அஸ்வகந்தா ஒரு சக்திவாய்ந்த இந்திய மூலிகை. இது மத்திய கிழக்கு ஆப்பிரிக்க பகுதிகளிலும் வளரக்கூடியது. நல்ல உறக்கம், மன அமைதி போன்ற பல நன்மைகளைத் தந்தாலும், சில எதிர் விளைவுகளையும் ஏற்படுத்தலாம். அஸ்வகந்தாவின் பக்க விளைவுகள் பற்றி இங்கே விரிவாகப் பார்ப்போம்.
அஸ்வகந்தா (Ashwagandha) பல நன்மைகளை அளித்தாலும், சில குறிப்பிட்ட உடல்நிலைகளில் இது சில எதிர்வினைகளை ஏற்படுத்தக்கூடும். அதைப் பற்றி இங்கே விரிவாகப் பார்ப்போம்:
அஸ்வகந்தாவின் முக்கிய பக்க விளைவுகள்
1. அதிகப்படியான தூக்கம் (தூக்கக் கலக்கம்)
தூக்கமின்மை (Insomnia) பிரச்சினை உள்ளவர்களுக்கு அஸ்வகந்தா (Ashwagandha) மனதை அமைதிப்படுத்தி நல்ல தூக்கத்தைத் தூண்டும். ஆனால், தொடர்ந்து அதிக அளவில் எடுக்கும்போது, இது அதிகப்படியான தூக்கத்தையும், நாள் முழுவதும் சோர்வையும் ஏற்படுத்தலாம். எனவே, சரியான அளவை மருத்துவரின் ஆலோசனையுடன் பின்பற்றுவது அவசியம்.
2. ஆட்டோ இம்யூன் பிரச்சினைகள் (சொரியாசிஸ்)
அஸ்வகந்தா (Ashwagandha) நோயெதிர்ப்பு ஆற்றலை அதிகரிக்கும் ஒரு சிறந்த மூலிகை. ஆனால், சொரியாசிஸ் (Psoriasis) போன்ற ஆட்டோ இம்யூன் நோய்களால் (Autoimmune diseases) பாதிக்கப்பட்டவர்களுக்கு இது பிரச்சனைகளை ஏற்படுத்தலாம். நோயெதிர்ப்பு மண்டலம் மிகையாக செயல்பட்டு, உடலில் வைரஸ், பாக்டீரியாக்களுக்குப் பதிலாக ஆரோக்கியமான திசுக்களைத் தாக்கலாம். இதனால் ரத்தத்தில் வெள்ளை அணுக்களின் அளவு அதிகரித்து, சருமத்தில் செதில் செதிலாக வெள்ளை நிற பிளேக்குகள் உருவாகி சொரியாசிஸ் போன்ற கடும் சருமப் பிரச்சினைகளுக்கு வழிவகுக்கும்.
3. இரத்த சர்க்கரை அளவு குறைதல்
டைப் 2 நீரிழிவு (Type 2 Diabetes) நோயால் பாதிக்கப்பட்டவர்களுக்கு அஸ்வகந்தா (Ashwagandha) இரத்த சர்க்கரை அளவைக் குறைக்க உதவும் என ஆய்வுகள் தெரிவிக்கின்றன. இது கிட்டதட்ட 15 சதவீதம் வரை சர்க்கரை அளவை குறைக்கும் வாய்ப்புள்ளது. அதனால், ஏற்கெனவே இரத்த சர்க்கரை அளவு சீராக உள்ளவர்களும், குறைவாக உள்ளவர்களும் அஸ்வகந்தா (Ashwagandha) எடுக்கும்போது, லோ சுகர் (Low Sugar) எனப்படும் குறைந்த இரத்த சர்க்கரை பிரச்சினை ஏற்பட வாய்ப்புள்ளது. இது ஆபத்தானதாக இருக்கலாம்.
4. இரத்த அழுத்தக் குறைபாடு
உயர் இரத்த அழுத்தப் (Hypertension) பிரச்சினை உள்ளவர்களுக்கு அஸ்வகந்தா (Ashwagandha) நன்மை பயக்கும். ஆனால், குறைந்த இரத்த அழுத்தம் (Hypotension) உள்ளவர்கள் இதை எடுக்கும்போது எதிர்மறையான விளைவுகள் ஏற்படலாம். இரத்த அழுத்தம் மேலும் குறைந்து, மயக்கம், தலைச்சுற்றல் போன்ற பிரச்சினைகள் உண்டாக வாய்ப்புண்டு.
