சமையல் அறை என்பது வீட்டின் பொருளாதாரம் மற்றும் அதிர்ஷ்டத்தை நிர்ணயிக்கும் மிக முக்கியமான இடங்களில் ஒன்றாகும். வாஸ்து சாஸ்திரத்தின்படி, சில பொருட்களை சமையலறையில் வைத்திருப்பது துரதிஷ்டம், பண இழப்பு, வீண் செலவு மற்றும் நஷ்டத்தை ஏற்படுத்தும் என எச்சரிக்கப்பட்டுள்ளது. ஜோதிடம் மற்றும் வாஸ்து சாஸ்திர நிபுணர்கள் பரிந்துரைக்கும் இந்த குறிப்புகள், உங்கள் சமையல் அறையை நேர்மறை ஆற்றலுடன் வைத்திருக்க உதவும்.
சமையல் அறை வாஸ்து: தவிர்க்க வேண்டிய 5 முக்கியமான பொருட்கள்
உங்கள் வீட்டில் பண வரவு தங்குவதற்கும், குடும்ப நலம் பெருகவும், மறந்தும் கூட சமையல் அறையில் வைக்கக் கூடாத ஐந்து முக்கியமான பொருட்களைப் பற்றி இப்போது பார்ப்போம்:
- 1. காலியான டப்பாக்கள்: சமையல் அறையில் உணவு தானியங்கள் மற்றும் பொருட்களை சேமிக்கும் டப்பாக்கள் அல்லது ஜாடிகள் ஒருபோதும் முழுவதுமாக காலியாக இருக்கக்கூடாது. இது வீட்டில் பற்றாக்குறையையும், நிதி இழப்புகளையும் குறிக்கும். எப்போழுதும் சிறிதளவாவது பொருட்கள் இருக்கும்படி பார்த்துக் கொள்ளுங்கள்; முழுவதுமாக தீரும் முன் நிரப்பி வைக்கவும்.
- 2. பழைய மற்றும் காலாவதியான உணவுப் பொருட்கள்: காலாவதி தேதி முடிந்த பொருட்கள், பூச்சி அல்லது வண்டு விழுந்த உணவுப் பொருட்களை சமையல் அறையில் வைக்கக்கூடாது. இது வீட்டில் பண தேக்க நிலையை ஏற்படுத்தி, பண வரவைப் பாதிக்கும். வேண்டாத விஷயங்கள் உங்கள் வாழ்விலும், வீட்டிலும் தங்கி இருக்கும் என்பதை இது குறிக்கும்.
- 3. முறையற்ற கூர்மையான பொருட்கள்: கத்தி, கத்தரிக்கோல் போன்ற கூர்மையான ஆயுதங்களை கண்ட இடங்களில் வைக்கக் கூடாது. இவற்றை முறையாக பாதுகாத்து வைக்க வேண்டும். கண்ட இடங்களில் வைப்பது வீட்டில் நிதி நிலை ஒழுங்கற்றதாகவும், நிலைத்தன்மை அற்றதாகவும் இருக்கும். மழுங்கிய கத்தி, அரிவாள்மனையையும் சமையல் அறையில் வைக்கக் கூடாது.
- 4. உடைந்த பாத்திரங்கள்: விரிசல் விட்ட அல்லது உடைந்த பாத்திரங்களை சமையல் அறையில் வைத்திருப்பதோ, சமையலுக்கு பயன்படுத்துவதோ கூடாது. இது வீட்டில் பணம் தங்காமல் போவதற்கும், தேவையற்ற செலவுகள் மற்றும் பொருள் இழப்புகளுக்கும் வழிவகுக்கும்.
- 5. பயன்படுத்தாத மின் சாதனங்கள் மற்றும் பொருட்கள்: மிகவும் பழைய, பழுதடைந்த சமையல் அறை மின் சாதனங்கள், அல்லது நல்ல நிலையில் இல்லாத, தேவையில்லாமல் இடத்தை அடைத்துக் கொண்டிருக்கும் பொருட்களை உடனடியாக அப்புறப்படுத்த வேண்டும். நீண்ட நாட்களாக பயன்படுத்தாமல் வைத்திருக்கும் பொருட்கள் புதிய வாய்ப்புகள் உருவாவதை தடுத்து, வீட்டில் புதிய நேர்மறை ஆற்றல் வருவதை தடுக்கும்.
இந்த வாஸ்து குறிப்புகளைப் பின்பற்றுவதன் மூலம் உங்கள் சமையல் அறையில் நேர்மறை ஆற்றலை ஈர்த்து, வீட்டில் செல்வ செழிப்பையும், அமைதியையும் நிலைநாட்டலாம். இது உங்கள் வாழ்க்கையில் நல்ல அதிர்ஷ்டத்தை கொண்டு வரும்.