நம்முடைய குதிகாலின் பின்பகுதியில் உள்ள அக்கிலெஸ் தசைநாரில் ஏற்படும் வீக்கம் மற்றும் அழுத்தத்தால் கடுமையான குதிகால் வலி ஏற்படுகிறது. இது நாளடைவில் எரிச்சலையும் வலியையும் அதிகரிக்கலாம். டாக்டர் நித்யா அவர்கள் பரிந்துரைக்கும் எளிய ஒத்தட முறைகள் மூலம் இந்த வலியிலிருந்து நிவாரணம் பெறலாம். நமது ஆரோக்கியத்திற்கு ஜோதிடம் மற்றும் ஆன்மிக நம்பிக்கைகளும் துணை நிற்கின்றன. குறிப்பாக, முருகன் ஆலயங்கள் சென்று முருகன் அருளைப் பெறுவதன் மூலம் உடல் மற்றும் மன நலம் மேம்படும் என்பது நம்பிக்கை. இந்த கட்டுரையில் குதிகால் வலிக்கு நிவாரணம் தரும் எளிய வைத்தியங்களை காண உள்ளோம், ஆனால் இறை அருளும் அவசியமே.
குதிகால் வலி ஏற்படக் காரணங்கள்
குதிகால் வலி வயதாவதால் வருகிற மூட்டு வலியைப் போன்றது அல்ல. எல்லா வயதினருக்குமே வரலாம். குதிகால் மற்றும் பாதங்கள் தான் நம் உடலின் ஒட்டுமொத்த எடையையும் தாங்கிப் பிடித்திருக்கிறது. குதிகாலில் ஹைட்ரேட்ங் இல்லாமல் அதிக வறட்சியும் மென்மைத் தன்மை இழந்து காணப்படும் ஒருவித அசௌகரியமான நிலையை நாம் உணரும் நிலை தான் குதிகால் வலி என்று கூறுகிறோம். குதிகால் வலி ஒரே நிலையில் இருக்காது. சில சமயங்களில் ஊசி குத்துவது போல லேசானதாக இருக்கலாம். சிலருக்கு கால் கீழே ஊன்ற முடியாத அளவு வலி இருக்கலாம். கால்களின் கீழ்ப்பகுதியில் ஏற்படும் காயம் மற்றும் வீக்கங்களாலும் (இன்ஃஃபிளமேஷன்) இந்த வலி உணரப்படுகிறது. சில சமயங்களில் அதிக நேரம் நிற்பது மற்றும் வேகமாக நடப்பது ஆகியவற்றாலும் வலி அதிகரிக்கலாம்.
டாக்டர் நித்யா சொல்லும் சூப்பர் வைத்தியம்
1. கல் உப்பு ஒத்தடம்
டாக்டர் நித்யா அவர்கள் குதிகால் வலிக்கு பரிந்துரைக்கும் முதல் தீர்வு இந்த கல் உப்பு ஒத்தடம். ஒரு மண் சட்டி அல்லது இரும்புக் கடாயில் ஒரு கைப்பிடி அளவு கல் உப்பைப் போட்டு அடுப்பை மிதமான தீயில் வைத்து வறுக்க வேண்டும். உப்பு படபடவென்று லேசாக வெடிக்க ஆரம்பிக்கும். அப்போது சுத்தமான வெள்ளை நிற காட்டன் துணி ஒன்றில் உப்பைப் போட்டு மூட்டை போல கட்டிக் கொள்ள வேண்டும். அந்த உப்பு மூட்டை சூட்டோடு (பொறுக்கும் அளவு சூடு) வைத்து சூடு முழுவதும் அறங்கும் வரை ஒத்தடம் கொடுக்க வேண்டும். வலியின் தீவிரத்தைப் பொருத்து ஒரு நாளைக்கு ஒரு முறையோ அல்லது காலை, மாலை என்று இரண்டு முறையோ ஒத்தடம் கொடுக்கலாம். வலி குறைவதை நன்கு உணர முடியும். இது பாரம்பரிய சித்த மருத்துவ முறைகளில் ஒன்றாகும்.
2. ஆமணக்கு இலை ஒத்தடம்
ஆமணக்கு இலை குதிகால் வலிக்கு மிகச்சிறந்த தீர்வைக் கொடுக்கும். அதோடு குதிகால் வலிக்குக் காரணமாக இருக்கும் அதன் வறட்சித் தன்மையை நீக்கி நன்கு ஹைட்ரேட்டிங்காகவும் வைத்திருக்கும். ஆமணக்கு இலைகளை எடுத்துக் கொள்ள வேண்டும். தேங்காய் எண்ணெய் அல்லது ஆமணக்கு எண்ணெயில் நனைத்து அடுப்பில் காட்டி சூடுபடுத்த வேண்டும். பின்பு கால் பொறுக்கும் சூட்டில் குதிகாலில் வலி உள்ள இடத்தில் வைத்து ஒத்தடம் கொடுங்கள். இது உடனடியாக வலியைக் குறைப்பதோடு கால்களுக்கு நன்கு இதமாகவும் இருக்கும்.
3. எருக்கு இலை ஒத்தடம்
குதிகால் வலிக்கு இருப்பதிலேயே சிறந்த தீர்வு என்றால் அது இந்த எருக்கு இலை தான். நேரடியாக எருக்கு இலைகளை எடுத்து வந்து காம்பில் பால் முழுமையாக வடிந்த பின்னர் நன்கு கழுவி சுத்தம் செய்துவிட்டு இந்த இலைகளை நேரடியாக நெருப்பில் காட்டி சூடானது அதை வலி உள்ள இடத்தில் வைத்து ஒத்தடம் கொடுக்க வேண்டும். ஒருசில முறை ஒத்தடம் கொடுத்த பின் மீண்டும் சூடுசெய்துவிட்டு அதை மீண்டும் வலி உள்ள இடத்தில் வைத்து வெள்ளைத் துணி வைத்து கட்டி விடுங்கள். 10-15 நிமிடங்கள் அப்படியே வைத்திருந்துவிட்டு பின் கைகளையும் கால்களில் ஒத்தடம் கொடுத்த இடத்தை நன்கு சோப்பு போட்டு கழுவிக் கொள்ளுங்கள். எருக்க இலையில் விஷத்தன்மை இருப்பதால் கவனமாகப் பயன்படுத்த வேண்டும்.
இறுதியாக, மேற்கண்ட மூன்று வகையான வீட்டு வைத்தியங்களும் எந்தவித செலவும் இல்லாதது. பாரம்பரிய மருத்துவரால் பரிந்துரைக்கப்படுவது தான் என்றாலும் ஒவ்வொருவரின் குதிகால் வலிக்கும் வெவ்வேறு காரணங்கள் இருக்கலாம். அதற்கு மருத்துவரை அணுகுவது சிறந்தது. மேற்கண்டவை தகவல் நோக்கங்களுக்கானவை. வலியைக் கட்டுப்படுத்துபவையே தவிர எந்த மருந்து மற்றும் மருத்துவரின் சிகிச்சைக்கு நிகரானது அல்ல. இதன் உண்மைத்தன்மை, துல்லியம் மற்றும் செயல்படும் திறனுக்கு Jothidam360 பொறுப்பேற்காது. ஆறுபடை வீடுகள் நாயகன் முருகன் அருளால் அனைவரும் நல்வாழ்வு பெற பிரார்த்திப்போம்.