ராசி பலன்கள் மூலம் நிம்மதியான உறக்கம் பெற ஜோதிட பரிகாரங்கள்

மேஷம்: துளசி பயன்படுத்துங்கள்!

பல்வேறு மருத்துவ குணங்களை கொண்ட துளசி செடியை உங்கள் படுக்கையறை ஜன்னலுக்கு வெளியே உள்ள நிலப்பகுதியில் வைத்து பராமரித்து வர இரவில் நிம்மதியான உறக்கம் கிடைக்கும். குறைந்தது, சிறு தொட்டியில் இந்த செடியை பராமரித்து வர இரவில் நல்ல உறக்கம் கிடைக்கும். இது தவிர்த்து, இரவில் உறங்க செல்வதற்கு முன் உடற்பயிற்சி செய்வதை தவிர்த்திடுங்கள்!

ரிஷபம்: வெளிர் மஞ்சள் நிற விளக்கு!

பூமி ராசியான ரிஷப ராசியினர் தங்கள் படுக்கையறையில் - படுக்கைக்கு வலது புறம் - வெளிர் மஞ்சள் நிற விளக்கு பயன்படுத்துவது நல்லது. அதாவது, வெள்ளை நிற விளக்குக்கு பதிலாக இந்த மஞ்சள் நிற விளக்கு பயன்படுத்துவது, இரவில் நல்ல உறக்கம் பெற உதவியாக இருக்கும். மேலும், இரவு உறங்க செல்வதற்கு முன் உங்கள் கால் பாதங்களுக்கு அத்தியாவசிய எண்ணெய் பயன்படுத்தி மசாஜ் செய்து விடுவது நல்லது!

மிதுனம்: உலோகத்தை தவிர்த்திடுங்கள்!

காற்று ராசியான மிதுன ராசியினர் உலோகத்தை தவிர்ப்பதன் மூலம் நிறைவான ஒரு உறக்கத்தை உறுதி செய்ய முடியும். அதாவது படுக்கையறையில் உலோகத்தால் ஆன சாமான்களுக்கு பதிலாக, மரத்தால் ஆன சாமான்களை பயன்படுத்த, நேர்மறை ஆற்றல் அதிகரிப்பதோடு, இரவில் முழுமையான உறக்கத்தையும் பெற முடியும். மேலும், கெட்ட கனவு காண்பதன் வாய்ப்புகளும் குறையும்.

கடகம்: ஜன்னல்களை திறந்து வையுங்கள்!

கடகம்: ஜன்னல்களை திறந்து வையுங்கள்!

நீர் ராசியான கடக ராசி, வானத்தின் பிரதிநிதிகளுடன் நெருங்கிய தொடர்பு கொண்டுள்ளனர். தங்கள் இரவு நேரத்தை அவர்களுடன் கழிக்க ஆரோக்கியமான உறக்கத்தை பெற முடியும். அந்த வகையில், வானத்தை பார்த்து உறங்கும் படி உங்கள் படுக்கை அறையில் ஏற்பாடு செய்ய - ஆரோக்கியமான உறக்கத்தை பெறலாம். அல்லது, அறையில் மேல் பகுதியில் வானம் போன்ற பிம்பத்தை உண்டாக்குவதன் மூலமும் நல்ல உறக்கத்தை பெறலாம்!

சிம்மம்: வெள்ளை நிற சுவர்கள்!

ஆளுமை பண்புக்கு பெயர் பெற்ற சிம்ம ராசியினர், தங்கள் படுக்கையறை சுவற்றுக்கு வெள்ளை நிறத்தில் வண்ணம் பூசி, அழுக்கு படியாமல் பராமரித்து வர இரவில் நல்ல உறக்கம் பெறலாம். மேலும், உறக்கத்தின் போது இனிமையான கனவுகளை காணலாம். முடிந்தளவுக்கு அறையில் AC பயன்படுத்துவதை தவிர்க்கவும்!

கன்னி: ஸ்ரீ ராமஜெயம் எழுதுங்கள்!

பூமி ராசியான கன்னி ராசியினர், தெளிவான சிந்தனைகளுக்கு பெயர் பெற்றவர்கள். இறை நம்பிக்கை அதிகம் கொண்ட இவர்கள், இரவு உறங்க செல்வதற்கு முன் 108 முறை ‘ஸ்ரீ ராமஜெயம்’ மந்திரத்தை ஒரு புத்தகத்தில் தினம் தோறும் எழுதி வர, இரவில் நல்ல உறக்கம் கிடைக்கும் என நிபுணர்கள் குறிப்பிடுகின்றனர். மேலும், உங்கள் மனதை தெளிவாக வைக்கவும், மன அமைதி காணவும் இது உதவி செய்யும் என நிபுணர்கள் குறிப்பிடுகின்றனர்!

