நிறங்களின் ஜோதிட முக்கியத்துவம்: ஒவ்வொரு நாளும் அணிய வேண்டிய நிறங்கள்

திங்கள் - வெள்ளை: அமைதி மற்றும் முன்னேற்றம்

திங்கட்கிழமை சந்திரன் ஆளும் தினம். சந்திரனின் ஆற்றலைப் பெறவும், மன அமைதியுடன் கூடிய வாழ்க்கைக்கு வழிவகுக்கவும் வெள்ளை நிற ஆடை அணிவது சிறந்தது. இது தொழில் வாழ்க்கையில் புதிய ஒப்பந்தங்கள், தன்னம்பிக்கை மேம்பாடு, மற்றும் காதல் வாழ்க்கையில் நல்ல மாற்றங்களை ஏற்படுத்தும். ஜோதிட ரீதியாக வெள்ளை நிறம் நேர்மறை ஆற்றலை ஈர்க்கும்.

செவ்வாய் - சிவப்பு: ஆற்றல் மற்றும் தைரியம்

வேத ஜோதிடத்தில் சிவப்பு கிரகமாக கருதப்படும் செவ்வாய் கிரகம், செவ்வாய் தினத்தின் அதிபதி ஆகும். செவ்வாய் கிழமைக்கும், சிவப்பு நிறத்திற்கும் நெருங்கிய தொடர்பு காணப்படுகிறது. நவகிரகங்களில் ஆக்ரோஷமான கிரகமாக கருதப்படும் செவ்வாய் கிரகம், தன்னம்பிக்கையை அதிகரிக்கும் ஒரு கிரகம் ஆகும். இந்த சிறப்பு தினத்தில் சிவப்பு நிற ஆடைகளை உடுத்துவது எதிர்வரும் தொழில் பிரச்சனைகளையும் தடுக்க உதவியாக இருக்கும். இது உங்கள் படைப்பாற்றலை மேம்படுத்தி, தைரியத்தை வழங்கும்.

புதன் - பச்சை: வளர்ச்சி மற்றும் கல்வி

முன்னேற்றம், வளர்ச்சி, எழுச்சி ஆகியவற்றுடன் தொடர்பு கொண்ட ஒரு வண்ணமாக பச்சை நிறம் பார்க்கப்படுகிறது. புதன் கிழமையை ஆளும் கிரகமாக புதன் பகவான் பார்க்கப்படும் நிலையிலும், புதன் கிரகத்தின் குணங்களுடன் ஒத்துப்போகும் பண்புகளை இந்த பச்சை நிறம் கொண்டிருக்கும் நிலையிலும், புதன் அன்று பச்சை நிற ஆடைகளை உடுத்த ஜோதிட நிபுணர்கள் குறிப்பிடுகின்றனர். குறிப்பாக, மாணவர்கள் மற்றும் தங்கள் கற்றல் காலத்தில் இருக்கும் நபர்கள், இந்த பச்சை நிற ஆடைகளை புதன் கிழமையன்று அணிய நிபுணர்கள் பரிந்துரைக்கின்றனர்.

வியாழன் - மஞ்சள்: மங்களகரமான தொடக்கம்

மஞ்சள், மங்களகரமான ஒரு நிறம். அதேப்போன்று, குரு பகவானை அதிபதியாக கொண்ட வியாழன் கிழமை, மங்களகரமான தொடக்கத்திற்கு ஏற்ற ஒரு தினமாக பார்க்கப்படுகிறது. வியாழன் கிழமை அன்று மஞ்சள் நிற ஆடை உடுத்துவது நேர்மறை ஆற்றலை கொண்டு வருகிறது, எதிர்வரும் பிரச்சனைகளை சமாளிக்கவும் உதவி செய்கிறது. குறிப்பாக, தொழில் வாழ்க்கையில் காணப்படும் போட்டிகளை குறைக்கிறது, குடும்ப வாழ்க்கையில் கணவன் - மனைவி இடையே காணப்பட்ட மனஸ்தாபங்களை முடிவுக்கு கொண்டு வருகிறது.

