கார்த்திகை மாதம் 2025: பண்டிகைகள், விரதங்கள் மற்றும் சுப முகூர்த்த நாட்கள்

தமிழ் மாதங்களில் மிகவும் சிறப்பு பெற்ற மாதங்களில் கார்த்திகை மாதமும் ஒன்று. திரும்பிய பக்கமெல்லாம் பக்தி மனம் கமழும் மாதமாக கார்த்திகை மாதம் விளங்கும். முருகப் பெருமான் உட்பட ஐயப்பன், சிவபெருமான், பெருமாள் ஆகிய தெய்வங்களின் வழிபாட்டிற்கு மிகவும் ஏற்ற மாதமாகும். கார்த்திகை மாதம் தீப வழிபாட்டிற்குரிய மாதமாகும். இறைவனை ஒளி வடிவமாக வழிபடுவது இந்த மாதத்தின் தனிச் சிறப்பு ஆகும். கார்த்திகை மாதத்தில் வரும் திங்கட்கிழமைகளில் சிவன் கோயில்களில் நடைபெறும் சோமவார சங்காபிஷேகம் மிகவும் உயர்வானதாகும். சிவபெருமானை கார்த்திகை மாதத்தில் சங்கு தீர்த்தத்தால் அபிஷேகம் செய்து வழிபடுவது பெரும் புண்ணியத்தையும், செல்வத்தையும் தரக்கூடியதாகும். இந்த ஆண்டு 2025 கார்த்திகை மாதத்தில் எந்த நாளில் என்ன உற்சவம், விரத நாட்கள், ஜோதிட ரீதியான சுப முகூர்த்தங்கள் வருகிறது என்பதை இங்கே காணலாம்.