அனைவருக்கும் அடர்த்தியான மற்றும் நீளமான கூந்தல் வேண்டும் என்ற ஆசை இருக்கும். ஆனால், இன்றைய வாழ்க்கை முறையில் முடி உதிர்வு என்பது ஒரு பொதுவான பிரச்சனையாகிவிட்டது. இதற்கான தீர்வு இங்கே! உங்கள் வழக்கமான ஷாம்புவுடன் சில இயற்கை கலவைகளை சேர்த்து பயன்படுத்தினால், முடி உதிர்வை தடுத்து, ஆரோக்கியமான வளர்ச்சியைத் தூண்டலாம். இந்த அற்புதமான தமிழ் குறிப்புகளைப் படித்து, உங்கள் கூந்தலை பளபளப்பாக்குங்கள்!
முடி கொட்டுவதை நிறுத்தும் சூப்பர் ஹெர்பல் வாட்டர்
தேவையான பொருள்கள்:
- அரிசி - ஒரு ஸ்பூன்
- வெந்தயம் - ஒரு ஸ்பூன்
- கருஞ்சீரகம் - ஒரு ஸ்பூன்
செய்முறை:
- ஒரு பௌலில் அரிசி, வெந்தயம், கருஞ்சீரகம் ஆகிய மூன்றையும் நன்கு கழுவிவிட்டு அவை மூழ்கும் வரை தண்ணீர் விட்டு இரவு முழுவதும் ஊற வைக்கவும். அல்லது குறைந்தபட்சம் எட்டு மணி நேரம் வரை நன்கு ஊறவைத்துக் கொள்ளுங்கள்.
- நன்கு ஊறியதும் அதை வடிகட்டி எடுத்தால் உங்கள் முடி கொட்டும் பிரச்சனைக்கு தீர்வு தரும் சூப்பர் ஹெர்பல் வாட்டர் தயார்.
பயன்படுத்தும் முறை:
இந்த வடிகட்டிய நீரில் நீங்கள் வழக்கமாக பயன்படுத்தும் ஷாம்புவை சேர்த்து கலந்து தலைக்கு தேய்த்து குளிக்க வேண்டும். வடிகட்டி வைத்திருக்கும் ஊறிய வெந்தயம், அரிசி, கருஞ்சீரகம் கலவையை வீணாக்காமல் நன்கு பேஸ்ட் ஆக அரைத்து ஹேர்பாக கூட பயன்படுத்திக் கொள்ளலாம்.
ஓரிரு முறை செய்யும்போது நல்ல பலன் கிடைக்கும். உடனடியாக உங்கள் முடி உதிர்வு குறையும். தொடர்ந்து இந்த முறையை பின்பற்றி வர, முடி வேர்க்கால்கள் பலமடையும். முடியின் நுனிப்பகுதி உடைதல் பிரச்சனை, நுனிப்பகுதி வறட்சி ஆகியவையும் தீரும்.
முடி வளர்ச்சியை வேகமாக தூண்டும் ஹேர் டானிக்
தேவையான பொருட்கள்:
- சாதம் வடித்த கஞ்சி - 2 கிளாஸ் அளவு
- டீ தூள் - 1 ஸ்பூன்
- காபி பொடி - 1 ஸ்பூன்
செய்முறை:
- சாதம் வடித்த கஞ்சியை எடுத்து வைத்துக் கொள்ளுங்கள். அது இல்லையென்றால் அரிசி ஊறவைத்த நீரையும் பயன்படுத்திக் கொள்ளலாம்.
- இந்த கஞ்சியை ஒரு பாத்திரத்தில் ஊற்றி அடுப்பில் வைத்துக் கொள்ளுங்கள். அதில் டீ தூள் மற்றும் காபி பொடி ஆகிய இரண்டையும் கலந்து அடுப்பை மிதமான தீயில் வைத்து நன்கு கொதிக்க விடுங்கள்.
