சிறிய வாஸ்து குறிப்புகளை நாம் தொடர்ந்து கடைபிடிப்பதன் மூலம் நம்முடைய வாழ்க்கையில் பலவிதமான நேர்மறை மாற்றங்களை காண முடியும். வீட்டில் மகிழ்ச்சி, ஆரோக்கியம், நேர்மறை ஆற்றல்கள் நிறைந்திருக்க என்னென்ன வாஸ்து குறிப்புகளைப் பின்பற்ற வேண்டும் என்பதை ஜோதிடம் 360 வழங்கும் இந்த சிறப்புப் பகுதியில் தெரிந்து கொள்வோம்.
வாஸ்து சாஸ்திரத்தின் முக்கியத்துவம்
வாஸ்து என்பது இயற்கையுடன் தொடர்புடைய ஒன்றாகும். பஞ்ச பூதங்களையும், எட்டு திசைகளையும் உள்ளடக்கி, அறிவியல் சார்ந்த சில வழிகாட்டுதல்களை வழங்குவதே வாஸ்து சாஸ்திரமாகும். நாம் வாழும் வீட்டில் பாசிடிவ் எனர்ஜி, அமைதி, மகிழ்ச்சி, ஒற்றுமை என்பது வீட்டின் பூஜை அறை, படுக்கை அறை, கழிவறை, வாசல், சமையலறை, தலைவாசல் போன்ற பல விதமான பகுதிகளில் இருந்து பெறப்படுகிறது. நம்முடைய வீட்டில் எப்போதும் மகிழ்ச்சி நிறைந்திருக்க சில குறிப்பிட்ட வாஸ்து குறிப்புகளை நாம் கண்டிப்பாக செய்ய வேண்டும். வாஸ்து ஜோதிட ரீதியாக, இந்த குறிப்புகள் நமது வாழ்க்கையில் நல்ல அதிர்ஷ்டத்தை ஈர்க்கும்.
நமக்கு மோட்சம் கிடைக்குமா, இல்லையா என்பதை ஜாதகத்தின் மூலம் தெரிந்து கொள்ள முடியுமா?
மகிழ்ச்சிக்கான முக்கிய வாஸ்து குறிப்புகள்
- நேர்மறை ஆற்றல்: வீட்டில் உள்ள ஜன்னல்கள் எப்போதும் திறந்திருக்கும்படி பார்த்துக் கொள்ள வேண்டும். இதனால் நல்ல வெளிச்சம், சுத்தமான காற்று வீட்டிற்குள் வருவதால் ஒரு விதமான நேர்மறை ஆற்றல் வீட்டிற்குள் நிறையும். பஞ்ச பூதங்களில் முக்கியமான காற்றும், சூரிய ஒளியும் வீட்டிற்குள் வருவதால் தீமைகள் அழிந்து, வீட்டிற்கு பாதுகாப்பு கிடைக்கும்.
- வண்ணங்களின் தாக்கம்: வீட்டிற்கு லைட் கலரான பெயிண்ட்களை பயன்படுத்துவது சிறப்பானதாகும். வெள்ளை, க்ரீம் கலர் போன்ற வண்ணங்கள் மனதிற்கு அமைதியையும், நிம்மதியையும் தரும். இது மகிழ்ச்சியை வரவேற்பதற்கான ஒரு வழியாகவும் வாஸ்து சாஸ்திரத்தில் கையாளப்படுகிறது.
செடி வளர்ப்பு மற்றும் நீர் நிலைகள்
- வாஸ்து செடிகள்: வீட்டில் மகிழ்ச்சியும், அமைதியும் நிறைவதற்கு சில குறிப்பிட்ட செடிகளை வளர்க்கலாம். வீட்டிற்குள் இருக்கும் காற்றை சுத்தப்படுத்தும் விதமாகவும், எதிர்மறை ஆற்றல்களை தடுக்கும் விதமான வாஸ்து செடிகளை வளர்க்கலாம். குறிப்பாக மணிபிளான்ட் போன்றவை வீட்டிற்கு அதிக மகிழ்ச்சியை கொண்டு வரும்.