வெள்ளி - பிங்க்: காதல் மற்றும் உறவுகள்

காதல், அன்பு, பாசத்துடன் தொடர்புடைய ஒரு நிறம் இந்த பிங்க். வெள்ளிக்கிழமை சுக்கிரனுக்கு அர்ப்பணிக்கப்பட்ட ஒரு தினம் ஆகும். அதேநேரம் இந்த சுக்கிரன் காதல், அன்பு, தோற்றம், அழகு போன்றவற்றை குறிக்கும் ஒரு கிரகமாக பார்க்கப்படுகிறது. ஆக, இந்த வெள்ளிக்கிழமை தினத்தில் பிங்க் நிற ஆடைகளை உடுத்த நிபுணர்கள் பரிந்துரைக்கின்றனர். வெள்ளியன்று பிங்க் நிற ஆடை உடுத்துவது உங்கள் காதல் வாழ்க்கையில் வெற்றி காண உதவியாக இருக்கும், புதிய உறவுகளின் தொடக்கத்திற்கும் உதவி செய்யும். திருமணம் முடிக்காதவர்களுக்கு விரைவில் திருமணம் கைகூடும்!

சனி - கருப்பு: வலிமை மற்றும் பாதுகாப்பு

கர்ம வினைகளின் காவலன் சனி பகவானுக்கு உகந்த ஒரு தினமாக சனி கிழமை பார்க்கப்படுகிறது. சனி பகவானுக்கு உகந்த நிறமாக கருப்பு நிறம் பார்க்கப்படும் நிலையில், சனி கிழமைகளில் கருப்பு நிற ஆடைகளை உடுத்த நிபுணர்கள் பரிந்துரைக்கின்றனர். சனி கிழமைகளில் கருப்பு நிற ஆடை உடுத்துவது, எதிரிகளை வீழ்த்துவதன் அறிகுறியாக பார்க்கப்படுகிறது. மேலும், வலிமை, தைரியம் போன்றவற்றை குறிக்கும் ஒரு அறிகுறியாகவும் பார்க்கப்படுகிறது. அனைத்து வண்ணங்களையும் தன்னுள் கொண்டிருக்கும் கருப்பு நிறத்தை அணிவது சுய ஒழுக்கத்தை வளர்த்துக் கொள்வதன் ஒரு குறியீடாகவும் பார்க்கப்படுகிறது.

ஞாயிறு - ஆரஞ்சு: வெற்றி மற்றும் தன்னம்பிக்கை

சூரியன் ஆளும் தினமாக ஞாயிற்று கிழமை பார்க்கப்படுகிறது. நவகிரகங்களின் அரசனான சூரியனுக்கு பிடித்த ஒரு வண்ணமாக ஆரஞ்சு பார்க்கப்படும் நிலையில், சூரியனுக்கு உகந்த இந்த ஞாயிற்று கிழமைகளில் ஆரஞ்சு நிற ஆடைகளை உடுத்த நிபுணர்கள் பரிந்துரைக்கின்றனர். நிபுணர்கள் பரிந்துரைப்படி ஞாயிறு கிழமைகளில் ஆரஞ்சு நிற ஆடைகளை உடுத்துவது, தொழில் வாழ்க்கையில் காணப்படும் தடைகளை விரட்டுகிறது. வெற்றிகளை குவிக்க உதவி செய்கிறது. தன்னம்பிக்கையை அதிகரிக்கிறது, உங்கள் விருப்பம் போல் செயல்படவும் அனுமதிக்கிறது!

நிறங்கள் தரும் ஜோதிட பலன்கள்

• தினசரி நிறங்களை சரியாக தேர்ந்தெடுப்பதன் மூலம் நேர்மறை ஆற்றலை ஈர்க்கலாம்.
• தொழில் மற்றும் தனிப்பட்ட வாழ்க்கையில் தடைகளை நீக்கி வெற்றிகளை ஈட்டலாம்.
• தன்னம்பிக்கை மற்றும் படைப்பாற்றலை மேம்படுத்தலாம்.
• காதல், திருமண வாழ்க்கையில் நல்ல உறவுகளை உருவாக்கலாம்.
• மன அமைதியையும், உடல் ஆரோக்கியத்தையும் மேம்படுத்த ஜோதிட நிறங்கள் உதவுகின்றன.

அடிக்கடி கேட்கப்படும் கேள்விகள்