
- நடக்காத காரியங்கள் கூட நடக்கும்.
நரசிம்மரை முழு நம்பிக்கையுடன் பக்தி செய்து, மனதார அவருடைய மந்திரங்களை உச்சரித்து வந்தால், இனி இது நடப்பதற்கு வாய்ப்பே இல்லை என்று சொல்லக்கூடிய விஷயங்கள் கூட நடந்துவிடும்.
பானகம், கற்கண்டு, துளசி ஆகியவற்றை படைத்தோ அல்லது இவற்றில் ஏதாவது ஒன்றை மட்டுமே படைத்து வழிபட்டாலே நரசிம்மர் ஓடி வந்து அருள் புரிவார்.