நடிகை நதியா... இந்த பெயர் கேட்டாலே, 80கள் மற்றும் 90களில் இருந்தவர்களுக்கு அவரை ரசிக்காமல் இருக்க முடியாது. அவரது எளிமையான அழகுதான் இதற்கு முக்கியக் காரணம். மேக்கப் அதிகம் இல்லாமல், பார்த்ததுமே 'நம்ம வீட்டுப் பெண்' என்று சொல்லும்படியான நெருக்கம் அவரிடம் இருக்கும். உச்ச நட்சத்திரமாக இருந்த காலகட்டத்திலேயே நடிப்பை விட்டுவிட்டு திருமணம் செய்து கொண்டவர், 20 ஆண்டுகள் கழித்து மீண்டும் அம்மா கதாபாத்திரங்களில் நடிக்க வந்தபோதும் அதே பேரழகுடன் திகழ்கிறார். இந்த வயதிலும் அவர் எப்படி இவ்வளவு இளமையாக இருக்கிறார் என்பது பலருக்கும் ஆச்சரியமாக இருக்கும். இதற்கான சில ரகசியங்களை அவரே தனது வீடியோக்கள் மூலம் பகிர்ந்திருக்கிறார்.
நதியாவின் இளமை மற்றும் சரும ஆரோக்கியத்திற்கான அடிப்படைக் குறிப்புகள்
நதியா தனது சருமத்தை ஆரோக்கியமாக வைத்துக் கொள்வதற்காக முதலில் கவனம் செலுத்துவது உணவுப் பழக்கத்தில் தான். தனது மூன்று வேளை உணவிலும் எப்போதும் நிறைய காய்கறிகள், பழங்கள், சாலட், பயறு வகைகள் ஆகியவற்றைச் சேர்த்து சாப்பிடுவாராம். பதப்படுத்தப்பட்ட, வறுத்த, பொரித்த உணவுகளுக்கு அவர் இடம் கொடுப்பதில்லை. அசைவ உணவுகள் கூட குழம்பு வகைகள், க்ரில் செய்யப்பட்ட மீன், சிக்கன் இப்படித்தான் எடுத்துக் கொள்வாராம்.
அடுத்ததாக, உடலை நீர்ச்சத்துடன் வைத்திருப்பது மிக முக்கியம். நிறைய தண்ணீர், இளநீர், எலுமிச்சை வாட்டர், சீரகத் தண்ணீர் ஆகியவற்றைக் குடிப்பாராம். உடல் நீர்ச்சத்துடன் இருக்கும்போது இயற்கையாகவே சருமம் ஹைட்ரேட்டிங்காகவும் மென்மையாகவும் இருக்கும்.
தினசரி அரை மணி நேரமாவது உடற்பயிற்சி செய்யாமல் இருக்க முடியாதவர் நதியா. இந்த அடிப்படை விஷயங்கள் அனைத்தும் அவரது அழகிற்குப் பங்களிக்கின்றன. இவை எல்லாவற்றையும் தாண்டி, அவர் செய்யும் பகல் நேர மற்றும் இரவு நேர ஸ்கின் கேரும் மிக முக்கியம். அதில் குறிப்பாக இரவு நேர ஸ்கின் கேர் பற்றி தான் இங்கு விரிவாகப் பார்க்கப் போகிறோம்.
டபுள் க்ளன்சிங் என்றால் என்ன?
பொதுவாக ஸ்கின் கேர் ரொட்டீனில் நாம் க்ளன்சிங், டோனர், மாய்ஸ்சரைஸர் (CTM) முறையைப் பின்பற்றுவோம். ஆனால் கொரிய மற்றும் சீனப் பெண்களின் சரும அழகுக்கு இந்த வழக்கமான க்ளன்சிங் மட்டுமின்றி, டபுள் க்ளன்சிங் முறை மிக முக்கியம். இந்த முறையில், முதலில் ஆயில் பேஸ்டு க்ளன்சிங் செய்து, அடுத்தது உங்களுடைய வழக்கமான ஃபேஸ்வாஷ் கொண்டு க்ளன்சிங் செய்ய வேண்டும். இப்படி செய்யும்போது சருமத்தில் உள்ள ஆழம் வரைக்கும் இருக்கும் அத்தனை அழுக்குளும் வெளியேறி, சருமம் புத்துணர்ச்சியுடன் இருக்கும்.
நதியாவின் இரவு நேர டபுள் க்ளன்சிங் ரொட்டீன்
பகலில் ஒருமுறை மட்டும் க்ளன்சிங் செய்யும் நதியா, இரவு நேரத்தில் கட்டாயம் இந்த டபுள் க்ளன்சிங் முறையைப் பின்பற்றுகிறார். இரவு நேர ஸ்கின் கேர் மிக முக்கியம் என்று அவர் கருதுகிறார். டபுள் க்ளன்சிங் செய்த பிறகு, இரவில் அதிகமாக சருமத்தைத் தொந்தரவு செய்யக்கூடாது என்பது அவரது பாலிசி. ஸ்கின் நன்றாக ஓய்வெடுக்கும் நேரம் என்பதால், வறட்சியாகாமல் இருப்பதற்கு மட்டும் ஒரு சில நைட் ரிப்பேர் க்ரீம்களைப் பயன்படுத்துவாராம்.
