நம் நாட்டைத் தாண்டி உலகம் முழுவதும் கொண்டாடப்படும் முக்கிய பண்டிகைகளில் ஒன்றான ரக்ஷா பந்தன், அண்ணன் - தங்கை, அக்கா - தம்பி இடையே உள்ள பாசத்தையும், பெண்களைக் காக்கும் பொறுப்பையும் உணர்த்துகிறது. 2024 ஆகஸ்ட் 19ம் தேதி திங்கட்கிழமை அன்று கொண்டாடப்படும் இந்த நன்னாளில், உங்கள் சகோதரிகளுக்கு அவர்களின் ராசிப்படி என்ன பரிசு வழங்கலாம் என்பதை இந்த ஜோதிட வழிகாட்டியில் விரிவாகக் காண்போம்.
ரக்ஷா பந்தன் என்றால் என்ன?
ரக்ஷா பந்தன் திருவிழா வட இந்தியாவில் மிகவும் கோலாகலமாகக் கொண்டாடப்படும் ஒரு சிறப்புப் பண்டிகையாகும். ரத்த உறவுகளுக்கு இடையே மட்டுமல்லாமல், சகோதர - சகோதரியாகக் கருதும் நபர்களுடனும் கொண்டாடக்கூடியது. ஒரு பெண் தன்னுடைய அண்ணன் அல்லது தம்பியாக நினைப்பவருக்கு ராக்கியைக் கட்டுவதும், அதற்கு அந்த ஆண் பரிசு கொடுப்பதும், எந்த சூழ்நிலையிலும் உன்னைக் காப்பேன் என உறுதிமொழி கொடுப்பதும் இந்த நாளின் சிறப்பு. இது தமிழ் கலாச்சாரத்திலும் பரவி வரும் ஒரு அழகான கொண்டாட்டம்.
உங்கள் சகோதரிக்கு ராசிப்படி சரியான பரிசுகளை தேர்வு செய்யுங்கள்!
உங்கள் சகோதரியின் ராசி பலனை அறிந்து, அவர்களின் விருப்பத்திற்கேற்ற பரிசுகளை வழங்குவது, இந்த ரக்ஷா பந்தன் தினத்தை மேலும் சிறப்பாக்கும். ஒவ்வொரு ராசிக்குமான தனித்துவமான பரிசு யோசனைகளை கீழே காணலாம்:
மேஷம் (Aries)
ஆற்றல் மிக்க மற்றும் சாகச மனப்பான்மை கொண்ட மேஷ ராசி சகோதரிகளுக்கு, அவர்களின் உடற்தகுதியை மேம்படுத்தும் வகையில் விளையாட்டு தொடர்பான உடைகள் அல்லது பிட்னஸ் டிராக்கர் போன்றவற்றை பரிசாக வழங்கலாம்.
ரிஷபம் (Taurus)
வசதியான மற்றும் ஆடம்பர வாழ்க்கையை விரும்பும் ரிஷப ராசி சகோதரிகள் தங்கள் அழகு விஷயத்தில் அதிக அக்கறை காட்டுவார்கள். அவர்களுக்கு தோல் பராமரிப்பு பொருட்கள் அல்லது பிடித்த உணவகத்தில் விருந்து ஏற்பாடு செய்யலாம்.
மிதுனம் (Gemini)
புத்திசாலிகளாகவும், புத்தகப் பிரியர்களாகவும் இருக்கும் மிதுன ராசி சகோதரிகளுக்கு புதிய புத்தகங்கள், பத்திரிகைகள் அல்லது சமீபத்திய தொழில்நுட்ப கருவிகளைப் பரிசளிக்கலாம்.
கடகம் (Cancer)
சுற்றுச் சூழலில் அக்கறை கொண்ட கடக ராசி சகோதரிகளுக்கு, உங்கள் கைகளால் செய்யப்பட்ட சிறப்புப் பரிசுகள் அல்லது இயற்கை அழகு ததும்பும் புகைப்படத்தைப் பரிசாக வழங்கலாம். இது உணர்வுப்பூர்வமான இணைப்பை ஏற்படுத்தும்.
சிம்மம் (Leo)
கவர்ச்சியாகவும், நம்பிக்கையுடனும் இருக்கும் சிம்ம ராசி சகோதரிகளுக்கு, அவர்களுக்கு பிடித்த ஆடைகள், மேக்கப் கிட் அல்லது ஒரு ஃபேன்ஸி பேக் போன்றவற்றை பரிசளிக்கலாம்.
கன்னி (Virgo)
ஆரோக்கியத்தில் அக்கறையும், சுத்தமாக ஒழுங்காக இருக்க நினைப்பவர்களுமான கன்னி ராசி சகோதரிகளுக்கு, சுகாதாரம் தொடர்பான கருவிகள், பொருட்களை ஒழுங்குபடுத்த உதவும் பொருட்கள் அல்லது ஸ்மார்ட் கேஜெட்டுகள் சிறந்த பரிசுகள்.
துலாம் (Libra)
அழகில் அதிக கவனம் செலுத்தும் துலாம் ராசி சகோதரிகள் தங்க நகைகள் மற்றும் ஃபேன்ஸி நகைகளில் ஆர்வம் கொண்டவர்கள். அவர்களுக்கு அழகிய நகைகள் அல்லது வாசனைத் திரவியங்களை பரிசாகக் கொடுக்கலாம்.
விருச்சிகம் (Scorpio)
ரகசியமான மற்றும் மர்மமாக விஷயங்களைச் செய்யக்கூடிய விருச்சிக ராசி சகோதரிகளுக்கு, நல்ல புத்தகங்கள், நாவல்கள் மற்றும் வாசனை திரவியங்கள் சிறந்த பரிசுகள்.
தனுசு (Sagittarius)
எப்பொழுதும் சாகச மனப்பான்மையுடனும், புதிய விஷயங்களைச் செய்ய ஆர்வத்துடனும் இருக்கும் தனுசு ராசியினருக்கு, பயணங்களுக்குத் தேவையான ஆடைகள் அல்லது ஊக்கமளிக்கும் புத்தகங்களை வழங்கலாம்.
மகரம் (Capricorn)
லட்சியமும், கடின உழைப்பாளிகளுமான மகர ராசி சகோதரிகள் இலக்கை அடைய விடாமுயற்சியுடன் செயல்படுவார்கள். திட்டமிட்டு செயல்பட உதவும் வகையில் அவர்களுக்கு ஒரு தரமான கடிகாரத்தைப் பரிசாக வழங்கலாம்.
கும்பம் (Aquarius)
படைப்பாற்றல் திறன் அதிகம் கொண்ட கும்ப ராசிச் சகோதரிகளுக்கு, அவர்களின் துறை தொடர்பான பரிசுகளை வழங்கலாம். இது அவர்களை மேலும் ஆக்கப்பூர்வமான வேலை செய்ய உதவும் கருவிகள் அல்லது பொருட்களைப் பரிசாகக் கொடுக்கலாம்.
மீனம் (Pisces)
ஆன்மிகத்தின் மீதும், கடவுள் வழிபாடு மீதும் அதிக ஈடுபாடு கொண்ட மீன ராசி சகோதரிகளுக்கு, ஆன்மிகம் தொடர்பான புத்தகங்கள் அல்லது அவர்களுக்கு பிடித்த வகையில் சில பொருட்களைப் பரிசாக வழங்கலாம். இது அவர்களின் ஆர்வத்தை மேலும் அதிகரிக்கும்.