துலாம்: பொருட்களை குறைத்திடுங்கள்!

துலாம் ராசியினர் இயல்பாகவே தாராளமானவர்கள். தங்கள் குணத்திற்கு ஏற்ற வகையில் தங்கள் அறையில் தாராளமான இடத்தை உறுதி செய்வது அவசியம். அதாவது, போதுமான காற்றோட்டம் வந்துச் செல்லும் வகையில் போதுமான இடத்தை அறையில் இருப்பு வைப்பது, உங்களின் ஆரோக்கியமான உறக்கத்திற்கு உதவி செய்யும். மேலும், முறையான படுக்கை சுழற்சியை பராமரிப்பதும் அவசியம்!

விருச்சிகம்: இரவு பூஜை நல்லது!

வெள்ளி, செவ்வாய் என வாரம் இரண்டு முறை இரவு உறங்க செல்வதற்கு முன்னதாக, சிவனுக்கு விளக்கு ஏற்றி பூஜித்து வாருங்கள். குறித்த இந்த தினங்களில் அசைவ உணவுகளை தவிர்த்து, சைவ உணவுகளை எடுத்துக்கொள்வது நல்லது. குறிப்பாக, பூண்டு - வெங்காயம் சேர்க்காத உணவுகளை உட்கொண்டு வருவது நல்லது என நிபுணர்கள் குறிப்பிடுகின்றனர்!

தனுசு: ஊதா நிறம் பயன்படுத்துங்கள்!

தனுசு ராசி கொண்டவர்கள் தங்கள் படுக்கையறையை ஊதா நிறத்தில் மாற்றுவது - அதாவது, அறையில் உள்ள பொருட்களை அனைத்தும் பெரும்பாலும் இந்த ஊதா நிறத்தில் இருக்கும் வகையில் பார்த்துக்கொள்வது - இரவில் நல்ல உறக்கம் பெற உதவியாக இருக்கும். மேலும், கணவன் - மனைவி இடையே உண்டாகும் வாக்குவாதங்களையும் தீர்க்கும். திருமணம் முடியா நபர்களுக்கு விரைவில் திருமணம் முடியும்!

மகரம்: புதினா செடி!

இயற்கை நமக்கு அளித்த மூலிகை செடியாக புதினா பார்க்கப்படுகிறது. மேலும், விஷ்ணு பகவானுடன் தொடர்பு கொண்ட ஒரு செடியாகவும் இது குறிப்பிடப்படுகிறது. பூமி ராசியான மகர ராசியினர், தங்கள் படுக்கையறை ஜன்னல் இருக்கும் பகுதியில், சிறு தொட்டி ஒன்றில் இந்த புதினா செடியை வளர்த்து வர இரவில் நல்ல உறக்கத்தை பெறலாம் என நிபுணர்கள் குறிப்பிடுகின்றனர்.

கும்பம்: இரவு நேர நடைப்பயிற்சி!

காற்று ராசியான கும்ப ராசியினர், இரவு உறங்க செல்வதற்கு முன் இயற்கை காற்றை சுவாசிக்கும் வகையில் சிறு தூரம் நடைப்பயிற்சி மேற்கொள்வது நல்லது. குறிப்பாக, இரவு உணவு முடித்த பின்னர் குறைந்தது 25 நிமிடங்கள் ஒரு நடைப்பயிற்சி சென்று, பின் கை மற்றும் கால்களை சுத்தமாக நீரில் கழுவி சுத்தம் செய்து அதன் பின்னர் படுக்கைக்கு செல்ல நல்ல உறக்கம் கிடைக்கும்!

மீனம்: ஒரு கோப்பையில் நீர் வையுங்கள்!

நீர் ராசியான மீன ராசியினர் நல்ல உறக்கம் பெற நீரை பயன்படுத்துவது நல்லது. அதாவது, ஒரு கோப்பையில் நீர் நிரப்பி, படுக்கையறையில் உள்ள ஜன்னலுக்கு அருகில் வைத்து பின் உறங்க செல்வது நல்லது. தினமும் ஒரு முறை இந்த கோப்பையில் இருக்கும் நீரை மாற்றுவதும் அவசியம். இதை தவிர்த்து ஜன்னலுக்கு அருகில் ஒரு மணிப் பிளன்ட் வளர்த்து வருவதும் ஆரோகியமான உறக்கத்திற்கு உதவி செய்யும்!