மரணம் என்பது யாருக்கு வேண்டுமானாலும், எப்பொழுது வேண்டுமானாலும் நிச்சயம் நிகழக் கூடியது. இதில் ஏழை, பணக்காரன் என எந்த ஒரு வித்தியாசமும் இல்லை. நாம் இந்த உலகத்தில் ஒரு விருந்தினரை போல் தங்கியுள்ளோம். பிறப்பிற்கும், இறப்பிற்கும் இடையே சிறிது காலம் இந்த உலகில் தங்கி விட்டு கிளம்புவது தான் இந்த மானிட வாழ்க்கை. அதற்கு இடையே இந்த உலகத்தில் நிரந்தரமாக தங்குவது போல் நம் மனம் மாயபிரம்மையில் சிக்கிக் கொண்டு விடுகிறது. இதனால் உலகத்தில் பல பேராசை, கொள்ளை அடித்தல், ஊழல் என பல விஷயத்தில் மனிதர்கள் ஈடுபடுகின்றனர். நம்மில் பலருக்கும் நம் மரணம் எப்படி அமையும் என ஒரு முறையாவது நம் மனதில் வந்து சென்று இருக்கும்.
மரண ஜோதிடம் - ஒரு ஆழமான பார்வை
மரண ஜோதிடம் என்பது ஜோதிட அறிஞர்கள் ஒருவரின் பிறப்பு ஜாதகத்தை வைத்து அவர் எப்படி வாழ்ந்தார், அவர் எப்படி வாழ்வார், அவர் அனுபவிக்கும் துன்பங்கள் என்ன, அதற்கான பரிகாரங்கள் என்ன என கணிப்பதோடு மட்டுமல்லாமல், சில ஜோதிட வல்லுனர்கள் ஒருவரின் மரணத்தைக் கூட கணிக்க கூடியவர்களாக உள்ளனர். ஜோதிடத்தில் ஒருவரின் ஜாதகத்தில் உள்ள கிரக அமைப்பு, ராசி மற்றும் தற்போது உள்ள கிரகங்களின் அமைப்பு உள்ளிட்டவை அவரின் வாழ்க்கை எப்படி இருக்கும் என முடிவு செய்கிறது. அதேசமயம் அவரின் மரணமும் எப்படி அமையும் என்பதையும் இதன் அடிப்படையில் வரையறுக்கலாம். இந்த தமிழ் ஜோதிட கட்டுரையில், 12 ராசிகளை சேர்ந்தவர்கள் இந்த உலகத்தை விட்டு எப்படி பிரிய அதிக வாய்ப்பு உள்ளது என விரிவாக தெரிந்து கொள்வோம்.
12 ராசிகளுக்கான மரண பலன்கள்
மேஷ ராசி - சாகசமும் விபத்தும்
கால சக்கரத்தில் முதலாவதாக வரக்கூடிய ராசி மேஷம். இவர்கள் பொதுவாக பிடிவாதம் மற்றும் தைரியமானவர்கள். விதியை தாண்டி ஏதேனும் செய்ய வேண்டும் என்ற ஆசை கொண்டவர்கள். சில நேரங்களில் சூழல் இவர்களுக்கு எதிராக திரும்ப வாய்ப்புள்ளது. இதன் காரணமாக பெரிய சிக்கலில் ஆட்பட வாய்ப்புள்ளது. நெருப்பு கிரகம் செவ்வாய் ஆளக்கூடிய ராசி என்பதால், அதிகமாக சாகசத்தில் ஈடுபடுவார்கள். மலை ஏறுதல், வேகமாக வண்டி ஓட்டுதல், நெருப்புடன் விளையாட்டு போன்ற செயல்பாடுகளால் விபத்துக்கள் ஏற்படும். பெரும்பாலும் சிறுநீரக செயலிழப்பால் இறக்க அதிக வாய்ப்பு உள்ளது.
ரிஷப ராசி - சுயநலமும் ஆபத்தும்
ரிஷப ராசி சேர்ந்தவர்கள் மிகவும் எளிமையான மற்றும் அன்பானவர்களாக இருப்பார்கள். அழகை தரக்கூடிய சுக்கிரன் ஆளக்கூடியவர் என்பதால், தங்களை தாங்களே அதிகமாக விரும்பக் கூடியவர்கள் இந்த ரிஷப ராசியினர். இவர்கள் தங்களின் பொருளை ஒருபோதும் இழக்க கூடாது என நினைக்கக் கூடியவர்கள். இதுவே பல நேரத்தில் இவர்களுக்கு எதிராக மாறக்கூடும். இவர்களுக்கு இயற்கையான மரணத்தை தாண்டி, இவர்களின் சுயநல செயல்பாடுகளால் சிலரால் கொல்லப்படுவதற்கான வாய்ப்புகள் அதிகம். ஜோதிடம் அறிவோம்: ஜாதக கட்டமும், ஒவ்வொரு வீட்டுக்கான பலன்கள் என்ன தெரியுமா?