1. ஆயில் பேஸ்டு க்ளன்சிங்
டபுள் க்ளன்சிங்கில் முதலில் செய்ய வேண்டியது ஆயில் பேஸ்டு க்ளன்சிங். இதற்கு நதியா தேங்காய் எண்ணெய், விளக்கெண்ணெய் அல்லது பேபி மசாஜ் ஆயில் என ஏதேனும் ஒரு எண்ணெயை எடுத்துக் கொள்வாராம். அதில் சில துளிகளை உள்ளங்கையில் விட்டு, லேசாகத் தேய்த்துவிட்டு முகத்தில் போட்டு தேய்க்காமல் மென்மையாக டேப் (Tap) செய்ய வேண்டும். அப்படி டேப் செய்து முகம் முழுவதும் பரவும்படி அப்ளை செய்ததும், விரல்களைக் கொண்டு நன்கு மென்மையாக சிறிது நேரம் மசாஜ் செய்ய வேண்டும். அப்போது சருமத்தில் நாள் முழுவதும் படிந்திருக்கும் தூசி, மாசுக்கள், மேக்கப் க்ரீம்கள் என அத்தனையும் சருமத்தில் இருந்து வெளியேறும். பிறகு ஒரு மென்மையான டவலை ஈரம் செய்தோ அல்லது வெட் டிஸ்யூ பேப்பரை வைத்தோ நன்கு அழுத்தித் துடைத்துப் பாருங்கள். நீங்கள் சுத்தமாக இருக்கிறது என்று நினைத்துக் கொண்டிருக்கும் சருமத்தில் இருந்து அத்தனை அழுக்குகள் வெளியேறும். இதுவே சுத்தமான சருமத்தின் முதல் படி.
2. நார்மல் க்ளன்சிங்
ஆயில் பயன்படுத்தி முகம் மற்றும் கழுத்துப் பகுதியில் இருக்கும் அழுக்குகளை நீக்கியதும், அடுத்ததாக இரண்டாவது க்ளன்சிங் செய்ய வேண்டும். அதற்கு நீங்கள் வழக்கமாகப் பயன்படுத்தும் சோப் அல்லது ஃபேஸ்வாஷ் கொண்டு க்ளன்சிங் செய்து கொள்ளலாம். முடிந்தவரையில் பிஎச் குறைவாக இருக்கும் ஃபேஸ்வாஷ் பயன்படுத்தி முகத்தைக் க்ளன்ஸ் செய்வது சிறந்தது. இது சருமத்தின் இயற்கை pH சமநிலையைப் பாதுகாக்கும்.
3. நைட் க்ரீம் - மாய்ஸ்ச்சரைஸர்
டபுள் க்ளன்சிங் செய்து முடித்தவுடன் 10 நிமிடங்கள் வரை சருமத்தை அப்படியே நன்கு சுவாசிக்க விடுங்கள். தூங்கும்போது நம் சருமத்தில் நீரிழப்பு ஏற்படும். அதை சமன்படுத்தி சருமத்தை ஹைட்ரைட்டிங்காகவும் மென்மையாகவும் வைக்க மாய்ஸ்ச்சரைஸரை பயன்படுத்துங்கள். நீங்கள் வழக்கமாக பயன்படுத்தும் மாய்ஸ்ச்சரைஸரும் பயன்படுத்தலாம் அல்லது ஒரு சரும நிபுணரிடம் கேட்டு நைட் ரிப்பேரிங் க்ரீம்கள் வாங்கி பயன்படுத்தலாம். இறுதியாக, இந்த சில எளிமையான, அடிப்படையான ஸ்கின் கேர் தவிர எக்ஸ்டிராவாக எந்தவித க்ரீம்களையும் அப்ளை செய்து நதியா தன்னுடைய ஸ்கின்னை ஆபத்தில் சிக்க வைப்பதில்லை. அடுத்து நல்ல தூக்கத்திற்குச் சென்றுவிடுவாராம். நல்ல தூக்கமும் சருமத்தைப் பாதுகாக்கும் மிக முக்கியமான ரகசியம்.
நதியாவின் அழகு ரகசியங்கள் - முக்கிய அம்சங்கள்
- உணவு: காய்கறிகள், பழங்கள், சாலட், பயறு வகைகள் நிறைந்த சமச்சீர் உணவு. பதப்படுத்தப்பட்ட உணவுகளைத் தவிர்த்தல்.
- நீர்ச்சத்து: நிறைய தண்ணீர், இளநீர், எலுமிச்சை வாட்டர், சீரகத் தண்ணீர் அருந்துதல்.
- உடற்பயிற்சி: தினசரி அரை மணி நேர உடற்பயிற்சி.
- டபுள் க்ளன்சிங்: குறிப்பாக இரவு நேர சருமப் பராமரிப்பில் எண்ணெய் அடிப்படையிலான சுத்திகரிப்புடன் வழக்கமான ஃபேஸ்வாஷைப் பயன்படுத்துதல்.
- மாய்ஸ்ச்சரைஸர்: சரும வறட்சியைத் தடுக்கவும், இரவு முழுவதும் சருமத்தை ஹைட்ரேட் செய்யவும் நைட் க்ரீம் அல்லது மாய்ஸ்ச்சரைஸர் பயன்படுத்துதல்.
- நல்ல தூக்கம்: சரும ஆரோக்கியத்திற்கு அத்தியாவசியமான நல்ல இரவு தூக்கம்.