வீட்டில் சாமி சிலைகள் வைக்கும் முறை மற்றும் பராமரிப்பு விதிகள்

வீட்டில் சாமி சிலைகள் வைப்பதற்கான முக்கிய விதிகள்

சாமி சிலைகளை வீட்டில் வைப்பதற்கு மட்டுமின்றி, தொடர்ந்து பராமரிக்கவும் சில விதிமுறைகள் உண்டு. அவற்றை முறையாக பின்பற்றினால் மட்டுமே அந்த தெய்வத்தின் அருளும், அதிர்ஷ்டமும், நன்மைகளும் கிடைக்கும். அப்படி செய்யா விட்டால் அந்த தெய்வங்களின் கோபத்திற்கு ஆளாக வேண்டி இருக்கும்.

1. விநாயகர் சிலை வைக்கும் முறை

கடவுள் சிலைகளை வீட்டில் வைக்கும் போது, அவைகள் சிறியதாக மட்டுமே இருக்க வேண்டும். கோவிலில் இருப்பது போன்று பெரிய அளவில் இருக்கக் கூடாது. விநாயகர் சிலைகளை எப்போதும் தனியாக வைக்கக் கூடாது. அருகில் மகாலட்சுமியின் சிலையை கண்டிப்பாக சேர்த்து தான் வைக்க வேண்டும். உக்கிர தெய்வங்களின் சிலைகளை வீட்டில் வைத்தால் துரதிர்ஷ்டம் தேடி வரும். சிலைகளை சரியான திசையில் வைத்தால் வீட்டில் அமைதியான சூழல் இருக்கும்.

2. ராமர் சிலை வைக்கும் முறை

ராமர் தர்பார் சிலைகளை வைக்கும்போது, அனுமன் சிலை முதுகை காட்டியபடி இருப்பது போல் வைக்கக் கூடாது. அனுமன் சிலை, வழிபடுபவரை பார்த்தபடி இருக்க வேண்டும். இப்படி வைத்தால் வீட்டில் அமைதி நிலவும். அதிர்ஷ்டம் உண்டாகும். அதே போல் ராமர் தனியாக இருப்பது போன்ற சிலையை வீட்டில் வைக்கக் கூடாது. ராமர்- சீதை இணைந்து இருப்பது போலவும், ராமர், சீதை, லட்சுமணர், அனுமர், பரதன் ஆகிய பரிவாரங்களுடன் இணைந்து இருப்பது போன்ற பட்டாபிஷேக கோலத்தில் இருப்பது போல் மட்டுமே வைக்க வேண்டும்.

3. அதிகமான சிலைகள்

பூஜை அறையில் நிறைய விநாயகர் சிலைகளை வைக்கக் கூடாது. அப்படி வைத்தால் துரதிர்ஷ்டம் வரும் என்று சாஸ்திரத்தில் சொல்லப்பட்டுள்ளது. அதற்கு பதிலாக, விநாயகர் சிலைகளை வீட்டின் வெவ்வேறு பகுதிகளில் வைக்கலாம். இது தெய்வத்தை மதிக்கும் விதமாக இருக்கும். வீட்டில் நல்ல சக்தியும் உண்டாகும். சிலைகளை வெவ்வேறு திசையில் வைத்தால் கெட்ட சக்தி குறையும். வீட்டில் அதிர்ஷ்டம் பெருகும். சாமி சிலைகளை வீட்டில் கிழக்கு, வடக்கு, வடகிழக்கு திசைகளில் வைத்தால் மட்டுமே செழிப்பு, அதிர்ஷ்டம் கிடைக்கும்.

4. உக்கிர தெய்வ சிலைகள்

கோபம், வன்முறையை தூண்டும் படங்கள், சிலைகளை வீட்டில் வைக்கக் கூடாது. உக்கிர தெய்வங்களின் படங்கள் அல்லது சிலைகளையும் வீட்டில் வைக்கக் கூடாது. அப்படி வைத்தால் வீட்டில் கெட்ட சக்தி உண்டாகும். சாந்தமான, கருணை உள்ள கடவுள் சிலைகளை வைக்கலாம். இது வீட்டில் அமைதியான சூழலை உருவாக்கும். இது வழிபாடு மற்றும் தியானம் செய்வதற்கு ஏற்றதாக இருக்கும்.

5. உடைந்த சிலைகள்

கடவுள் சிலை உடைந்துவிட்டாலோ அல்லது லேசாக சேதம் அடைந்திருந்தாலும் கூட அதை எடுத்து ஆற்றில் போட்டு விட வேண்டும். இது தெய்வத்திற்கு செய்யும் மரியாதை. வீட்டில் நல்ல சக்தி நிலைத்திருக்கும். சிலைகளை நன்றாக பார்த்துக்கொள்வதன் மூலம் உங்கள் பக்தியை வெளிப்படுத்தலாம். வீட்டில் அமைதியான சூழல் நிலவும். வீட்டில் சேதமடைந்த நிலையில் இருக்கும் சிலைகள் அல்லது படங்களை எப்போதும் வைத்திருக்கக் கூடாது. இதனால் தீய சக்திகளை அதிகம் ஈர்க்கப்படும்.

6. பராமரிக்கும் முறைகள்

வீட்டில் சாமி சிலைகள் வைத்திருப்பவர் வாரத்திற்கு ஒருமுறை அல்லது மாதத்திற்கு ஒருமுறையாவது அவற்றை சுத்தமான தண்ணீர் ஊற்றி அபிஷேகம் செய்ய வேண்டும். சாமி சிலைகளை வீட்டில் வைத்து, மந்திரங்களை உச்சரித்தாலே அந்த தெய்வம் நம்முடைய வீட்டில் குடியேறி விடும். அதனால் தினமும் ஏதாவது நைவேத்தியம் படைத்து வழிபட வேண்டும். எதுவும் இல்லா விட்டாலும் ஒரு வாழைப்பழம், சிறிதளவு கற்கண்டு, சர்க்கரை, அவல், பொரி, கடலை என ஏதாவது ஒன்றை படைத்து வழிபட வேண்டும்.