மிதுன ராசி - வெளிப்படையான பேச்சும் விளைவுகளும்
மிதுன ராசி சேர்ந்தவர்கள் பொதுவாக அதிக ஆர்வமும், வேடிக்கையானவர்களாக, வெளிப்படையாக செயல்படக்கூடிய ராசிகள். இருப்பினும் இவர்களின் வெளிப்படையான பேச்சு அல்லது செயல்பாடு பிறரின் உணர்வுகளை புண்படுத்தக் கூடியதாக அமைந்து விடும். இதுவே பல நேரத்தில் இவர்களுக்கு எதிராக அமைந்து விடும். இயற்கை மரணத்தை தாண்டி, உயிருடன் புதைக்கப்பட வாய்ப்புள்ளது.
கடக ராசி - தவறான நண்பர்களின் ஆபத்து
கடக ராசியை சேர்ந்தவர்கள் ஒரு அழகிய பறவையை போன்றவர்கள். இவர்களின் பேச்சு, செயல்பாடுகளால் இவர்களுக்கு அதிகமாக நண்பர்கள் இருப்பார்கள். சில நேரங்களில் இவர்களின் உண்மை, எதார்த்தமான செயல்பாடு சிலரை மோசமான நண்பர்களாக மாற்ற வாய்ப்புள்ளது. அப்படிப்பட்டவர்களிடம் மிகவும் கவனமாக இருக்க வேண்டும். இவர்கள் முடிவு எடுக்கும்போதும், ஆலோசனையை பெறும்போதும் கூடுதல் கவனம் தேவை. இந்த விஷயத்தில் நண்பர்களை விட்டு விலகி இருப்பது நல்லது. மோசமான நண்பர்கள் இவர்களுக்கு மரணம் ஏற்பட வாய்ப்புள்ளது. நீங்கள் பிறந்த ஜென்ம நட்சத்திரத்தில் இவ்வளவு ரகசியங்கள் அடங்கி இருக்கிறதா?
சிம்ம ராசி - மன சோர்வும் விரக்தியும்
சிம்ம ராசியை சேர்ந்தவர்கள் பொதுவாக ஆளுமை திறன் மிக்கவர்கள். இவர்கள் கவனமாகவும், சிந்தனையுடனும் செயல்பட கூடியவர்கள். எந்த ஒரு விஷயத்தையும் ஆழமாக அணுகக் கூடியவர்கள். இருப்பினும் சில நேரங்களில் இவர்களின் எண்ணமே இவர்களின் பிரச்சினையாக அமைந்து விடும். இவர்களுக்கு ஏற்படக்கூடிய தோல்விகளால் அதீத சிந்தனை, மனசோர்வு, விரக்தி, மனம் பீதி உள்ளிட்ட விஷயங்கள் இவர்களுக்கு மரணத்தை தர வாய்ப்புள்ளது.
கன்னி ராசி - சிக்கலான மனநிலையும் தற்கொலையும்
கால சக்கரத்தில் 6வது ராசியாக வருவது கன்னி. இந்த ராசியை சேர்ந்தவர்கள் மிகவும் சிக்கலான மனநிலையை கொண்டவர்கள். இவர்களின் செயல்பாடு சற்று விசித்திரமானதாக இருக்கும். இவர்களின் சிந்தனை மற்றும் செயல்பாடு நிச்சயமற்ற தன்மையை கொண்டதாக இருக்கும். பெரும்பாலும் தற்சார்பு மனநிலையை கொண்டவர்களாக இருப்பார்கள். மேலும் இவர்கள் அதிக சுய அன்பு கொண்டவர்களாக இருப்பார்கள். பல நேரங்கள் தங்களின் செயல்கள் பிடிக்காமல் தற்கொலைக்கு முயற்சி செய்யக் கூடியவர்களாக இருப்பார்கள்.
துலாம் ராசி - ஆபத்தான செயல்களும் தண்டனையும்
துலாம் ராசி சேர்ந்தவர்கள் தந்திரமான, மோசமான மற்றும் விசித்திரமான மன நிலையை கொண்டவர்கள். இவர்கள் எப்போதும் சில சிக்கலான அல்லது ஆபத்தான விஷயங்களை செய்து முடிக்க நினைக்கக் கூடியவர்கள். இது பல நேரங்களில் இவர்களுக்கு ஆபத்தாக அமைந்துவிடும். இதனால் சட்ட விரோத செயல்களில் ஈடுபட்டு நீதிமன்றத்தால் மரண தண்டனை கூட விதிக்கப்படலாம்.