- நீர் ஊற்று / மீன் தொட்டிகள்: வீட்டிற்கு அழகிற்காக அமைக்கப்படும் நீர் ஊற்று அல்லது மீன் தொட்டிகள் போன்றவைகள் வாஸ்து குறைபாடுகளை நீக்குவதுடன் வீட்டில் அமைதி நிறைந்திருக்க செய்யும். வீட்டின் வடகிழக்கு திசையில் நீர் ஊற்று, மீன் தொட்டி ஆகியவற்றை வைப்பது நல்லது. வடகிழக்கு என்பது வளர்ச்சி மற்றும் புதிய ஆரம்பத்திற்கான திசையாக கருதப்படுவதால் பாசிடிவ் எனர்ஜி எப்போதும் வீட்டில் நிறைந்திருக்கும்.
கழிவறை மற்றும் சமையலறை வாஸ்து
- கழிவறை கதவுகள்: மிக முக்கியமான வாஸ்து குறிப்பு, கழிவறை கதவுகள் எப்போதும் மூடி இருக்க வேண்டும். வாஸ்து சாஸ்திரப்படி, கழிவறை கதவுகள் மூடி இருப்பது வீட்டிற்குள் எதிர்மறை ஆற்றல்கள் நிறைவதையும், அதனால் வீட்டில் உள்ளவர்களுக்கு பாதிப்பு ஏற்படுவதையும் தடுக்கும். அதே போல் கழிவறை எப்போதும் தலைவாசல் கதவிற்கு எதிராகவோ அல்லது மற்ற அறைகளுக்கு எதிராகவோ இருக்கக் கூடாது.
- சமையலறை: வாஸ்து சாஸ்திரப்படி, வீட்டில் பாசிடிவ் எனர்ஜி நிறைந்திருக்க மிக முக்கியமான இடம் சமையலறை. அதனால் சமையலறையில் மருந்துகளை வைப்பதை தவிர்க்க வேண்டும். மருந்துகள் நோய்கள் மற்றும் சுகவீனத்தின் அடையாளமாகும். இவைகள் வீட்டில் உள்ள பாசிடிவ் எனர்ஜியை அழித்து விடும். வீட்டின் சமையலறையில் அடுப்பு எப்போதும் தென்கிழக்கு திசையிலேயே இருக்க வேண்டும். இது அக்னி மூலை என்பதால் இங்கு அடுப்பு வைப்பதால் வீட்டில் நெகட்டிவ் எனர்ஜி பரவுவதை தடுத்து, எந்த வித பாதிப்பு ஏற்படாமல் சமநிலையை ஏற்படுத்தும். இதனால் வீட்டில் எப்போதும் மகிழ்ச்சியும் நிறைந்திருக்க செய்யும்.
மின்னணு சாதனங்கள் மற்றும் வரவேற்பு அறை
- மின்னணு சாதனங்கள்: நம்மை சுற்றி பெரும்பாலும் மின்னணு சாதனங்களே அதிகம் உள்ளன. இவற்றில் பல மின்காந்த கதிரியக்கங்களை வெளியிடக் கூடியன. இவை நம்முடைய உடலுக்கு தீங்கு விளைவிக்கக் கூடியவை. இதனால் தலைவலி, உடல் சோர்வு போன்ற பல தீங்குகள் ஏற்படும். இந்த அதிர்வலைகள் வீடு முழுவதும் பரவி நெகட்டிவ் எனர்ஜியை உருவாக்கும். இதனால் இரவில் வைஃபை, டிவி, லேப்டாப் உள்ளிட்ட அனைத்து எலக்ட்ரானிக் சாதனங்களையும் அணைத்து விடுவது சிறப்பு.
- வரவேற்பு அறை: வரவேற்பு அறையில் எப்போதும் நாற்காலிகள், தொங்கும் திரைசீலைகள் மட்டுமே இருக்கும் படி பார்த்துக் கொள்ள வேண்டும். அதிகமான பொருட்களை அடைத்தது போல் வைப்பதை தவிர்ப்பதும், அதிகமான நேரத்தை அங்கு குடும்பத்துடன் செலவிடுவதும் வீட்டில் மகிழ்ச்சி நிறைந்திருக்க வழி செய்யும்.
கடனாக கொடுத்த பணம் விரைவில் திரும்ப கிடைப்பதற்கு எளிய வீட்டு பரிகாரம்.
வைகுண்ட ஏகாதசி, ஆருத்ரா தரிசனம்...டிசம்பர் 2023 வேறு என்னென்ன விசேஷங்கள் இருக்கு?