கந்த சஷ்டி விரதம்: திருச்செந்தூர் முருகன் அருளை வீட்டில் இருந்தே பெறுவது எப்படி?

திருச்செந்தூர் முருகன் மூல மந்திரங்கள்

திருச்செந்தூர் முருகப் பெருமானுக்குரிய சக்தி வாய்ந்த மூல மந்திரங்கள் கீழே கொடுக்கப்பட்டுள்ளன. இவற்றை கந்த சஷ்டி விரதம் இருக்கும் காலத்திலும், மற்ற நாட்களிலும் முருகப் பெருமானை மனதார நினைத்து சொல்லி வந்தால் திருச்செந்தூர் முருகப் பெருமானின் அருள் அனைவருக்கும் கிடைக்கும்.

• ஸ்கந்தர் மூலமந்திரம்: ஓம் ஸ்ரூம் ஸ்கந்தாய நம:
• சுப்பிரமணியர் மூலமந்திரம்: ஓம் ஸௌம் ஸுப்ரமணியாய நம:
• குமாரர் மூலமந்திரம்: ஓம் க்ரூம் குமாராய நம:
• குஹர் மூலமந்திரம்: ஓம் ஸூம் ஸ்வாமி குஹாய நம:
• சரவணபவர் மூலமந்திரம்: ஓம் ஸ்ரீம் சம் சரவணபவாய நம:
• ஷண்முகர் மூலமந்திரம்: ஓம் ஹ்ரீம் ஷம் ஷண்முகாய நம:
• வள்ளிதேவி பீஜம்: ஓம் வ்ரீம் மகாவல்யை நம:
• தேவசேனா பீஜம்: ஓம் ஹ்ரீம் தேவசேனாயை நம:

பொதுவான மந்திரங்கள்: "ஓம் சுப்ரமண்யாய நமஹ ஓம் சரவணபவ"

இந்த அனைத்து மந்திரங்களையுமோ அல்லது உங்கள் மனதிற்கு நெருக்கமான ஏதாவது ஒரு மந்திரத்தை மட்டுமோ கந்த சஷ்டி காலத்தில் தொடர்ந்து சொல்லுவது சிறப்பானதாகும். வீட்டில் விளக்கேற்றி வைத்து, திருச்செந்தூர் ஆண்டவரை மனதார நினைத்து இந்த மந்திரத்தை சொன்னால் முருகனின் அருள் நிச்சயம் கிடைக்கும். உங்களின் பக்தி உண்மையான, திடமானதாக இருந்தால் ஏதாவது ஒரு வடிவில் முருகப் பெருமானின் காட்சியும் உங்களுக்கு கிடைக்கும். இந்த மந்திரங்களை கந்தசஷ்டி காலத்தில் மட்டுமின்றி எப்போது வேண்டுமானாலும் சொல்லலாம். எப்போது சொன்னாலும், எத்தனை முறை சொன்னாலும் இந்த மந்திரங்கள் நிச்சயம் பலன் தரக் கூடியவை ஆகும்.

முக்கிய அம்சங்கள்

• முருகனை தரிசிக்க திருச்செந்தூர் செல்ல முடியாதவர்கள் வீட்டில் இருந்தே அருள் பெறலாம்.
• சக்தி வாய்ந்த முருகன் மூல மந்திரங்களை உச்சரிப்பது பலன் தரும்.
• கந்த சஷ்டி விரத காலத்தில் மட்டுமல்லாமல், மற்ற நாட்களிலும் மந்திரங்களை சொல்லலாம்.
• உண்மையான பக்தியுடன் சொல்லும்போது, முருகப்பெருமான் நிச்சயம் காட்சி அருள்வார்.