- நன்கு கொதித்து ஒரு டம்ளர் அளவுக்கு சுண்ட விடுங்கள். பிறகு அடுப்பை அணைத்து விட்டு வடிகட்டி ஆறவிடுங்கள். உங்கள் முடியை நீளமாகவும் அடர்த்தியாகவும் வளர வைக்கும் சூப்பர் ஹேர் டானிக் ரெடி.
பயன்படுத்தும் முறை:
இந்த காய்ச்சி வடிகட்டிய நீரில் நீங்கள் வழக்கமாகப் பயன்படுத்தும் ஷாம்புவைக் கலந்து கொள்ளுங்கள். இதை குளிக்கும்போது தலையில் அப்ளை செய்து குளித்து வந்தால் முடியின் வளர்ச்சி வேகம் அதிகமாக இருக்கும். நீளமாக மட்டுமல்ல நன்கு அடர்த்தியாகவும் வளர ஆரம்பிக்கும். முதல் முறை பயன்படுத்தும் போது முடி மிக சாஃப்டாகவும் பளபளப்பாகவும் இருக்கும்.
கருகருவென முடி வளர கறிவேப்பிலை ஹேர் டானிக்
தேவையான பொருள்கள்:
- நெல்லிக்காய் 1 (அ) நெல்லிக்காய் பொடி - 1 ஸ்பூன்
- கறிவேப்பிலை - ஒரு கைப்பிடி அளவு
செய்முறை:
- ஒரு பாத்திரத்தில் தண்ணீர் ஊற்றி அதில் கறிவேப்பிலை மற்றும் நெல்லிக்காய் அல்லது நெல்லிக்காய் பொடி சேர்த்து ஒரு மணி நேரம் அப்படியே மூடி வைத்து விடுங்கள். கறிவேப்பிலையை ஒன்றிரண்டாக இடித்துப் போட்டுக் கொள்வது இன்னும் நல்லது.
- ஒரு மணி நேரம் கழித்து இந்த ஊறவைத்திருக்கும் நீரோ கறிவேப்பிலை நெல்லிக்காய் மிக்ஸை அடுப்பில் வைத்து கொதிக்க விடுங்கள்.
- நன்கு கொதித்து வந்ததும் அதை வடிகட்டி ஆறவிட்டால் டானிக் ரெடி.
பயன்படுத்தும் முறை:
இந்த ஹேர் டானிக்கோடு நீங்கள் பயன்படுத்தும் ஷாம்புவைக் கலந்து தலையில் தேய்த்துக் குளித்து வாருங்கள். உங்கள் முடி கருகருவென்று வளரும். நெல்லிக்காய் மற்றும் கறிவேப்பிலை இரண்டிலுமே வைட்டமின் சி உள்ளது. இது கொலாஜன் உற்பத்தியை அதிகரிப்பது மட்டுமின்றி மெலனின் உற்பத்தியை அதிகரித்து முடிக்கு நல்ல கருமையைக் கொடுக்கும்.
இறுதியாக, வாரத்திற்கு மூன்று முறை தலைக்கு குளிக்கிறீர்கள் என்றால் ஒவ்வொரு முறை இவற்றில் ஒன்று என்று பயன்படுத்தி வரலாம். அப்படி செய்யும்போது முடி உதிர்வது குறைந்து கருகருவென்று வேகமாகவும் அடர்த்தியாகவும் வளரவும் ஆரம்பிக்கும்.
முக்கிய நன்மைகள் மற்றும் குறிப்புகள்
- முடி உதிர்வை உடனடியாகக் குறைக்கும்.
- வேர்க்கால்களை பலப்படுத்தி, முடி உடைவதைத் தடுக்கும்.
- முடி வளர்ச்சியை வேகமாகத் தூண்டும்.
- முடிக்கு கருமையையும், பளபளப்பையும் தரும்.
- இயற்கையான வைட்டமின் சி சத்து கூந்தல் ஆரோக்கியத்தை மேம்படுத்தும்.