விருச்சிக ராசி - உணர்ச்சிவசப்படுதலும் மாரடைப்பும்
ஜோதிடத்தில் எட்டாவதாக வரக்கூடிய விருச்சிக ராசி அதிகம் உணர்ச்சி வசப்படுபவர்களாக, வெறித்தனமான நபர்களாக இருப்பார்கள். இவர்கள் பெரும்பாலும் ரகசியமாக தங்களின் செயல்களை செய்ய நினைப்பார்கள். மற்ற நபர்களுடன் ஒரு குறிப்பிட்ட விஷயத்திற்காக மிக எளிதாக பழகக்கூடியவர்கள். இவர்களின் ராசி அடையாளமான தேள் என்பதால் அதன் இயல்பையும் கொண்டிருப்பார்கள். கொடூரமான உயிரினமாக பார்க்கப்பட்டாலும் தன் சந்ததியை வளர்க்க தன்னையே தியாகம் செய்யக் கூடியது தான் தேள். இவர்களுக்கு பிறரின் மரணம் அல்லது இறப்பு அதிகமாக தாக்கும். இதனால் மாரடைப்பால் மரணம் அடைய வாய்ப்பு உள்ளது.
தனுசு ராசி - சாகசமும் தொழில்நுட்பமும்
தனுசு ராசி சேர்ந்தவர்கள் அதிக சாகச குணத்தைக் கொண்டு இருப்பார்கள். இவர்கள் ஆற்றல் மிக்கவர்களாகவும், சுறுசுறுப்பான நபர்களாக இருந்தாலும் பெரும்பாலும் அடிமைகளாக அறியப்படுகின்றனர். இவர்களிடம் சிறப்பான தொழில்நுட்பம் திறமைகள் இருக்கும். அதிகமாக ஆன்லைன் கேம் விளையாடுவார்கள். இவர்களின் சாகசம் மற்றும் ஆன்லைன் கேம் இவர்களுக்கு மரணத்தை தரக்கூடிய விஷயமாக அமைந்துவிடும்.
மகர ராசி - கடின உழைப்பும் ஓய்வின்மையும்
மகர ராசியினர் கடின உழைப்பிற்கு பெயர் பெற்றவர்கள். இவர்கள் கடினமான வேலையை கூட சிறப்பாக செய்து முடிப்பார்கள். பெரும்பாலும் ஓய்வு கிடைக்காமல் திண்டாடுவார்கள். இவர்களுக்கு போதிய உறக்கமின்மை பெரிய பிரச்சினையாக அமைந்துவிடும். சரியான ஓய்வு இல்லாமல் இருப்பதும் மற்றும் மன குழப்பம் இவர்களுக்கும் மரணத்தை ஏற்படுத்தும்.
கும்ப ராசி - நிதி இழப்பும் விரக்தியும்
ஜோதிடத்தில் 11வது ராசி கும்பம். இவர்கள் சிறப்பான செயல்பாடு, செயலில் கவனம் மற்றும் அதிக கவலை கொண்டவர்களாக இருப்பார்கள். இவர்களின் வேலை மற்றும் தொழிலில் சிறப்பான நிதி நிலை ஈட்டக் கூடியவர்கள். இவர்கள் லாபத்திற்காக எதையும் செய்வார்கள். அதில் வெற்றியும் கிடைக்கும். சில நேரங்களில் அவர்கள் நினைத்த விஷயம் நடக்காவிட்டால் ஏற்படக்கூடிய விரக்தி அவர்களின் மரணத்திற்கு காரணமாகிவிடும்.
மீன ராசி - அதிக உணர்ச்சிவசப்படுதலும் அதிர்ச்சியும்
மீன ராசியை சேர்ந்தவர்கள் அன்பானவர்களாகவும், அரவணைப்பு காட்டக்கூடியவர்களாகவும் இருப்பார்கள். அதே சமயம் இவர்கள் மிகவும் தந்திரமான மற்றும் புத்திசாலித்தனத்துடன் செயல்படுவார்கள். நேர்மையாக நடந்து கொள்ள வேண்டும் என அதிக கவனம் செலுத்துவார்கள். அதில் தெரிந்து, தெரியாமலோ ஏதேனும் பிரச்சனை ஏற்பட்டு விட்டால் அதை நினைத்து வறுந்தி தங்களை தாங்களே காயப்படுத்தி கொள்வார்கள். இவர்கள் மின்சாரம் தாக்கி இறக்கும் வாய்ப்பு அதிகம்.