5. தைராய்டு சார்ந்த பிரச்சினைகள்
ஹைப்போ தைராய்டு (Hypothyroid) மற்றும் ஹைபர் தைராய்டு (Hyperthyroid) போன்ற தைராய்டு (Thyroid) பிரச்சினைகள் உள்ளவர்கள் அஸ்வகந்தா (Ashwagandha) எடுப்பதைத் தவிர்ப்பது நல்லது. இது தைராய்டு ஹார்மோன் (Thyroid Hormone) சுரப்பை சமநிலையில் வைக்க முடியாமல், வேறு தீவிர பிரச்சினைகளை ஏற்படுத்தலாம்.
6. உடல் எடை அதிகரிப்பு
அஸ்வகந்தாவில் (Ashwagandha) வளர்ச்சிக்குத் தூண்டும் மூலக்கூறுகள் உள்ளன. இது தசை வளர்ச்சியை மட்டுமின்றி, உடல் எடையையும் அதிகரிக்கச் செய்யலாம். மார்க்கெட்டுகளில் விற்கும் சில செரல் மிக்ஸ் மற்றும் எனர்ஜி மிக்ஸ்களில் இது சேர்க்கப்படுவதற்குக் காரணம் இதுவே. அதனால், உடல் பருமனாக இருப்பவர்கள் அஸ்வகந்தா (Ashwagandha) எடுப்பதைத் தவிர்ப்பது அல்லது மருத்துவ ஆலோசனை பெறுவது நல்லது.
7. முடி உதிர்தல் அல்லது வழுக்கை
ஆண்கள் பொதுவாக அஸ்வகந்தாவை (Ashwagandha) அதிகம் பயன்படுத்துகிறார்கள். ஆனால், சில சமயங்களில் சிலருக்கு அஸ்வகந்தா எடுப்பதால் தலையில் வழுக்கை (Hair Loss) விழும் வாய்ப்புள்ளது. டெஸ்ட்டோஸ்டீரோன் (Testosterone) ஹார்மோன் அதிகமாக இருப்பவர்கள் அஸ்வகந்தாவை (Ashwagandha) எடுக்கும்போது, அதன் அளவு மேலும் அதிகரிக்கும். இதனால் டைஹைட்ரோடெஸ்ட்டோஸ்டீரோன் (Dihydrotestosterone) பிரச்சினை ஏற்பட்டு, முடி உதிர்தல் அதிகமாகி வழுக்கை பிரச்சினை உண்டாகலாம்.
8. சரியான அளவு எவ்வளவு?
மருத்துவரின் பரிந்துரை இல்லாமல் அஸ்வகந்தா (Ashwagandha) மாத்திரை அல்லது பவுடரை எடுத்துக்கொள்வது ஆபத்தானது. ஒரு நாளைக்கு 225 முதல் 400 mg வரை ஒரு மாதத்திற்கு எடுத்துக்கொண்டால் கார்டிசோல் (Cortisol) அளவு கணிசமாகக் குறையும் என்று ஜர்னல் ஆஃப் ஆயுர்வேத இன்டகிரேட்டட் ஆய்வு ஒன்று குறிப்பிடுகிறது. ஸ்டிரென்த் டிரெயினிங் (Strength Training) செய்பவர்கள் 12 வாரங்களுக்கு 500 mg வரை எடுக்கலாம். இதற்கு மேல் எடுக்கக் கூடாது.
முக்கிய குறிப்பு:
அஸ்வகந்தா (Ashwagandha) பல நன்மைகளைத் தந்தாலும், உங்கள் உடல் நிலை, மருத்துவ நிலைகளைக் கருத்தில் கொள்ள வேண்டும். மருத்துவ ஆலோசனையின்றி எந்த ஒரு சப்ளிமெண்ட்டையும் எடுக்க வேண்டாம். இந்த கட்டுரை தகவல் நோக்கத்திற்காகவே வெளியிடப்பட்டுள்ளது. இதன் உண்மைத் தன்மை, செயல்திறன் மற்றும் துல்லியம் ஆகியவற்றுக்கு Jothidam360 பொறுப்பேற்காது.