அக்குள் கருமை நீங்க டாக்டர் ஸ்வேதா ராகுல் சொல்லும் வழிகள்

அக்குள் பகுதி கருமைக்கு காரணங்கள் என்ன?

அக்குள் பகுதியில் பிக்மென்டேஷன் இருந்தால் ரோலான் பயன்படுத்துவதன் மூலம் சரியாகிவிடும் என்று பலரும் நம்புகிறார்கள். ஆனால், உடலில் பிக்மென்டேஷன் வருவதற்கான காரணத்தை அறிந்து சிகிச்சை செய்வது அவசியம் என்கிறார் டாக்டர். ஸ்வேதா ராகுல். அக்குள் பகுதி கருமைக்கு உடல் பருமன், உராய்வு, பரம்பரை, அலர்ஜி மற்றும் பாக்டீரியல் பூஞ்சை போன்ற பல காரணங்கள் இருக்கலாம்.

அக்குள் பகுதி பிக்மென்டேஷன் மற்றும் ரோல்-ஆன் பயன்பாடு

சிலருக்கு அக்குள் கருமை நிறத்தோடு தடிமனாகவும் மாற வாய்ப்பு உண்டாம். தற்போது டியோடரண்டுகளை விட ரோல்-ஆன் பயன்படுத்துவது அதிகரித்துள்ளது. ஆனால், ரோல்-ஆன் பயன்படுத்துபவர்கள் ஒன்றை தெரிந்துகொள்ள வேண்டும். அதில் இருக்கும் நீர்த்தன்மை கொண்ட அடர்த்தியான நிலைத்தன்மையானது சிறிது நேரத்தில் குறைந்துவிடும். அதனால் இது முழுமையாக அக்குள் கருமையை போக்கிவிடாது என்பதை டாக்டர் ஸ்வேதா ராகுல் வலியுறுத்துகிறார்.

அக்குள் கருமை நீங்க சரியான பராமரிப்பு பொருட்கள்

அக்குள் பகுதி கருமைக்கு சரியான பராமரிப்பு பொருளை பயன்படுத்த வேண்டும். கிளைகோலிக் ஆசிட், லாக்டிக் ஆசிட், யூரியா, மேன்டலிக் ஆசிட் போன்ற பொருள்கள் கொண்ட தயாரிப்புகளை பயன்படுத்தலாம். நீங்கள் இவற்றில் எதை பயன்படுத்தினாலும் அது க்ரீம் தன்மை கொண்டதாக இருக்கட்டும். க்ரீம் அல்லது ஆயின்மென்ட் இன்னும் சிறந்ததாக இருக்கும். இது சரியான முறையில் கருமையை நீக்க செயல்படும் என்கிறார் டாக்டர் ஸ்வேதா.

அக்குள் கருமைக்கு மருத்துவ காரணங்கள்

அக்குள் கருமைக்கு சில மருத்துவ காரணங்களும் உண்டு:

• இரத்தத்தில் அதிக அளவு இன்சுலின் இருந்தால் ஏற்படும் அகாந்தோசிஸ் நிக்ரிக்கன்.
• பாக்டீரியா தொற்றின் போது தோலின் மடிப்புகளில் வெப்பம் வரும் போது ஏற்படும் எரித்ராஸ்மா. உடல் பருமன் மற்றும் நீரிழிவு நோய் கொண்டவர்களுக்கு இது வர அதிக ஆபத்து.
• அட்ரீனல் சுரப்பிகளில் ஹார்மோன் உற்பத்தி செய்ய முடியாத போது உண்டாகும் அடிசன் நோய்.

தீவிர நிலையில் சருமநல மருத்துவரை அணுகி சிகிச்சை பெறுவது அவசியம்.

அக்குள் கருமையை தடுக்கும் முறைகள்

அக்குள் கருமைக்கு மருத்துவ காரணங்கள் தவிர்க்க முடியாதவை என்றாலும், சில வழிகளில் இதை குறைக்கலாம்:

• உடல் எடையை நிர்வகித்தல்: இது கருமையை தவிர்க்க உதவும்.
• டியோடரண்ட் தேர்வு: ரசாயனம் அடிப்படையில் உள்ளவற்றை தவிர்த்து இயற்கையானவற்றை பயன்படுத்துங்கள்.
• முடி அகற்றும் முறை: அக்குள் ஷேவிங் செய்ய வேண்டாம். முடியை அகற்ற லேசர் அல்லது மெழுகு முறையை பயன்படுத்தலாம்.
• எக்ஸ்ஃபோலியேட்: அக்குள் பகுதி சருமம் தடிமன் ஆவதை தடுக்க வாரம் இரண்டு முறை எக்ஸ்ஃபோலியேட் செய்யலாம்.
• ஆடைகள்: இறுக்கமான ஆடைகள் மற்றும் உராய்வு ஏற்படுத்தும் உடைகளை தவிர்ப்பது நல்லது.

அடிக்கடி கேட்கப்படும் கேள்விகள்