புதிய வீட்டில் அதிர்ஷ்டம் நிலைக்க: தெய்வீக சக்தியை ஈர்க்கும் வழிகள்

புதிய வீட்டில் தெய்வீக சக்தியை ஈர்க்கும் வழிகள்

ஒரு வீடு கட்டி குடிபோகும் பொழுது, வீட்டிற்குள் ஏதாவது ஒரு ஜீவ சக்தியை நாம் கொண்டு வர வேண்டும். மனிதர்கள் மண் மீது வீடு கட்டுவதற்கு முன்பு அந்த மண்ணில் என்ன இருந்தது, மண்ணிற்கு அடியில் என்ன புதைந்து கிடந்தது என்பது நமக்குத் தெரியாது. ஆனால், சில பறவைகளுக்கும் விலங்குகளுக்கும் அதை அறிந்து கொள்ளும் ஞானம் உண்டு.

குறிப்பாக, சிட்டுக்குருவி, புறா, அணில் போன்றவற்றுக்கெல்லாம் சூட்சமமான சக்தியை உணரக்கூடிய ஆற்றல் அதிகமாக இருக்கிறது. இந்த ஜீவராசிகள் வீட்டிற்குள் வருவது சாதகமான சக்திகளை கொண்டு வருவதற்கான நல்ல சகுனமாகும்.

முன்பு காலத்தில், நெற்கதிர்களை வீட்டிற்குள் கட்டித் தொங்கவிடுவார்கள். அதை சாப்பிட குருவிகள் வந்து போகும். அதேபோல, அணிலுக்கும் கூடு கட்டிக் கொடுப்பார்கள். தூக்கனாங்குருவி கூடுகளை ஜன்னல் பக்கத்தில் கொண்டு வந்து வைப்பார்கள். ஆனால், இப்போதோ நாம் கழுதை படத்தை வைப்பது, நரி முகத்தில் முழிப்பது போன்றவற்றை செய்கிறோம். புறா கூடு கட்ட வழி செய்வது, அணில் கூடு கட்டினால் கலைக்காமல் இருப்பது, சிட்டுக்குருவி வீடு கட்டுவது போன்றவற்றுக்கு முக்கியத்துவம் அளிக்க வேண்டும். இவற்றுள் ஏதாவது வந்து விட்டுப் போனாலே நமக்கு நல்லது நடக்கும். இந்த இயற்கையான ஜீவ சக்திகளை நாம் விரட்டக்கூடாது.

விளக்கேற்றும் திசைகளின் முக்கியத்துவம்

வீடு கட்டத் துவங்கியதில் இருந்து தென்மேற்கு பகுதியில் தினமும் விளக்கேற்றி வைப்பது வீட்டில் தெய்வீக தன்மைகளை ஈர்த்து, நிலைத்து இருக்க வைக்கும். தென்மேற்கு திசை என்பது செல்வம், நிலைத்தன்மை, தலைமைத்துவம், ஆரோக்கியம், உறவுகள் ஆகியவற்றை குறிப்பதாகும். அதே போல் பூஜை அறை அமைப்பதற்கு ஏற்ற திசையான வடகிழக்கு அல்லது கிழக்கு நோக்கி விளக்கேற்றி வைக்கலாம். இது வீட்டில் அமைதியையும், செழிப்பையும் அதிகரிக்கும்.

அடிக்கடி கேட்கப்படும் கேள்விகள்